黃浩然叫林峯追多個！
由林峯、黃浩然、周秀娜領銜主演的警匪劇《黑金風暴》，逢星期一至五晚上8時30分於免費電視77台香港開電視播映。劇集共由9個案件故事組成，講述重案組高級督察韋景聲（林峯飾），與香港廉政公署高級調查主任賀偉廉（黃浩然飾），抽絲剝繭聯手調查真相、緝拿兇手；鏡頭前二人Man到爆，偶有針鋒相對的場面，鏡頭後二人卻是相識多載、無所不談的好兄弟，在拍攝期間升呢做爸爸的林峯，更不時向黃浩然取育兒經，洋溢一遍父愛。
點擊看圖輯
林峯與黃浩然在《黑金風暴》Man爆互片，片鏡頭後竟然講呢啲⋯⋯
林峯與黃浩然在《黑金風暴》Man爆互片，片鏡頭後竟然講呢啲⋯⋯
林峯與黃浩然雖然貴為相識多載的好兄弟，但今次才是合作最多對手戲的一次，為「隆重其事」，二人在開拍前專誠相約商討角色演繹，盡顯專業。黃浩然透露二人過往曾飾演相似角色，但今次拍攝亦有一定難度，在於如何突破演技、帶給觀眾新鮮感，而林峯就說：「近年都多演警察角色，但今次唔同嘅係同好兄弟浩然合作，之前我哋有拍過古裝戲，講到最多對手戲，今次係第一次。其中我最難忘一場戲，係我個角色畀浩然鬧到冇得反駁，嗰場戲佢好MAN，英雄救美得嚟，有啲喜感又可以帶出兄弟間嘅矛盾。」
《黑金風暴》集查案、追捕、飛車、打戲於一身，鏡頭前幕幕精彩緊湊，兩位主角林峯、黃浩然鏡頭後卻父愛洋溢，不時大談育兒經。在拍攝期間榮升新手爸爸的林峯，自爆經常向黃浩然請教心得，期間林峯更慫恿已為兩子之父的黃浩然追多個囡，令黃浩然哭笑不得：「嘩，我唔好搞喇！你最好追番個，一囝一囡。」林峯聞言表示受落，更指：「承你貴言。」
提到今次劇集有不少動作場面，未知作為新手爸爸的林峯可有特別錫身？林峯表示沒有：「喺安全情況下，自己做到都自己做，好少用替身。」《黑金風暴》香港演員陣容鼎盛，包括：吳啟華、吳岱融、熊黛林、郭政鴻、李璨琛、麥長青、連詩雅、林韋辰、高鈞賢、趙慧珊等，就連林峯也表示這是首次在一套劇中遇見這麼多香港演員，而黃浩然則說：「有好多我好欣賞嘅演員，飾演我上司嘅吳啟華，今次終於可以同佢合作，依然係咁Nice、咁風度翩翩嘅前輩。」
戲外大談育兒經！
娛樂訪談節目《星展豐盛理財保險策劃呈獻：一周星星》，逢周日晚10點翡翠台播映。節目每集將瞄準影視圈及歌壇等焦點人物進行訪談，並由區永權、許文軒、王鎮泉、潘盈慧輪流主持，本周日晚（28日）播出的第四集，嘉賓是還未正式上映已熱爆全港的電影《尋秦記》四位主演古天樂、宣萱、林峯及朱鑑然，主持則是區永權。
呢個白眼，係咪正先？
你哋唔好以為係扮打，宣萱真係「啪」一聲打落去古仔度。
今集《一周星星》絕對可以「笑聲笑聲滿載溫馨」形容，單是古仔與宣萱的爆笑互動，已值回票價！先說「本尊Fact Check」環節，區永權求證古仔是否如傳聞所指「唔畀人趷得」，現場即時變得儼如聯歡會般熱鬧。古仔先是很大反應：「你講咩呀？（馬上指著宣萱）佢嗰日唔趷過我唔開心。」區永權聞言接招追問宣萱：「傳聞呢個世上，得你一個可以對住鏡頭趷佢（古仔）。」古仔聞言又「搶答」：「我澄清番先，佢唔對住鏡頭都係趷架喇。」不過宣萱對二人一唱一和卻大力抗議，並指區永權都會寸古仔，古仔聞言再搞笑謂：「我好記仇嘅，你死緊喇今次！」
當年呢條NG片熱爆網。
古仔想再篤宣萱，但宣萱好精靈咁避開咗。
古仔暗示畀宣萱趷到冇晒感覺
此時林峯加入戰團，不過卻並非為宣萱護航：「我喺度諗緊邊一日你係冇趷佢嘅，又好似冇…」、「我未見過有其他人趷佢」。被圍攻的宣萱，即強調「開工我冇趷佢嘅」，豈料古仔依然反對：「你咁都夠膽講嘅？！」由於戰況太過混亂，區永權嘗試作出精闢分析打圓場：「你（指宣萱）會唔會趷佢（指古仔）趷到趷咗都唔覺得趷緊佢呢？」宣萱聞言竟哈哈大笑：「咁我真係唔知。」眼見「沉冤得雪」，古仔加多兩錢肉緊謂：「咪係咯！（點解你畀佢趷？）咁我都唔知吖嘛，我都慣咗喇嘛，你估我想架？！」宣萱在節目中，還會大方分享成功「趷古仔」秘訣，萬勿錯過。
宣萱同古仔嘅互動真係好甜蜜。
古仔成日叫宣萱「等等先」。
古仔笑宣萱「成日郁手郁腳」
其實宣萱除了把口唔放過古仔，連「雙眼」及「雙手」亦對古仔「零客氣」。事緣其中一Part，宣萱詳談拍攝電影版《尋秦記》時，與當年的當家花旦郭羨妮再𢇽聚首「仲啱傾過以前」時，古仔因一句「即係以前唔啱傾」口多多搭嗲，被宣萱「反白眼」攻擊兼被負評「搞屎棍」；之後宣萱提到重遇歐瑞偉（角色陶總管）時感覺很強烈，並指很快便能投入與對方的感情戲時，古仔又再口多多：「即係你同陶總管有感情線，你意思係。」宣萱聞言嬲到狂打古仔，古仔只能無奈回應：「成日郁手郁腳。」之後宣萱應區永權要求向古仔表達謝意，熱情的她即作勢送上「熊抱」，古仔見狀即閘住：「唔好郁手郁腳呀喂」、「唔好摸呀！」最後連環慘食檸檬的宣萱竟出拳狂打古仔，十分搞笑。
至於宣萱，梗係成日忍唔住爆笑啦。
宣萱模仿古仔喺片場嘅眼神。
呢吓小學雞鬥扁嘴大賽真係笑死。
妙談當年「篤到狂笑」NG網紅片
古仔和宣萱還大方談及了劇集《尋秦記》廣傳至今的網紅NG片，談到其中一條古仔因大力篤宣萱心口、篤到宣萱忍不住爆笑的NG片時，宣萱時隔多年依然覺得搞笑又委屈：「我睇親都笑，我估我睇三十、甚至一百次都會笑」、「佢冇當我女人咯，總之係…可能對佢嚟講（力度）四架啫，但對我嚟講已經係七、八架喇。」古仔聞言只能回應：「篤本身唔大力唔係叫做篤嘅，叫做撩！」隨即應區永權要求即場示範向宣萱「撩穴」，宣萱見狀即靈活閃避：「唔好撩我！」
宣萱想攬古仔表達謝意，但古仔似乎想謝絕好意。
宣萱呢吓又係打得好激動。
淨係睇宣萱表情包，都值回票價啦。
古仔爆宣萱愛說話：佢平時一定會同我講嘢，我病嗰日我先唔應佢架咋
玩了一大輪，古仔才正式為當年力度過猛解畫，期間他除會大爆宣萱「唔記得對白瘀事」，還笑言宣萱一分鐘都不能停下嘴巴，古仔：「你叫佢現場唔講嘢一分鐘係冇可能嘅事嚟，呢個係真事。」、「佢平時一定會同我講嘢架，除咗我病嗰日我先唔應佢架咋。」面對古仔連環強攻，宣萱一度使出「搞笑扁嘴樣」無聲抗議，豈料古仔照辦煮碗扁嘴「反擊」，想親眼直擊兩位大細路更多爆笑互動，密切留意今晚播出的一集《一周星星》。
