*

梁舜燕孫仔加盟邵氏 阮浩棕求突破恨演反派

阮浩棕身為「星三代」,為人依舊謙虛低調,努力做好演員的工作。

現年30歲的無綫藝人阮浩棕,是已故資深演員「上等人」梁舜燕孫仔,近日他在《我家無難事》一劇中飾演年輕版關禮傑,獲網民一致好評,更大讚他有陳曉東同鍾漢良影子。

阮浩棕外型高大靚仔,斯斯文文,很有鄰家男孩的感覺。

本網記者攝

阮浩棕在《我家無難事》中演年輕版關禮傑。

阮浩棕接受本網專訪時,表示很榮幸可以扮演關禮傑的年輕版,要再次多謝該劇監製王心慰(Amy姐)給予機會。他說:「可以做傑哥嘅後生版係一件好開心嘅事,因為傑哥真係好有型,Amy姐搵我做呢個角色,某程度上對我嚟講係一個好大嘅鼓舞嚟嘅。(覺得自己同傑哥似唔似樣?)我記得做完造型嗰一日,我同傑哥企埋一齊,Amy姐不停話我哋好似樣,但佢冇講邊part最似,可能係我哋神態有啲似,因為傑哥本身係一個好斯文嘅人,其實我自己都係偏向係咁嘅,所以可能係呢啲位有啲相似啩!」

- 閱讀更多 -

往下看更多文章