吳若希（Jinny）去年憑一曲《愈難愈愛》奪得「勁歌金曲金獎」，人氣急升自然是非多，最近被狗仔隊影到她開車接載馮允謙，她竟不諱言較愛跟男仔做朋友，難怪異性緣勁旺。
Jinny笑言自己是非多多，將來唔使望可以嫁入豪門。
今年憑《眼淚的秘密》再奪「金曲金獎」的Jinny，去年奪獎後屢受批評，幸先後得到前輩張敬軒和謝安琪鼓勵，「軒仔話金曲係頒畀最多人認識嘅歌，《愈難愈愛》確實係街知巷聞；Kay就同我講當年《囍帖街》得獎，都收到好多反對聲音，佢地嘅說話令我放開左，既然點都俾人講，索性做番自己」。
Jinny今年憑《眼淚的秘密》再奪「金曲金獎」。
緋聞多多的Jinny，繼同劇《實習天使》的黃子恆後，再被指有「新兵」馮允謙，她澄清兩人只是朋友，「我同子恆食餐飯啫！去到咁遠都俾人影到，真係無說話好講，我依家真係唔敢再單獨約男仔去街，馮允謙其實只係做完活動順路車佢一程咋！睇嚟暫時都無男仔敢埋我身邊。」
吳若希亦有份演出無綫電視劇集《實習天使》。
對被指得到男長輩照顧，又愛對他們用暱稱，Jinny坦承較愛跟男性相處，「讀書時同啲女仔相處太多是非，所以情願同男仔做朋友。」被問是否特別多男長輩照顧？她笑言「佢地只係提點我啫！」
