黃德斌與「金牌監製」戚其義相識20多年，合作過無數劇集，彼此關係亦師亦友，在德斌的演戲生涯中，戚其義是非常重要的人，得到這位「伯樂」的發掘，德斌才有機會被人看到不同的一面。
德斌有親熱戲，坦言事前沒有跟另一半備案。
德斌與戚其義（右）是鄰舍關係，因而結下緣份。
自從戚其義離開TVB後，德斌再有機會跟對方合作，最近亞視旗下網台亞洲心動娛樂（AMM）推出網劇《逐流時代》，德斌說：「我同阿戚可以說是鄰舍關係，當年阿戚是火爆導演，我在訓練班出來，同學仔聽到他的名字都好驚，之後阿戚離開TVB去亞視做監製，我搬到阿戚樓下住，因為有共同朋友而認識，一齊玩、一齊睇戲。當時我做幕後，在阿戚身上得到幕後知識，和加深對演戲的認識及興趣，後來阿戚帶我重返TVB。」
點擊看圖輯
黃德斌獲監製「關照」：醒我咪多謝囉！ 與麥明詩大拍激情戲
德斌入行多年，原來甚少拍親熱戲。
麥明詩獲德斌稱讚是聰明又勤力的靚女。
入行拍親熱戲不算多
今次德斌在《逐》劇中飾演城中富豪，要風得風、要雨得雨，對財富的慾望非常強，更不惜利用身邊的朋友及犧牲家人，令自己得到更多，亦因無止境的追求帶他走到另一個下場，他和麥明詩、麥子樂有一段三角關係，其中和麥明詩有反轉再反轉的激情戲，德斌說拍攝時不覺尷尬，與麥明詩互相信任，順理成章按劇本去演，沒有芥蒂及不舒服感覺。問他的另一半會否呷醋？德斌笑言：「不會，知道是工作不會理，事前亦沒有備案，工作不需要刻意去講。（阿戚安排港姐麥明詩拍親熱戲明醒你？）哈哈！醒我還是醒麥明詩呀？醒我咪多謝囉！」其實德斌入行以來拍過的親熱戲不算多，他笑言10隻手指數得晒，所以沒有哪位對手最難忘，反而是劇情難忘過對手。今次和麥明詩這場親熱戲是好關鍵的場口，關乎劇情扭轉再發展下去。而他眼中的麥明詩不單是聰明、身材好的靚女，而且非常勤力、請假來拍劇，看到她好有熱誠，雖然演戲經驗比較嫩，但合作愉快。
德斌稱觀眾有選擇是好事。
說到《逐》劇將與TVB《金宵大廈2》及ViuTV《反起跑線聯盟》劇集對撼，德斌稱不會視作對撼，反而覺得有選擇對觀眾是好事。至於《逐》劇有甚麼取勝之處？他坦言：「人物豐富、節奏快、新鮮感強兼有可觀性。我不覺得網劇輸蝕，在這個網絡時代，觀眾未必單看免費電視節目，網絡電視隨時隨地也可以收看，而且各平台有自己的觀眾群，AMM平台在星馬、台灣及香港已經有基本觀眾。」
黃德斌獲監製「關照」：醒我咪多謝囉！ 與麥明詩大拍激情戲
由衛駿輝、黃德斌、梁非同、羅妍、陳景銣、黃安晴、蘇楚欣和馬溢霞擔綱演出，「進念．二十面體」製作、陳善之監製、胡恩威執導、改編自陳敢權原著劇本，並由音樂總監楊健平改編及作曲的全新摩登粵劇《頂頭鎚》，於香港文化中心大劇院一連五場演出經已圓滿完成，吸引不少城中名人入場支持。
馬溢霞、梁非同、羅妍、黃德斌、 衛駿輝、陳景銣、黃安晴、蘇楚欣
《頂頭鎚》原著劇本作者陳敢權、原著作曲高世章、《頂頭鎚》台前幕後
由海報拍攝、演員圍讀、綵排，再到連續四天一連五場演出，「進念．二十面體」主席劉千石也陪伴着台前幕後工作人員，為大家打氣，因此在完成最後一場演出後，大夥兒對石哥感到依依不捨，齊齊找他拍照留念。
導演胡恩威、《頂頭鎚》一眾演員、現場樂隊、監製陳善之、「進念．二十面體」主席劉千石
監製陳善之說：「多謝大家嚟支持我哋，多謝台上所有演員嘅傾情演出，所有藝術創作同創新都需要膽量同勇氣，進念．二十面體一直好堅持呢份膽量同勇氣。好開心同多謝呢幾日喺台上嘅演員同所有工作人員，佢哋都對我哋抱有呢份信任同膽量，同我哋行出呢一步，希望日後進念又好，又或者係健平呢班咁有創意嘅年青人都好，繼續去創新，令我哋香港嘅廣東粵劇可以繼續發揚光大，得到更多年青觀眾嘅支持。我想特別多謝大華銀行（香港）及大華銀行『藝．坊』成為水墨藝術伙伴，贊助水墨畫，所以大家可以見到咁靚嘅場境。仲有一位我好尊敬好尊敬嘅長輩李蔡美靈女士，佢今晚都有嚟到文化中心現場，佢嘅支持令我哋可以請300 位學生同200 位長者嚟欣賞《頂頭鎚》。」
導演胡恩威、黃德斌、監製陳善之
導演胡恩威表示：「多謝大家，呢個戲都好神奇，我十幾年前睇呢個劇，當時係由陳敢權導演、高世章作曲嘅音樂劇，非常之精彩，嗰陣我睇完就覺得不如將佢改成粵劇，我問陳老師可唔可以俾個劇本我改，佢話可以，我就先搵健平負責音樂，再搵阿Joe搵演員埋班，呢個班底好特別，係跨世代同跨界別。最後我要再次多謝陳老師同高世章，因為冇佢哋嘅音樂劇，就冇今晚呢套粵劇，呢個故仔對香港人嚟講，真係幾特別。」
導演胡恩威、羅妍、監製陳善之
衛駿輝說：「對我嚟講《頂頭鎚》係一個新嘗試，亦都好開心同團隊緊密合作咗兩個幾月，係一個好好嘅過程，我亦好享受呢個成果，大家合作一齊做一件咁創新嘅事，我好開心觀眾好鍾意個劇，由4歲小朋友到80歲嘅婆婆都有嚟睇，劇裡面有舞台劇同粵劇嘅元素，有啲初初接觸粵劇嘅朋友都覺得幾好睇，亦唔悶，我期待再次同進念合作，再次頂頭鎚。」
黃德斌、監製陳善之、衛駿輝
黃德斌則表示：「上次《唔講得》同今次《頂頭鎚》反應都咁好，多謝Joe搵我。觀眾入場前冇諗過係一個咁多嘢睇嘅劇目，佢哋可能會以為一個好傳統嘅粵劇，我見到佢哋好開心，有啲觀眾因為感動而流淚。成個團隊嘅合作可以俾到觀眾一個新嘅感受，大家都非常滿足，我亦好開心可以同進念團隊合作，佢哋俾咗一個喺我做咗咁多年演員之後嘅新體驗，再次多謝監製陳善之先生同導演胡恩威先生，同埋所有演員同工作人員，佢哋對我提點好多，例如點樣去演繹粵劇，我覺得自己嘅表現未夠完美，但我至少嘗試過，希望日後有更多新嘅嘗試，亦希望《頂頭鎚》能夠巡演，最後要多謝呢幾晚喺後台門口等我嘅粉絲。」
衛駿輝、黃德斌
黃德斌和粉絲
梁非同道：「真係非常之榮幸得到Joe哥同胡導演邀請我參加今次摩登粵劇《頂頭鎚》，亦都圓滿完成咗今次嘅演出，我個角色有好多層次，我自己喺當中學習咗好多。今次個劇嘅口碑非常之好，呢個粵劇中嘅音樂，同我哋嘅演繹有好多新嘅元素，同埋劇情好催淚，希望《頂頭鎚》可以Re-run再Re-run，到時大家要多多支持。」
衛駿輝、梁非同
梁非同、羅妍、衛駿輝
羅妍說：「好開心可以參加《頂頭鎚》，今次同埋咁多跨界嘅演員合作令我獲益好多，成個製作好有意思，因為我哋平時做戲係冇咁多舞台效果，或者係一啲曲式上面嘅變化，今次對自己嘅表現滿意，亦都好開心去同大家合作。」陳景銣表示：「不知不覺已經尾場，而家嘅心情仲係非常之興奮，有意猶未盡嘅感覺，希望可以快啲有第二次重演。」
羅妍、馬溢霞
羅妍、黃德斌
黃安晴續道：「完咗《頂頭鎚》嘅演出，我最大嘅得着係喺其他演員身上搵到佢哋對戲曲嘅熱誠同態度，好似輝輝老師同德斌哥哥，之前可能未同呢兩位前輩合作過，但今次見到佢哋對成個製作嘅態度，仲有認真投入嘅程度，我哋作為後輩都有好多得着，成個製作都好開心，見到咁多有才華嘅演員，我希望下次演出嘅時候，可以有更多進步空間。」
梁非同、監製陳善之、黃安晴
蘇楚欣稱：「啱啱完咗show，真係好唔捨得，喺排戲嘅過程同大家變成friend，同埋對粵劇有多咗了解，睇其他演員唱同做嗰陣，令我鍾意咗粵劇，粵劇原來唔係我想像中咁刻板，有時會覺得把聲會唔會唱到好辛苦；我一路聽佢哋唱又覺得粵劇真係幾好聽，同埋啲文字好深奧，今次將粵劇同話劇混合埋一齊真係幾有趣，仲有我今次要扮男人，真係從來未試過，我當初都好驚，但係好彩髮型同埋服裝幫到我。多謝今次Joe 哥同導演俾我嘗試呢個角色，希望將來有更加多嘅合作。」馬溢霞補充道：「多謝Joe哥同導演，粵劇加上話劇真的很有趣，看到觀眾投入和拍掌喝采，對我們演員來說真的是很大的鼓舞。」
衛駿輝、梁非同
陳寶珠、《頂頭鎚》台前幕後
