由被批評到受讚賞。
現年29歲的鄧佩儀（Gloria）入行9年，終在台慶劇《換命真相》中首次擔正做女主角，劇中與譚俊彥及張頴康拍檔演三角戀，並與蔣家旻、劉佩玥以及陳庭欣姊妹鬥戲，角色甚有發揮。
點擊看圖輯
鄧佩儀（Gloria）在台慶劇《換命真相》中首度擔正做女主角。
鄧佩儀與譚俊彥、張頴康發展一段三角戀。
不過自劇集播出以後，有關Gloria的負面新聞不絕，令她相當無奈！
Gloria希望再有機會擔演女主角。
Gloria於2013年代表溫哥華參加《國際中華小姐競選》。
以21歲之齡奪得冠軍，及後加入TVB。
Gloria不敢翻看處女作《點金勝手》，並笑言：「自己睇返都毛管戙！」
感激張繼聰令她開竅。
Gloria由細到大也喜歡唱歌，更不時將自彈自唱影片放上網。
單身的Gloria不急於拍拖。
鄧佩儀（Gloria）在台慶劇《換命真相》中首度擔正做女主角。
Gloria接受本網專訪時，回想2013年奪得華姐冠軍後，隻身從加拿大來港發展演藝事業，曾經歷過迷惘及迷失期，特別感謝家人的支持：「知道有機會做女主角之後，我即刻WhatsApp我屋企人，我媽咪同哥哥特別戥我開心。因為一路以嚟佢哋都好支持我，會煲晒我有份做嘅劇集，甚至乎我哋啲記招做直播，佢哋嗰邊可能係凌晨三點，我媽咪都係睇緊嘅，所以佢哋嘅喜悅分分鐘大過我。」
鄧佩儀與譚俊彥、張頴康發展一段三角戀。
不過自劇集播出以後，有關Gloria的負面新聞不絕，令她相當無奈！
她形容今次能成為女主角是一個奇跡，又指在這行能獲得一個機會已很困難，更何況是女主角：「我真係好感謝監製黃偉聲，佢呢個決定我覺得都幾大膽嘅，唔係我對自己嘅實力有質疑，我自問真係好努力，亦覺得自己都handle到個角色。但係喺呢行真係有無數嘅人，可能係好好戲，亦同我一樣咁努力，可能都捱過好多無數嘅年份，但都未必有咁一個嘅機會，所以我真係視監製為貴人。」
Gloria希望再有機會擔演女主角。
初入行時，Gloria備受力捧演出《點金勝手》，可惜演技生硬被網民批評，令她事業一下子跌入谷底。為了將勤補拙，她不斷努力提升演技：「我同自己講唔得，無論點都要將演技進步，但演技唔係一時三刻就可以做到嘅事，所以我咁多年就算套劇冇我嘅戲份，我都會問監製可唔可以入廠睇，好多時一坐就12個鐘。因為我覺得係好大幫助，可以觀察到前輩點樣入戲、培養感情，有好多嘅嘢可以喺拍攝場景學到，我覺得呢個係令我進步得最快嘅原因。」
Gloria於2013年代表溫哥華參加《國際中華小姐競選》。
以21歲之齡奪得冠軍，及後加入TVB。
在訪問中，Gloria特別感謝張繼聰的無私指導：「我覺得自己開始開竅係拍《幕後玩家》，所以真係好感謝張繼聰，因為我到而家每一次諗返，都覺得佢開咗我第一道門，佢教識我角色上面有好多係天書上面冇嘅嘢，要靠自己去設計同再去掘深一層。佢真係啟發咗我好多，因為佢真係一個好有實力嘅演員，喺佢身上學到好多嘢，而嗰套劇我同佢哋都合作得好愉快。」
Gloria不敢翻看處女作《點金勝手》，並笑言：「自己睇返都毛管戙！」
感激張繼聰令她開竅。
講到在《換命真相》中首次挑戰女強人角色，飾演事務律師張旻，她直言在演繹角色上甚有難度：「張旻係一個好獨立同堅強嘅女律師，一啲都唔騰雞，我唯一似佢就係夠獨立，因為我本身係一個比較騰雞嘅人，有咩事發生我都會問朋友點算。同埋我係衝動派嚟嘅，角色就正正相反，永遠都好理智去主持大局，冇嘢係可以令佢慌張，所以我睇咗好多以律師做主題嘅劇集，睇吓其他女演員點樣去演繹一個女律師，營造出壓場嘅感覺，我有嘗試去設計一個咁樣嘅氛圍喺度。」
Gloria由細到大也喜歡唱歌，更不時將自彈自唱影片放上網。
講到無綫台慶頒獎禮即將舉行，曾被提名女配角及飛躍進步獎的Gloria，坦言不敢妄想太多：「獎項真係一啲慾望都冇，當然如果有係一個bonus，但比起獎項，我貪心啲想要多個做女主角嘅機會。又或者唔一定係女主角，就算係一個客串都得，譬如好似《金宵大廈》咁，總之我好鍾意有一個好特別嘅人物，好大嘅發揮空間，我寧願要一份咁樣嘅禮物多於獎項。」
單身的Gloria不急於拍拖。
