軒仔表示幫到人係佢福氣。
張敬軒紅館演唱會昨晚（30日）第6場請來梁詠琪（Gigi）擔任表演嘉賓，軒仔表示讀中學時，Gigi的電影及好幾首歌，陪伴著他十月芥菜的時期，擇偶標準都以Gigi作藍本，並自爆中五初戀的女朋友就是跟GiGi餅印，所以每當他聽到對方的歌，見到GiGi本人，都會覺得有一種魔力，帶他返回青蔥歲月的浪漫時光。
點擊看圖輯
軒仔見到Gigi，都似帶他返回青蔥歲月的浪漫時光。
軒仔見到Gigi，都似帶他返回青蔥歲月的浪漫時光。
二人合唱《兩個人的幸運》後，軒仔話要多謝女神，Gigi即笑謂：「哎吔，唔好叫我女神啦。我係咪真係同你個女朋友好似？」軒仔說：「佢矮你半個頭咁啦…不過依家已經嫁咗人，結咗婚，個老公重好似係生意人，好幸福。」Gigi反問軒仔：「咁你係咪好傷心呀？」軒仔話：「Dry少少咁啦，不過都冇乜嘢…講番我求學時期成日聽你歌…」Gigi就馬上插口：「喂，咪住先，我Google過，其實我大你幾年㗎咋！你唔好講到我好似大你幾代咁！」
張敬軒中學時期的擇偶條件以Gigi作為藍本。
Gigi接著又話：「我今次嚟想帶個故事畀大家聽，關於張敬軒嘅一件事。2015年，當時我哋有一位共同朋友，佢爸爸有病成日出入醫院，媽媽年紀又大照顧唔到，你身為佢朋友，知道佢難處之後，就同佢講，我屋企有個司機，不如用我個司機車你爸爸去醫院啦。當時佢好多謝你，減輕咗佢負擔。過一段日子，呢個朋友更發現，原來當年所謂軒仔司機，唔係你司機，係你特登出錢包起架車嚟幫佢。你真係私下做好多好事喎！」軒仔隨即謙稱：「幫到人係我福氣。你點解知咁多嘢㗎？今（昨）晚我揀咗我當年最鐘意個首十月芥菜歌，每次一聽呢首歌我就春心蕩漾。」接著合唱《一天一天》作結。
Gigi來唱歌也給大家帶來感人故事。
軒仔笑問Gigi點解知咁多嘢？
英皇珠寶於灣仔分店舉行全新珠寶系列「witHins」新品發佈會，英皇娛樂藝人張敬軒(Hins Cheung)作為系列代言人親身到場分享「witHins」的核心創作理念、設 計亮點及搭配技巧。活動獲英皇集團主席楊受成博士、英皇集團副主席楊政龍先生、英皇鐘錶珠寶主 席楊諾思小姐及英皇鐘錶珠寶行政總裁梁浩昌先生到場支持。久未出席公開活動的張敬軒打扮型格， 戴上系列產品閃耀登場，知道粉絲早早「包圍」門店守候，活動開始前他特意先和在場的粉絲互動， 感謝他們抽空出席支持，隨即引來全場尖叫，場面墟冚。
張敬軒
張敬軒
「witHins」新品發佈會
「witHins」新品發佈會
大量粉絲前來力撐
繼「Core and Encore」系列後，張敬軒再度與英皇珠寶攜手合作，隆重推出全新珠寶系列「witHins」。 系列靈感源自內在靈魂，以「喚醒內心真我」為創作核心，鼓勵每個人無需取悅他人、迎合潮流，亦 不必盲目追隨主流，只需與 witHins 一起盡情閃耀、自由綻放，活出屬於自己的光芒。張敬軒在發布 會上表示，今次是他首次透過鑽飾設計呈現最真實的自己，這不僅是珠寶首飾，更是一種自我表達的 藝術形式，讓真實的自己自由閃耀，展現無限而獨特的個性。他分享道:「珠寳其實係一種好私密嘅 配件，每個人日常嘅搭配同佩戴方式就好似向人展露緊自己嘅內心世界，除咗出席活動，我私下都會 隨住自己心情嘅變化，配搭唔同嘅首飾。我最近都喺一個訪問入面講過，今年我嘅目標係做自己，將 本身覺得要背負嘅責任同包袱放低少少，所以『Be Real. Be True. Be witHins』的概念對我嚟講好有 意思，提醒我要時刻擁抱真我，欣賞當下嘅自己。」
大量粉絲前來力撐
張敬軒再度與英皇珠寶攜手合作
張敬軒為三位幸運粉絲按個人風格用心搭配「witHins」珠寶。
張敬軒為三位幸運粉絲按個人風格用心搭配「witHins」珠寶。
「witHins」系列細分為「HYPE」、「HOPE」、「HALO」三個主題，廣告片特別為每個主題打造專屬場 景，並結合六種張敬軒真情流露的情緒狀態。整個拍攝過程沒有既定劇本，讓他毋須刻意演繹，只需 盡情做回自己。鏡頭下，他可隨音樂自在律動，流露心底的孩子氣，或化身天馬行空的幻想家，也可 以沉浸於情緒之中，時而脆弱、時而狂野，每一面都是最真實的張敬軒。活動中更首次公開廣告拍攝 花絮，當中一幕張敬軒為培養情緒而落下「男兒淚」，畫面相當動人。張敬軒打趣道:「本身導演畀支 紅色眼藥水我，我其實係驚到喊，因為唔係我代言嗰隻，所以我決定自己嚟。」短時間內要醞釀多種 情緒，他坦言拍攝時已使出渾身解數，形容整個過程猶如參加電影 casting，更笑稱:「拍完都需要啲 時間先出到戲」。張敬軒更分享拍攝當日的難忘經歷:「拍攝嗰朝早掛咗黑色暴雨警告，度度都水浸，差啲要取消，但成個團隊上下好齊心，一轉紅雨個個冒住濕身嘅風險趕去片場，真係好熱血，雖然遲 左幾個鐘開始，但拍攝非常順利，OT 得好少，大家都好專業。」
適逢馬年將至，英皇集團主席楊受成博士於活動上特別向張敬軒贈送以徐悲鴻《駿馬圖》為靈感設計 的足金藝術金牌，寓意深遠。楊博士送禮時表示，知道軒仔一向有藝術品味，熱愛中國文化，亦寫得 一手好書法，因而精心挑選這份別具藝術價值的禮物，同時預祝他在馬年馬到功成，創作靈感有如萬 馬奔騰，源源不絕。張敬軒收到禮物後，除感謝楊博士之餘，亦表示:「我會好好收藏，今年我亦會 好似呢隻好 fit 嘅馬咁去跑，開始返自己各個範疇的事業。」
「witHins」珠寶形象破格，採用炫黑電金及以輕巧、無焊點無縫接、不易變形、堅韌耐磨為特點的 5D 足金技術打造獨特的時尚感，系列產品亦融入 AR 技術，附有專屬二維碼，以手機掃描即可啟動 AR 濾鏡與張敬軒合照，讓粉絲可隨時隨地與「最痴身男神」互動!談到有粉絲分享購買產品後首日 已使用濾鏡與偶像合照上百次，張敬軒笑言:「我相信係個濾鏡影到大家好靚啫!買一件 witHins 產 品就『私有化』咗我咁，好抵呀!」引來全場笑聲。是次活動更特設寵粉環節，除了邀請首批購買系 列產品的忠實顧客外，粉絲亦可透過參與英皇珠寶於社交平台舉辦的問答遊戲，或上載佩戴「witHins」 首飾展現自我風格的照片完成任務，贏得活動入場資格。活動現場張敬軒更為三位幸運粉絲按其個人 風格用心搭配「witHins」珠寶，他表示粉絲太緊張，僵硬猶如紙板，笑料百出，活動後亦著工作人 員安排與場内所有粉絲合影，寵粉力驚人。
