嚴祺為結婚放棄加入MIRROR 過安定生活婉拒參賽

嚴祺（嚴瀚祺）是《全民造星》第一季的30強參賽者，之前又參加過《超級巨聲4》奪得季軍，歌唱實力雄厚。近日HMVOD《敗者重生戰》出動到監製張建聲，上門邀請他參加比賽，他卻當場婉拒邀請。

嚴祺雖然少咗玩音樂，但依然好唱得。

其實嚴祺仲係《超級巨聲4》季軍。

原來嚴祺已經轉行做普通上班族，兩年前成為人夫的他，明顯有些幸福肥，張建聲都開玩笑稱他為「嚴肥」。嚴祺表示：「因為結咗婚，重心擺返喺家人度，又覺得要做嘅都做咗。我覺得去到一個年紀，差唔多要落返地啲。」

但嚴祺最後選擇結婚，變相失去做星機會。

兩年前結婚，仲有《造星》第一季的兄弟做伴郎團。

嚴祺分享他也曾被邀請加入MIRROR，不過最後沒有成事：「我曾經有後悔，但而家冇。MIRROR同ERROR出道嘅時候，我有後悔點解唔應承。當初因為我好堅持要結婚，我有問佢哋得唔得？佢哋問返我可唔可以遲兩年先結婚，我話唔得，我即刻就要結婚！」

嚴祺曾有機會做MIRROR其中一員。

雖然係季軍，但星途行得唔多順暢。

雖然最後未能成為男團成員，但他間中都有玩音樂。但不打算再參加比賽，原因是時間上難以配合，他坦言自己某程度上已放棄夢想：「我會用第二個方式再追尋（夢想）。」

嚴祺睇嚟好幸福肥。

雖然仲想唱歌，但都婉拒再參賽。

原來MIRROR邀請過咁多人加入。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。