李思捷硬晒軚扮人體器官放笑彈 Bob硬啃三件辣辣壽司噴鼻血

《開心無敵獎門人》8 月14日播出第三集，「獎老」王祖藍、阮兆祥落場玩埋一份，與李思捷、商天娥及鄺文珣組成「福祿壽隊」，決戰「大玩特玩隊」的林盛斌（Bob）、林秀怡、周志康、楊潮凱及朱智賢。

「大玩特玩隊」嘅Bob扮超人飛出場。

「福祿壽隊」王祖藍（左起）、鄺文珣、李思捷、商天娥、阮兆祥。

Super～

鄺文珣玩得好Enjoy。

經典遊戲「開心無敵燈燈燈」首度重現。眾人要邊玩紅綠燈邊做出指定動作，其中一條問題「扮一個人體器官」時，出名扮嘢叻的思捷企到直筆甩硬晒軚兼雙手抱緊自己。他笑着解釋：「呢個係冇收縮嘅器官，呢個係頭（郁郁頭說），呢個係（郁郁手說），之後嗰啲你哋估啦！」答案相當耐人尋味。祖藍及Bob亦玩得好盡情，祖藍玩到撼頭埋牆兼全身趴地，Bob則除衫露出大肚腩兼騷胳肋底，究竟扮咩要扮到咁呢？

思捷企到直筆甩，究竟係扮咩器官呢？

娥姐個樣好搞鬼。

Bob玩到除衫。

林秀怡、朱智賢質阿Bob食食剩嘅辣辣壽司。

「辣辣壽司邊個食」環節今集同樣精彩，Bob慘遭隊友大整蠱，被林秀怡、朱智賢將食剩的辣辣壽司強行質落口，慘遭酷刑的Bob即時瞪大雙眼大嗌：「癡線㗎你哋！」連啪三舊辣辣壽司的Bob更一度激動得流鼻血，十分誇張。而在一直備受觀眾喜愛的「開心無敵彈遮遮」環節中，當出到泰文題時，祖藍及Bob即自誇與泰國甚有淵源，更自稱是泰國人及當地華僑，可惜最終答案卻得啖笑，最後兩人決定放飛自我「任雨灑我面」，相當爆笑。

搞到Bob流鼻血，小心身體呀！

睇朱智賢同林秀怡個樣就知現場係有幾咁歡樂。

39歲的前港姐朱智賢（Ashley）一向是愛狗之人，愛犬Donut於去年離世，一度令她傷心不已，今年她迎來一隻新狗狗「Taco」。雖然她對愛犬的更都親力親為，但有時都因為工作而需要有人幫手湊狗，所以她長期僱用外傭，早前好幫得手的工人姐姐完約回印尼後，她就請了一位新的工人姐姐，但想不到對方抵港工作一星期就「出事」！

朱智賢17歲的愛犬Donut於去年離世。

今年迎來一隻新狗狗「Taco」。

好幫得手的工人姐姐回印尼後，她就請了一位新的工人姐姐。

朱智賢昨日（12月10日）先在IG Story出現PO，大爆新工人姐姐的「極品」行為，「今日簡直係開拓咗我三觀，工人姐姐問我『依家咩年代呀？唔畀用電話』 我想問香港有邊一個打工仔，喺開工嘅時候可以用電話？然之後再同老闆講以上呢番說話。」

想不到新工人姐姐抵港工作一星期就「出事」！

之後，朱智賢再在「Threads」大呻工人姐姐拒絕工作，不肯帶愛犬落街散步，「工人姐姐嚟咗一個星期，同我講佢好攰唔帶隻狗落街兼且態度差，你哋會點處理？」她又透露與工人姐姐面試時已講明照顧狗狗是主要工作，「佢仲同我講自己好鍾意狗」，更指工人姐姐這些行為擺明博炒，「又話唔鍾意我屋企有Cam ，仲問返我轉頭 『依家咩年代唔俾人用電話？』，又話我逼佢同隻狗落街，話佢本身都唔想落」，搞到朱智賢要自己帶愛犬落街。

朱智賢要自己帶愛犬落街玩。

不少網民都提議朱智賢向僱傭公司投訴，朱智賢回覆網民表示已向僱傭公司反映，「佢（僱傭公司）要我俾錢請第2個，比個discount我，比左17,000幾蚊就咁就冇咗。」

朱智賢IG圖片

朱智賢IG圖片