與王宗堯開火 莊思敏斥如殺人父母

正在合作電影版《導火新聞線》的莊思敏與王宗堯近日在網上隔空開火，被男方斥「不專業」的莊思敏傍晚出席電影《神行太保2016》煞科宴突然爆喊：「斷人衣食猶如殺人父母，佢只係個演員，點解可以扼殺人地演出機會？」

提到隔空罵戰思敏訪問中忍不住落淚，事緣公司開拍《導火新聞線》中莊思敏被安排飾演記者，之後接拍了葉念琛的《PG戀愛指引》並需要在戲中染金髮，但後來《導》要她轉演談判專家，角色需要黑髮示人：「王生（王宗堯）堅決覺得我不適合，人哋理直氣壯咁講，我亦光明正大話俾大家知發生咩事。」

莊思敏隨即公開二人在手機中的短訊，見王宗堯指已跟老闆說叫她專心演好另一部戲：「作為演員點解可以決定另一演員的工作，斷人衣食猶如殺人父母，佢只係個演員，點解可以扼殺人地演出機會？」

 

問到老闆可有插手解決？她謂老闆沒有找他，即使在公司碰到王宗堯也會視而不見，不再是朋友。

資料圖片

45歲的「拿督千金」莊思敏（Jacquelin）向來敢作敢為，近日她被指疑似在室內吸煙，隨後她更在社交平台公開一名女子的正面照，疑似公開拍片者身份及進行網絡公審，引來網民不滿！

莊思敏

從網上流傳的影片可見，莊思敏當時身處北角一間餐廳內，鏡頭拍下她疑「吐霧」的動作，同時將手上的煙狀物傳給身旁男友人；另一短片則清晰可見她邊聽着台灣樂隊茄子蛋的歌曲《浪子回頭》，一邊搖擺身體兼跟着唱，心情靚爆，同時亦見到她兩旁的男、女友人正在吸飾疑似香煙。

網上圖片

由於香港已實施室內禁煙接近20年，發文者表示：「莊思敏and無品friends餐廳食雪茄，係咪當咗自己私竇呀，自私X。」隨後亦引來網民熱議，紛紛留言：「其實我唔歧視人食煙、食大麻食大空油都唔關我，但你班煙鏟可唔可以去室外第二度食呢」，又有人揶揄莊思敏：「又有人可能近排的士牌價大跌！所以壓力太大」，更有人則疑她手上身不像煙或雪茄：「雪茄會Pass？」

影片截圖

影片截圖

影片截圖

影片截圖

影片截圖

事件在網上持續發酵，莊思敏亦終於在社交平台現身，但並非為事件解畫，而是公開一名女子的照片，並留言：「我有個朋友仔想認識吓呢位靚女。可唔可以做個紅娘，有冇人識呀？」相中女子疑與她在同一餐廳，隨即引來網民狂轟莊思敏作為公眾人物，不但未有為個人行為解釋或道歉，反而公開挺身而出的拍片者想引來公審，又似作出威嚇，行為令人髮指！事後，莊思敏都有刪走貼文。

莊思敏被指疑似公開拍片者身份及進行網絡公審。

對於疑似在室內吸煙一事，莊思敏接受傳媒訪問時指，當時她手上的是雪茄仔，並不是煙或毒品，而且她沒有吸食，只是負責傳遞，「如果係我食嘅，佢點會冇我食煙同噴煙相？」又透露當時餐廳並不是公開營業，所以其他人都比較放鬆，下次會注意。至於疑公開拍攝者樣貌作公審，其後又刪文一事，她就指是誤會，因為有朋友忘記相中女子的名字，所以在社交平台尋人，而她忘記個私人社交網綁定了另一個社交網帳號，所以變成公開Post！