《頂頭鎚》重現奧運足球傳奇 黃德斌挑戰演摩登粵劇

香港首次與廣東及澳門共同主辦2025全運會與殘特奧會，全民運動熱潮昇華為文化盛事;進念.二十面在大華銀行(香港)及大華銀行「藝・坊」的支持下，破格呈獻全新改編摩登粵劇《頂頭鎚》，以藝術科技融匯粵劇精髓，結合足球熱血精神，打造年度最具爆發力 的香港實驗舞台製作。

粵劇音樂劇《頂頭鎚》將於11月13至16日假香港文化中心公演4場。

作品改編自陳敢權榮獲「香港舞台劇獎」十大最受歡迎製作的2008年原創音樂劇，2025年版本由胡恩威執導及改編，以「摩登粵劇」重塑經典。導演胡恩威從日本寶塚歌舞團的華麗美學與坎普(Camp)風格中汲取靈感，大膽結合流行文化與傳統戲曲，為觀眾打開一扇認識粵劇的全新大門。

薪傳粵劇藝術 向經典致敬
演出由陳善之監製，粤劇名伶衛駿輝與影視演員黃德斌攜手主演，聯同新晉粵劇演員羅妍、梁非同、黃安晴、陳景銣，以及戲劇演員蘇楚欣、馬溢霞等共同演出。新一代演員承襲粵劇「唱唸做打」全面訓練之精髓，以紮實功底向傑出女文武生任劍輝致敬，既傳承經典，亦融入當代創新精神，展現粵劇藝術歷久彌新的生命力。

黃德斌、衛駿輝及梁非同今日（9月26日）出席粵劇音樂劇《頂頭鎚》記者會。

黃德斌首演摩登粵劇，覺得很好玩！

粵劇現場的即興魅力
《頂頭鎚》在音樂設計上別出心裁，音樂總監楊健平重新編寫跨世代粵曲旋律，將粵曲當中如同爵士樂般的自由即興精神，現場互動特質融入創作，在保留傳統韻味的同時，注入即興元素，帶來既親切又充滿驚喜的聽覺體驗。水墨科技交織演出得到大華銀行(香港)及大華銀行「藝‧坊」大力支持，大華銀行「藝‧坊」更特別成為 「水墨藝術伙伴」。除邀得香港水墨藝術家徐沛之博士特別為劇名題字外，更親自指導 2024年「大華銀行年度水墨藝術大獎」中的「最具潛質藝術家年獎」得主鄒璐，創作傳統及數碼水墨畫，並將於演出中展出，開創「水墨 × 劇場科技 × 粵劇」新美學詞彙。

黃德斌透露為角色首次體驗黐雙層眼睫毛。

重現奧運足球傳奇
《頂頭鎚》劇情以懷舊喜劇形式鋪陳，港味濃郁、笑中帶淚，講述1936年中國足球隊首征柏林奧運的熱血傳奇。球隊由「亞洲球王」李惠堂領軍，隊中骨幹來自香港大坑老圍出身的本地球員;年青球員在戰火與身份認同的夾縫中，憑信念與「頂頭鎚」絕技勇闖奧運，於東南亞巡迴賽中創下佳績，成為首支登上奧運舞台的中國國家足球隊。

闔家共賞 劇場新體驗
《頂頭鎚》承襲粵劇女文武生反串男角的傳統技藝，並在當代劇場語境中賦予其新的演 繹，引領觀眾體驗傳統藝術的獨特意境，呈現視聽創意與感染力兼備的沉浸體驗。進念 以「一個頂十個」的拼搏精神，既回應時代，也向歷史與本土文化致敬，帶來一齣融合創新與傳承、適合全家共賞的精彩劇場作品。

梁非同

演出資訊
摩登粵劇 唱唸足球《頂頭鎚》
演出地點:香港文化中心大劇院演出
日期及時間: 2025年11月13–16日(星期四至日)晚上8時 2025年11月15日(星期六)下午3時
票價:
$680、$480、$280、$180 門票現正於進念購票平台，及城市售票網公開發售

創作及製作團隊
原著劇本:陳敢權
監製:陳善之 改編、導演:胡恩威
音樂總監、粵劇改編、作曲:楊健平

擔綱主演:衛駿輝
特邀演出:黃德斌

聯合主演(出場序):
陳景銣
羅妍
梁非同
黃安晴
蘇楚欣
馬溢霞

粵劇音樂劇《頂頭鎚》將於11月13至16日假香港文化中心公演4場。

由衛駿輝、黃德斌、梁非同、羅妍、陳景銣、黃安晴、蘇楚欣和馬溢霞擔綱演出，「進念．二十面體」製作、陳善之監製、胡恩威執導、改編自陳敢權原著劇本，並由音樂總監楊健平改編及作曲的全新摩登粵劇《頂頭鎚》，於香港文化中心大劇院一連五場演出經已圓滿完成，吸引不少城中名人入場支持。

馬溢霞、梁非同、羅妍、黃德斌、 衛駿輝、陳景銣、黃安晴、蘇楚欣

《頂頭鎚》原著劇本作者陳敢權、原著作曲高世章、《頂頭鎚》台前幕後

由海報拍攝、演員圍讀、綵排，再到連續四天一連五場演出，「進念．二十面體」主席劉千石也陪伴着台前幕後工作人員，為大家打氣，因此在完成最後一場演出後，大夥兒對石哥感到依依不捨，齊齊找他拍照留念。

導演胡恩威、《頂頭鎚》一眾演員、現場樂隊、監製陳善之、「進念．二十面體」主席劉千石

監製陳善之說：「多謝大家嚟支持我哋，多謝台上所有演員嘅傾情演出，所有藝術創作同創新都需要膽量同勇氣，進念．二十面體一直好堅持呢份膽量同勇氣。好開心同多謝呢幾日喺台上嘅演員同所有工作人員，佢哋都對我哋抱有呢份信任同膽量，同我哋行出呢一步，希望日後進念又好，又或者係健平呢班咁有創意嘅年青人都好，繼續去創新，令我哋香港嘅廣東粵劇可以繼續發揚光大，得到更多年青觀眾嘅支持。我想特別多謝大華銀行（香港）及大華銀行『藝．坊』成為水墨藝術伙伴，贊助水墨畫，所以大家可以見到咁靚嘅場境。仲有一位我好尊敬好尊敬嘅長輩李蔡美靈女士，佢今晚都有嚟到文化中心現場，佢嘅支持令我哋可以請300 位學生同200 位長者嚟欣賞《頂頭鎚》。」

導演胡恩威、黃德斌、監製陳善之

導演胡恩威表示：「多謝大家，呢個戲都好神奇，我十幾年前睇呢個劇，當時係由陳敢權導演、高世章作曲嘅音樂劇，非常之精彩，嗰陣我睇完就覺得不如將佢改成粵劇，我問陳老師可唔可以俾個劇本我改，佢話可以，我就先搵健平負責音樂，再搵阿Joe搵演員埋班，呢個班底好特別，係跨世代同跨界別。最後我要再次多謝陳老師同高世章，因為冇佢哋嘅音樂劇，就冇今晚呢套粵劇，呢個故仔對香港人嚟講，真係幾特別。」

導演胡恩威、羅妍、監製陳善之

衛駿輝說：「對我嚟講《頂頭鎚》係一個新嘗試，亦都好開心同團隊緊密合作咗兩個幾月，係一個好好嘅過程，我亦好享受呢個成果，大家合作一齊做一件咁創新嘅事，我好開心觀眾好鍾意個劇，由4歲小朋友到80歲嘅婆婆都有嚟睇，劇裡面有舞台劇同粵劇嘅元素，有啲初初接觸粵劇嘅朋友都覺得幾好睇，亦唔悶，我期待再次同進念合作，再次頂頭鎚。」

黃德斌、監製陳善之、衛駿輝

黃德斌則表示：「上次《唔講得》同今次《頂頭鎚》反應都咁好，多謝Joe搵我。觀眾入場前冇諗過係一個咁多嘢睇嘅劇目，佢哋可能會以為一個好傳統嘅粵劇，我見到佢哋好開心，有啲觀眾因為感動而流淚。成個團隊嘅合作可以俾到觀眾一個新嘅感受，大家都非常滿足，我亦好開心可以同進念團隊合作，佢哋俾咗一個喺我做咗咁多年演員之後嘅新體驗，再次多謝監製陳善之先生同導演胡恩威先生，同埋所有演員同工作人員，佢哋對我提點好多，例如點樣去演繹粵劇，我覺得自己嘅表現未夠完美，但我至少嘗試過，希望日後有更多新嘅嘗試，亦希望《頂頭鎚》能夠巡演，最後要多謝呢幾晚喺後台門口等我嘅粉絲。」

衛駿輝、黃德斌

黃德斌和粉絲

梁非同道：「真係非常之榮幸得到Joe哥同胡導演邀請我參加今次摩登粵劇《頂頭鎚》，亦都圓滿完成咗今次嘅演出，我個角色有好多層次，我自己喺當中學習咗好多。今次個劇嘅口碑非常之好，呢個粵劇中嘅音樂，同我哋嘅演繹有好多新嘅元素，同埋劇情好催淚，希望《頂頭鎚》可以Re-run再Re-run，到時大家要多多支持。」

衛駿輝、梁非同

梁非同、羅妍、衛駿輝

羅妍說：「好開心可以參加《頂頭鎚》，今次同埋咁多跨界嘅演員合作令我獲益好多，成個製作好有意思，因為我哋平時做戲係冇咁多舞台效果，或者係一啲曲式上面嘅變化，今次對自己嘅表現滿意，亦都好開心去同大家合作。」陳景銣表示：「不知不覺已經尾場，而家嘅心情仲係非常之興奮，有意猶未盡嘅感覺，希望可以快啲有第二次重演。」

羅妍、馬溢霞

羅妍、黃德斌

黃安晴續道：「完咗《頂頭鎚》嘅演出，我最大嘅得着係喺其他演員身上搵到佢哋對戲曲嘅熱誠同態度，好似輝輝老師同德斌哥哥，之前可能未同呢兩位前輩合作過，但今次見到佢哋對成個製作嘅態度，仲有認真投入嘅程度，我哋作為後輩都有好多得着，成個製作都好開心，見到咁多有才華嘅演員，我希望下次演出嘅時候，可以有更多進步空間。」

梁非同、監製陳善之、黃安晴

蘇楚欣稱：「啱啱完咗show，真係好唔捨得，喺排戲嘅過程同大家變成friend，同埋對粵劇有多咗了解，睇其他演員唱同做嗰陣，令我鍾意咗粵劇，粵劇原來唔係我想像中咁刻板，有時會覺得把聲會唔會唱到好辛苦；我一路聽佢哋唱又覺得粵劇真係幾好聽，同埋啲文字好深奧，今次將粵劇同話劇混合埋一齊真係幾有趣，仲有我今次要扮男人，真係從來未試過，我當初都好驚，但係好彩髮型同埋服裝幫到我。多謝今次Joe 哥同導演俾我嘗試呢個角色，希望將來有更加多嘅合作。」馬溢霞補充道：「多謝Joe哥同導演，粵劇加上話劇真的很有趣，看到觀眾投入和拍掌喝采，對我們演員來說真的是很大的鼓舞。」 ‎

衛駿輝、梁非同

陳寶珠、《頂頭鎚》台前幕後