VVIP們都食得好滿足！
《黃金盛宴》於11月9日晚播出最後一集，9大無綫最具代表性的「星廚」，包括李家鼎（鼎爺）、肥媽（Maria Cordero）、黎諾懿、陳煒、Jacques Kagi（祈積奇）、黃亞保（保哥）、三姐（蕭秀香）、《煮戰》總冠軍行政總廚級人馬譚以健及Amanda S.，再度「合體」炮製過去8集入選「黃金盛宴」菜單的佳餚，以款待歷年一眾飲食節目VVIP─無綫總經理（節目內容營運）曾志偉、著名食評家蔡瀾、1985年香港小姐冠軍謝寧、資深廚師周中、薛家燕、周汶錡及莫樹錦醫生。
點擊看圖輯
星廚（左起）黎諾懿、Amanda S.、陳煒、李家鼎、肥媽、三姐、黃亞保、Jacques Kagi、《煮戰》總冠軍行政總廚級人馬譚以健。
（左起）主理人馬浚偉與VVIP謝寧、周中、薛家燕、蔡瀾、周汶錡、莫樹錦醫生、曾志偉。
大合照
呢餐黃金盛宴蔡瀾食得好開心。
蔡瀾仲分享拍攝飲食節目心得。
Amanda刨松露畀蔡瀾食。
周中
Amanda餵周中食松露。
Amanda整嘅蛋糕連自稱唔食甜品嘅謝寧都讚好食。
志偉（左一）
志偉帶來名貴的「黃金魚子醬」與大家分甘同味。
自封「登基燕」的家燕姐笑稱好啱佢食。
呢個係畀家燕姐指為登基咁款嘅「后冠小牛排伴夏洛來牛骨髓」。
志偉忽然問Set到個頭靚一靚嘅家燕姐返到屋企會唔會洗頭，全場爆笑。
志偉仲笑話家燕姐最難得係粒癦次次都黐得好準，令家燕姐哭笑不得。
鼎爺和肥媽相處很有愛。
鼎爺即場炮製「黃金炒飯」顯功架。
不過馬浚偉焦點就落咗喺鼎爺手上嘅名錶。
志偉大讚鼎爺個飯炒得好好味。
星廚（左起）黎諾懿、Amanda S.、陳煒、李家鼎、肥媽、三姐、黃亞保、Jacques Kagi、《煮戰》總冠軍行政總廚級人馬譚以健。
（左起）主理人馬浚偉與VVIP謝寧、周中、薛家燕、蔡瀾、周汶錡、莫樹錦醫生、曾志偉。
大合照
擁有點石成金魔力的81歲蔡瀾在飲食界影響力無人能及，他除了是知名香港美食著作作家，也曾主持不少無綫旅遊及飲食節目，包括《蔡瀾嘆世界》系列及《蔡瀾逛菜欄》等，2012年更為中央電視台製作的電視紀錄片《舌尖上的中國》擔任總顧問，足見於美食界地位超然，今次獲邀回無綫成為《黃金盛宴》席上VVIP可謂別具意義。節目中，蔡瀾大談做飲食節目心得：「始終唔好忘記我哋係一個電視節目，要令大家歡喜、鍾意睇，否則得你覺得好好，人哋覺得太過嚴肅、或睇落唔係幾好，就一定弊傢伙。」蔡瀾又笑稱拍攝時不可吃太飽，否則太飽滯會被眼神出賣，可見做飲食節目主持殊不簡單。
呢餐黃金盛宴蔡瀾食得好開心。
蔡瀾仲分享拍攝飲食節目心得。
Amanda刨松露畀蔡瀾食。
至於縱橫廚界逾半世紀的星級名廚周中，2006年於無綫綜藝節目《美女廚房》中憑「啜核金句」成功彈出，並為無綫不少飲食節目擔任主持、嘉賓及評判，更曾參與劇集演出。其實周中來頭不小，是第一代五星級酒店中菜部總廚，並曾獲邀到日本、澳門及內地等不同餐廳擔任烹飪顧問，又曾應香港旅遊發展局邀請推廣香港美食，絕對是中菜界代表人物。周中於節目中對9大星廚炮製的黃金盛宴亦讚不絕口：「呢餐好多菜式係我做咁耐（節目）都冇食過，味道唔錯……」
周中
Amanda餵周中食松露。
Amanda整嘅蛋糕連自稱唔食甜品嘅謝寧都讚好食。
而出名轉數快的志偉則不停大放笑彈，話說志偉帶了每公斤價值五位數美金、白化鱘魚所產的「黃金魚子醬」和大家開心Share，Jacques見狀即說：「呢個喺香港百分百係限量，我一生人都好少見，係皇帝級嘅食物！」盛裝出席的家燕姐也大表驚嘆：「好啱我呢個『登基燕』食，哈哈。」又大讚黃金盛宴菜式擺設精緻，甚有「登基宴」Feel，志偉聞言即搞笑問恤了一頭靚髮的家燕姐回家後可會洗頭，不過見慣大場面的家燕姐絲毫未有被拋窒，只強調自己若早上7點開工，通常於凌晨5點便起身Set頭。
志偉（左一）
志偉帶來名貴的「黃金魚子醬」與大家分甘同味。
自封「登基燕」的家燕姐笑稱好啱佢食。
呢個係畀家燕姐指為登基咁款嘅「后冠小牛排伴夏洛來牛骨髓」。
志偉忽然問Set到個頭靚一靚嘅家燕姐返到屋企會唔會洗頭，全場爆笑。
對於家燕姐成功避開「攻擊」，志偉再佻皮搞笑謂：「你最難得係次次粒癦都黐得好準。」笑爆全場。而對於馬浚偉感激自己邀請對方擔任《黃金盛宴》主持，志偉繼續發功搞笑回應：「我依家好憎你，早知我做你嗰份。」
志偉仲笑話家燕姐最難得係粒癦次次都黐得好準，令家燕姐哭笑不得。
至於同樣擅長搞氣氛的馬浚偉，則爆料指肥媽與鼎爺首次強強聯手時，一度以為性格火爆的二人會嗌交，豈料二人卻互助互愛儼如拍拖，昨晚鼎爺和肥媽合力炮製「松露蟹肉黃金酥」時，鼎爺更數度匿稱肥媽做「阿妹」，馬浚偉見狀補充謂：「依家我哋要叫鼎爺契舅父，因為肥媽係阿媽嘛。」之後鼎爺即場炮製「黃金炒飯」，志偉食到舔舔脷兼笑言︰「依家先知鼎爺真名唔係李家鼎，係『冇得頂』。」
鼎爺和肥媽相處很有愛。
鼎爺即場炮製「黃金炒飯」顯功架。
不過馬浚偉焦點就落咗喺鼎爺手上嘅名錶。
志偉大讚鼎爺個飯炒得好好味。
