林峯《Go With The Flow》世界巡迴演唱會氣勢如虹，剛完成佛山及廣州兩站均座無虛席，在歌迷熱烈呼聲中，林峯未來2個月，將出發歐亞美三大洲，首先登陸上海、繼而大馬，拉斯維加斯、大西洋城、雷諾、溫哥華、多倫多、倫敦、及東京等。
林峯未來2個月，將出發歐亞美三大洲開騷。
林峯《Go With The Flow》世界巡迴演唱會
上海站於11月1日舉行，林峯表示今次巡演，將會帶給各地觀眾驚喜連連，廣州和佛山站邀請周秀娜與胡子彤助陣後，上海場邀請到天后陳慧琳做嘉賓，他開心笑道：「冇諗過Kelly 咁好一口答應，我諗住請佢食大閘蟹！另外最開心上海站，應該係我囡囡，佢好想來睇我演唱會，但係要返學，唔可以請假，只得上海站可以捧場，佢知道有上海站好開心。」
點擊看圖輯
林峯未來2個月，將出發歐亞美三大洲開騷。
林峯《Go With The Flow》世界巡迴演唱會
倫敦站迎生日。
首度海外慶祝。
林峯籲歌迷勿買太多蛋糕 。
林峯預告全新單曲即將面世。
緊接後面的馬來西亞場，林峯謂：「大馬觀眾，我諗住帶宣萱嚟，一齊食馬拉肉骨茶！大家開心嗎？」而加拿大溫哥華及多倫多的場次，林峯透露：「鍾嘉欣媽咪一早打電話嚟訂飛，話要帶晒全家捧場，好多謝Auntie咁支持！，嘉欣會唔會上台做嘉賓？佢話暫時未知時間夾唔夾到，不如大家幫手喺網上呼籲佢做特別嘉賓啦！」
倫敦站迎生日。
首度海外慶祝。
今年生日，林峯也得於開騷中渡過，12月8日生日的他表示：「今次係首度於倫敦慶祝生日，演出就係12月9日。」據知這次生日期間開騷，引發歌迷興奮萬分，準備為他籌備生日驚喜。林峯表示能舉行世界巡迴演唱會，已是最好生日禮物，「從來冇諗過生日喺倫敦呀，都真係幾開心。今年可以喺世界不同角落與大家分享音樂，已經係我最珍貴嘅生日禮物。」
據知倫敦當地fans準備為他生日場慶祝，林峯笑道，「如果佢哋咁諗我都好歡迎！不過今次要同fans講聲，千祈唔好買太多蛋糕嚟，我要保持身材，否則後面演唱會啲歌衫，全部穿唔落就大件事！難得喺海外過生日，希望同大家盡興慶祝，我知道大家會好開心，但都要幫手監督我唔好食太多甜食呀！」
林峯籲歌迷勿買太多蛋糕 。
林峯預告全新單曲即將面世。
今次巡演，倫敦與日本兩站均是他首次踏足，林峯回憶起TVB年代，曾經同吳卓羲去日本參加過音樂祭，「當時合唱《Monica》等經典歌，今次收到好多日本歌迷留言話，想再聽呢啲歌曲。」
對於歌迷呼聲，林峯爽快答應：「絕對可以！成個巡演我哋特意設計點歌環節，大家隨時透過社交媒體留言，除咗《Monica》，仲可以點唱其他歌，希望盡量滿足所有歌迷想聽嘅歌！」
演唱會進行得如火如荼之際，林峯同時預告全新單曲即將面世：「新歌啱啱錄製完成，下星期就會喺香港首播！今次作品也是由Wyman（黃偉文）操刀，探討比較深刻嘅愛情觀題材，好快就會同大家揭曉內容。」他更許下心願希望新歌能傳遍各地：「由上海，吉隆坡到拉斯維加斯，倫敦到東京，所有巡演城市都有機會聽到呢首新作！」
