由葉童和黃德斌領銜主演，改編自上海話劇藝術中心原創舞台劇《不可說》的廣東話版黑色話劇：《唔講得》於香港文化中心大劇院的重演經已圓滿完城，吸引不少城中名人入場支持，9月4號晚包括香港著名導演林超賢、電影監制梁鳳英及王雅琳、著名粵劇及電視演員蓋鳴暉、著名時裝設計家鄧達智、女攝影家盧玉瑩和極地探險家李樂詩博士；6號晚則有律政司司長林定國、文化體育及旅遊局局長羅淑佩、香港著名導演王家衞，其餘日子還有前廣播署長張敏儀、著名藝人張艾嘉、姜大衞、李琳琳、張德蘭、米雪及久未露面的王愛明、著名粵劇演員衞駿暉、著名音樂人倫永亮及高世章。
葉童貼心在後台舉辦慶功派對。
監製陳善之
進念•二十面體 （實驗藝術團體） 聯合藝術總監胡恩威表示：「 多謝林定國司長及羅淑佩局長的光臨。進念82年成立至今已接近45年，我們應該是第一個劇團使用大劇院這個舞台，那時大劇院仍未正式對外開放我們便使用了，因為當時我們要去日本演出，所以用了這裏進行排練。在大劇院演出對我們來說有多重意義，進念是文化中心場地伙伴差唔多二十年；近年特區政府的文體旅局同康文署也很接受我們的意見，因為進念一直做很多和科技有關的實驗製作，於是政府花了很多心機和資源，去為劇場的影音系統升級，所以大家剛才體驗到的音響、影像、以及影像的互動效果也是全靠政府支持，我們將這些實驗結合傳統話劇，讓大家有不同的感覺，在此請大家以掌聲多謝支持我們的特區政府。」監製陳善之（Joe）說：「 不停去實驗，不停去創新，不停去嘗試才會令到大家可以有進步的元素，這些元素是需要膽量和勇氣，我一直也很欣賞進念•二十面體，因為他們一直也是在行這條路，雖然這條路很艱辛，也未必能真正得到大眾接受，但在這麼多年我看到阿威和進念的成長，我覺得香港的觀眾越來越懂得在不同方位，不同的藝術載體中尋找和享受自己的世界，我希望這景象能一直繼續下去，令到香港觀眾和製作可以一路進步，希望能得到大家的支持。」
點擊看圖輯
律政司司長林定國 （左二） 、文化體育及旅遊局局長羅淑佩 （左四）和「唔講得」台前幕後人員合照。
律政司司長林定國 （左二） 、文化體育及旅遊局局長羅淑佩 （左四）和「唔講得」台前幕後人員合照。
姜大衞與太太李琳琳
張艾嘉
米雪
前天（7日）尾場結束後，適逢天文台已預告將於晚上改掛八號風球，葉童老師貼心安排食物飲品，在文化中心休息室舉行了一個簡單而溫馨的慶功派對，大家均流露依依不捨的心情，不少工作人員也把握機會跟劇中演員包括葉童、黃德斌、楊永德、翁煒桐和李俊樂合照留念。《唔講得》下一站將會在10月9 - 11日，一連三晚於上海上音歌劇院和大家見面，今次公演也是「第二十四屆中國上海國際藝術節」內「粵港澳大灣區文化周」的節目之一。
由衛駿輝、黃德斌、梁非同、羅妍、陳景銣、黃安晴、蘇楚欣和馬溢霞擔綱演出，「進念．二十面體」製作、陳善之監製、胡恩威執導、改編自陳敢權原著劇本，並由音樂總監楊健平改編及作曲的全新摩登粵劇《頂頭鎚》，於香港文化中心大劇院一連五場演出經已圓滿完成，吸引不少城中名人入場支持。
馬溢霞、梁非同、羅妍、黃德斌、 衛駿輝、陳景銣、黃安晴、蘇楚欣
《頂頭鎚》原著劇本作者陳敢權、原著作曲高世章、《頂頭鎚》台前幕後
由海報拍攝、演員圍讀、綵排，再到連續四天一連五場演出，「進念．二十面體」主席劉千石也陪伴着台前幕後工作人員，為大家打氣，因此在完成最後一場演出後，大夥兒對石哥感到依依不捨，齊齊找他拍照留念。
導演胡恩威、《頂頭鎚》一眾演員、現場樂隊、監製陳善之、「進念．二十面體」主席劉千石
監製陳善之說：「多謝大家嚟支持我哋，多謝台上所有演員嘅傾情演出，所有藝術創作同創新都需要膽量同勇氣，進念．二十面體一直好堅持呢份膽量同勇氣。好開心同多謝呢幾日喺台上嘅演員同所有工作人員，佢哋都對我哋抱有呢份信任同膽量，同我哋行出呢一步，希望日後進念又好，又或者係健平呢班咁有創意嘅年青人都好，繼續去創新，令我哋香港嘅廣東粵劇可以繼續發揚光大，得到更多年青觀眾嘅支持。我想特別多謝大華銀行（香港）及大華銀行『藝．坊』成為水墨藝術伙伴，贊助水墨畫，所以大家可以見到咁靚嘅場境。仲有一位我好尊敬好尊敬嘅長輩李蔡美靈女士，佢今晚都有嚟到文化中心現場，佢嘅支持令我哋可以請300 位學生同200 位長者嚟欣賞《頂頭鎚》。」
導演胡恩威、黃德斌、監製陳善之
導演胡恩威表示：「多謝大家，呢個戲都好神奇，我十幾年前睇呢個劇，當時係由陳敢權導演、高世章作曲嘅音樂劇，非常之精彩，嗰陣我睇完就覺得不如將佢改成粵劇，我問陳老師可唔可以俾個劇本我改，佢話可以，我就先搵健平負責音樂，再搵阿Joe搵演員埋班，呢個班底好特別，係跨世代同跨界別。最後我要再次多謝陳老師同高世章，因為冇佢哋嘅音樂劇，就冇今晚呢套粵劇，呢個故仔對香港人嚟講，真係幾特別。」
導演胡恩威、羅妍、監製陳善之
衛駿輝說：「對我嚟講《頂頭鎚》係一個新嘗試，亦都好開心同團隊緊密合作咗兩個幾月，係一個好好嘅過程，我亦好享受呢個成果，大家合作一齊做一件咁創新嘅事，我好開心觀眾好鍾意個劇，由4歲小朋友到80歲嘅婆婆都有嚟睇，劇裡面有舞台劇同粵劇嘅元素，有啲初初接觸粵劇嘅朋友都覺得幾好睇，亦唔悶，我期待再次同進念合作，再次頂頭鎚。」
黃德斌、監製陳善之、衛駿輝
黃德斌則表示：「上次《唔講得》同今次《頂頭鎚》反應都咁好，多謝Joe搵我。觀眾入場前冇諗過係一個咁多嘢睇嘅劇目，佢哋可能會以為一個好傳統嘅粵劇，我見到佢哋好開心，有啲觀眾因為感動而流淚。成個團隊嘅合作可以俾到觀眾一個新嘅感受，大家都非常滿足，我亦好開心可以同進念團隊合作，佢哋俾咗一個喺我做咗咁多年演員之後嘅新體驗，再次多謝監製陳善之先生同導演胡恩威先生，同埋所有演員同工作人員，佢哋對我提點好多，例如點樣去演繹粵劇，我覺得自己嘅表現未夠完美，但我至少嘗試過，希望日後有更多新嘅嘗試，亦希望《頂頭鎚》能夠巡演，最後要多謝呢幾晚喺後台門口等我嘅粉絲。」
衛駿輝、黃德斌
黃德斌和粉絲
梁非同道：「真係非常之榮幸得到Joe哥同胡導演邀請我參加今次摩登粵劇《頂頭鎚》，亦都圓滿完成咗今次嘅演出，我個角色有好多層次，我自己喺當中學習咗好多。今次個劇嘅口碑非常之好，呢個粵劇中嘅音樂，同我哋嘅演繹有好多新嘅元素，同埋劇情好催淚，希望《頂頭鎚》可以Re-run再Re-run，到時大家要多多支持。」
衛駿輝、梁非同
梁非同、羅妍、衛駿輝
羅妍說：「好開心可以參加《頂頭鎚》，今次同埋咁多跨界嘅演員合作令我獲益好多，成個製作好有意思，因為我哋平時做戲係冇咁多舞台效果，或者係一啲曲式上面嘅變化，今次對自己嘅表現滿意，亦都好開心去同大家合作。」陳景銣表示：「不知不覺已經尾場，而家嘅心情仲係非常之興奮，有意猶未盡嘅感覺，希望可以快啲有第二次重演。」
羅妍、馬溢霞
羅妍、黃德斌
黃安晴續道：「完咗《頂頭鎚》嘅演出，我最大嘅得着係喺其他演員身上搵到佢哋對戲曲嘅熱誠同態度，好似輝輝老師同德斌哥哥，之前可能未同呢兩位前輩合作過，但今次見到佢哋對成個製作嘅態度，仲有認真投入嘅程度，我哋作為後輩都有好多得着，成個製作都好開心，見到咁多有才華嘅演員，我希望下次演出嘅時候，可以有更多進步空間。」
梁非同、監製陳善之、黃安晴
蘇楚欣稱：「啱啱完咗show，真係好唔捨得，喺排戲嘅過程同大家變成friend，同埋對粵劇有多咗了解，睇其他演員唱同做嗰陣，令我鍾意咗粵劇，粵劇原來唔係我想像中咁刻板，有時會覺得把聲會唔會唱到好辛苦；我一路聽佢哋唱又覺得粵劇真係幾好聽，同埋啲文字好深奧，今次將粵劇同話劇混合埋一齊真係幾有趣，仲有我今次要扮男人，真係從來未試過，我當初都好驚，但係好彩髮型同埋服裝幫到我。多謝今次Joe 哥同導演俾我嘗試呢個角色，希望將來有更加多嘅合作。」馬溢霞補充道：「多謝Joe哥同導演，粵劇加上話劇真的很有趣，看到觀眾投入和拍掌喝采，對我們演員來說真的是很大的鼓舞。」
衛駿輝、梁非同
陳寶珠、《頂頭鎚》台前幕後
