視后龔嘉欣近年事業表現亮眼，除了演技備受肯定，其專業態度亦獲公司高度認可。日前她在「無綫2025年下半年度傑出員工嘉許計劃頒獎典禮」中獲頒「傑出員工獎」，事後在社交平台發佈得獎相片及長文，分享感受之餘更大拋金句。
龔嘉欣獲無綫傑出員工獎。
她表示效力無綫17年，經歷有喜有悲。
龔嘉欣IG全文如下：
點擊看圖輯
更多相片
龔嘉欣獲無綫傑出員工獎。
她表示效力無綫17年，經歷有喜有悲。
龔嘉欣IG圖片
龔嘉欣相信「默默做好每一件事，就係最好嘅態度」。
好開心同榮幸，可以攞到2025年下半年度「傑出員工」呢個獎！能夠得到呢份肯定，最緊要嘅係每一位同事一直以來嘅支持同幫忙，衷心多謝大家！
回顧今年，真係有好多難忘嘅經歷：年頭參與咗「在家宴客50道菜」第一次主持飲食節目，之後仲試咗一日打工限定做通渠師傅體驗，早兩個月更加有機會親身去孟加拉參與慈善探訪，剛剛亦開始咗關於教育傳承嘅工作。每一個經歷都令我有所學習、有所成長，好感恩今年有咁多新嘅嘗試。
我一直相信，默默做好每一件事，就係最好嘅態度。能夠得到大家嘅認同同支持，真係一份好大嘅鼓舞。呢個獎對我嚟講，唔單止係一份榮譽，更加係一份動力，提醒我要繼續努力，亦都希望可以為社會貢獻更多，特別係慈善方面，將溫暖同我無限嘅正能量帶到更多有需要嘅地方。
最後我想多謝好錫我嘅朋友們同事們，尋日親身嚟到頒獎禮支持我，仲為我送上咁多驚喜。
亦都再次恭喜另外兩位得獎同事沅懿Wilson，我哋繼續一齊努力！
龔嘉欣IG圖片
龔嘉欣相信「默默做好每一件事，就係最好嘅態度」。
