劇集《回歸光影頌》單元《神奇的燈泡》於今晚播出，周嘉洛與江嘉敏舊班底再度合作，飾演外賣員的嘉洛撞樣曾比特的「爆炸頭」，造型十分搶鏡，為觀眾帶來新鮮感！
周嘉洛的爆炸頭好搶鏡。
周嘉洛、江嘉敏（Kaman）、鄭子誠及戴耀明等《新四十二章經》班底，再合作《回歸光影頌》劇集單元《神奇的燈泡》，眾人合作順利，之前在土瓜灣拍攝一場戲份。劇情講到一行人準備送外賣，見到一夕爆紅的戴耀明邊走邊唱《倒轉地球》，三人對此議論紛紛，而周嘉洛戴上爆炸頭造型撞樣曾比特，他笑說：「我唯一諗到個髮型同個劇本嘅關聯，就係『燈泡』同『爆炸頭』嘅形狀望落有少少似。」
點擊看圖輯
戴耀明（右二）手舞足蹈，周嘉洛、鄭子誠及江嘉敏交足戲。
周嘉洛拍《回歸光影頌》爆炸頭搶鏡 戴耀明NG怕誤觸江嘉敏敏感位
戴耀明（右二）手舞足蹈，周嘉洛、鄭子誠及江嘉敏交足戲。
至於在拍攝期間不時把握時間食朱古力，問到是否多部劇集孭飛而沒時間食飯？嘉洛笑說：「不是呀，我只是太過為食。」嘉洛還表示劇組對他好好，安排了一個爆炸頭造型給他，因此每日開工慳了一個鐘做髮型的時間，可以休息補眠，與林夏薇合作新劇《寵愛Pet Pet》的他，表示劇中會以較成熟的造型示人，而跟視后林夏薇合作亦不會有壓力。
何依婷在劇中以「孖辮」Look現身。
Kaman月前在電台節目中自爆，因曾被指介入王浩信婚姻的緋聞而有過輕生念頭，那時年紀太輕未懂處理，問到現在面對緋聞已懂得應付？她隨即說：「點會不怕（緋聞），千萬不要搞我，好驚、照樣會驚！」
鄭子誠與戴耀明拍攝打交戲時，不斷NG。
戴耀明揭NG真相
此外，今次劇中還會有何依婷以「鬈髮孖辮」Look驚喜現身，更有鄭子誠與戴耀明的打交戲，無論演員演出或鏡頭處理均喜感及動感十足，大家更因戴耀明吃了不少NG，他事後受訪笑指真正的「罪魁禍首」是江嘉敏：「因為要拍出骨牌效應，又要跌得靚喎，前面嘉洛次次都跌得好靚，但就每次都衰喺小弟身上，點解呢？係因為我好驚唔小心撞到後面江嘉敏嘅敏感部位！」
周嘉洛拍《回歸光影頌》爆炸頭搶鏡 戴耀明NG怕誤觸江嘉敏敏感位
圍繞汪明荃（阿姐）出發看世界為主題的台慶綜藝節目《中國建設銀行(亞洲)呈獻：帶阿姐看世界》，本周二起晚上十點半翡翠台繼續播映。
阿姐為是次災民打氣及慰問的片段。
「我同大家一樣，心情非常沉重」
上周三大埔宏福苑五級火災情嚴重，《帶阿姐看世界》亦因而停播四集，並於今晚（12月2日）十點半翡翠台重啟播映。節目重啟前，加插了阿姐為是次災民打氣及慰問的片段，並祝福所有港人平安、重新出發：「大家好，我係汪明荃。上星期三大埔宏福苑嘅火災，我同大家一樣，心情非常沉重。喺度我代表我哋節目團隊，向所有受今次火災影響嘅朋友，送上最深切慰問；同時亦向各位消防員、醫護人員同埋參與救災嘅每一位致敬。作為藝人，我都希望盡一分力，呼籲大家關心今次嘅事件；而另一方面，我亦都希望以演員嘅專業，藉住做好嘅節目，陪伴大家，將溫暖送畀你哋。祝願大家都平安，我哋一齊再出發。」
周嘉洛先帶阿姐到Central Market，二人挑戰用有限金額買意粉及蜆。
原來「驚喜名廚」就是嘉洛本人，阿姐：「你得唔得呀？入廚幾多年？」
嘉洛一本正經答：「我入廚兩堂。」
嘉洛落手煮的時候，阿姐更在旁提點：「落意粉唔好咁大力。」
嘉洛笑稱：「我煮嘢係憑感覺。」
第一關開火已經一度卡關，但嘉洛仍死撐：「我係唔識開火姐，其他咩都識。」
阿姐忍不住出手撩兩下。
白汁變豉椒炒意粉。
沿路遇到不少當地華人，大家都認得阿姐！
今（2日）、明（3日）兩晚的《帶阿姐看世界》，繼續是首站澳洲及「澳洲站旅伴」周嘉洛。今晚（2日）播出的第三集，阿姐與周嘉洛繼續行程豐富，除了走入Central Market玩限額買食材、到訪嘉洛很想回味的唐人街燒臘店、兼到Gilles at The Grounds市集Shopping，今集焦點，絕對是嘉洛帶住「畏高」阿姐，登上Adelaide Oval 50米高空的橢圓球場體驗Roof Climb，獻出人生第一次Roof Climb；眼前阿姐埋位前後不斷抖大氣，嘉洛仔馬上再發揮「暖男」本色，幫阿姐體貼穿上保護裝備之餘，還不忘為阿姐打氣：「唔使擔心呀阿姐，我會一路喺你後面。」
事事要確保絕對安全才敢試的Liza姐，試玩Roof Climb前有半開玩笑叫嘉洛「你試咗先試咗先」，之後阿姐依足指示靠住安全扣及繩索支撐，懸空向後仰擺出雙手放飛姿勢，雖然挑戰初段阿姐仍是勁緊張攬實嘉洛高呼「我好驚」，但經嘉洛一輪安慰後，阿姐終於豁出去完成創舉！阿姐事後坦言以往拍攝騎馬及吊威也戲時亦不免緊張，但最終仍憑藉演員的重要初心—「一roll機就要嚟啦」一一捱過，盡顯專業。
嘉洛帶阿姐登上Adelaide Oval 50米高空的橢圓球場，體驗Roof Climb。
暖男嘉洛知道阿姐畏高，先替她穿好保護裝備。
二人黑超Look！
再邊行邊安撫給予安全感，上落樓梯時不時提醒：「唔使擔心阿姐，我會一路喺你後面。」
阿姐沿路一路自我打氣：「我得嘅我得嘅。」
阿姐一度緊張，要扶實嘉洛。
阿姐最後成功克服畏高，相當勇敢。
嘉洛完全唔畏高！
嘉洛另外還帶了阿姐到Central Market試飲試食，期間有Cheesecake店員認出Liza姐，並笑言是劇集《我的野蠻奶奶》粉絲，阿姐人氣果然遠至海外。另二人又按製作組要求、挑戰以有限金額買意粉及活蜆煮意粉，並由臨急抱佛腳上了兩堂事前進修堂的嘉洛擔任「大廚」。結果嘉洛不但第一關開火已「卡關」，更將原本好地地的白汁意粉，煮成地獄料理「豉椒意粉」，令阿姐大感「驚」艷。
二人去到Gilles at The Grounds市集Shopping！
阿姐醒嘉洛零用錢。
明晚一集，二人去到動物園。
樹熊貼身的一刻，阿姐忍唔住輕輕一震。
嘉洛抱樹熊。
阿姐一見紅唇糖即刻少女心爆棚：「好得意喎呢個，陣間試吓先！」
阿姐童心大爆發變「行走表情包」
明晚（3日）播出澳洲之旅最後一集，嘉洛帶阿姐Chill住遊澳洲，二人先到動物園親親樹熊、袋鼠等，再到德國村1839年建立的老店歎咖啡，再轉戰糖果店及Rundle Mall商店街大掃有趣美食及手信。最後一集，阿姐被嘉洛感染後愈玩愈投入，變成行走「表情包」，在親親小樹熊時，由於獲小樹熊貼身一抱，阿姐竟激罕露出「少少驚」表情！之後在糖果店，阿姐又瞄準「紅唇糖」與嘉洛大玩「扮錫錫」，少女心大爆發。二人逛德國村期間，羅家英更「突襲」視像阿姐，相當甜蜜。
二人之後更即場咬住糖扮錫錫，甜到漏！
見到印有樹熊嘅款式即刻心心眼。
結果掃咗一堆杯，嘉洛忍不住搞笑問：「有冇買埋畀家英哥？」
阿姐笑答：「夠㗎啦佢！」
二人去到海灘睇住日落談心，互相送上禮物。
家英哥視像「突襲」阿姐。
阿姐一條問題盡顯率直本性：你覺唔覺得我難相處？
最後，二人搭電車到海邊談心睇日落，阿姐一嚟便單刀直入問嘉洛：「你覺唔覺得我難相處？」到底嘉洛會點答？盡訴心中情後，二人大玩交換小禮物，期間阿姐向嘉洛送上親筆心意卡，並認真地寫下對嘉洛的Comment，之後阿姐還坦言睇好嘉洛：「前程無限呀你，睇好你呀！」
