龔嘉欣扮「山寨Lisa」扭腰擰膊跳K-Pop 鄺潔楹「巨無霸」爆炸頭好搶鏡

曾經學習西方民族舞五年，亦都學過踢躂舞，拉丁舞等等的Katy，在長達半分鐘的Solo演出中，除節拍十足地扭動膊頭及纖腰，又不時撥頭髮兼單眼，魅力爆燈，難怪不但章經冧至手舞足蹈，網民亦大叫過癮。文「舞」雙全的Katy，受訪時謙稱跳舞戲份對她來說並不簡單，主要難度更在拍檔陳豪身上：「我覺得跳舞難過打戲，始終平時都比較少接觸呢類型嘅舞，拍攝之前都有練習，要跳得好睇好難，同場忍笑都好難，因為對住阿Mo實在太搞笑，佢嘅反應好有喜感。」

連頭髮都有動感過人。

連頭髮都有動感過人。

連頭髮都有動感過人。

陳豪同Katy呢一幕擦出無限火花，難怪網民嗌過癮。

額頭咁冧豬？

Katy靚樣

Katy靚樣

另外，網民上星期千呼萬喚的鄺潔楹（Judy），其飾演角色子瑜昨晚終於登場，飾演「炒股12成員」翰叔（陳勉良飾演）孫女的Judy，因不相信翰叔身患絕症，遂遭Mon姐（江嘉敏飾）設計引往醫院，幸最終仍能趕及見翰叔最後一面，場面感人......

人仔細細的Judy，不但著到五顏六色，其直達「巨無霸」級的爆炸頭更是相當吸睛，Judy笑言所有造型、包括臉上雀斑，全是陳維冠（Joe）的主意，並笑言角色造型與心目中很大出入：「我個角色原型係溫柔啲，一去到化妝間知道個爆炸頭係我嘅，我真係呆咗，冇諗過佢哋會將咁大嘅頭髮擺喺我度。第一次試呢個髮型都成個半鐘，都好擔心係咪每次都咁耐。」又笑指爆炸頭令她很遴迍：「我試過勾到啲道具，吊威也又勾到條線。」Judy續指除了爆炸頭，角色還需要大量配飾，故每次造型差不多要花兩個半小時。不過Judy及劇組的心血完全沒有白費，除了造型掀起熱話，有網民留言：「估唔到現代版咁潮。」

Judy呢個爆炸頭真係好搶眼。

呢個真髮駁假髮嘅造型，原來仲可以撥前撥後增添變化，可塑性同Judy一樣咁高。

左起：江嘉敏、Judy同鄭子誠劇內劇外都感情好好。

Judy啲表情獲讚可愛。

網民仲話佢對腳線條唔錯。

此外，是集還有兩大驚喜角色登場，包括與Judy一樣顏色Sharp爆的糖妹，以及只是客串演出的羅毓儀。近期人氣急升的羅毓儀，激罕以壞女孩造型閃現劇集，更惡形惡相向Mon姐拋出一句：「我離家出走關你咩事呀？我依家係唔願返去，咁點吖？」平時乖乖女形象大相徑庭，難怪吸引不少網民大讚有新鮮感，並留言：「蔓蔓學壞了」、「好正」、「真係唔認得，化妝威力真係勁」。至於糖妹亦獲不少網民大讚靚女，並指其誇張搶眼造型與Judy有得揮。