黎耀祥找數再跳舞撒嬌龔嘉欣倪嘉雯鄧凱文伴舞

娛圈事

黎耀祥找數再跳舞撒嬌龔嘉欣倪嘉雯鄧凱文伴舞

2026年05月30日 23:00 最後更新：23:32

「視帝」黎耀祥為宣傳無綫劇《香港探秘地圖》搏到盡，日前在訪問中即興扮《魔音女團》練習生撒嬌，嬌俏爆笑成網民熱話。在網民力推下，他變身「找數真漢子」，在社交平台上載跳舞片，由龔嘉欣負責唱歌，倪嘉雯與鄧凱文伴舞，齊跳《Lucky Star》。黎耀祥跳得七情上面，獲網民大讚「應該站C位」。《魔音女團》班主任陳奐仁也留言：「視帝勁！視帝萬歲、視帝英明。」龔嘉欣笑言為劇集宣傳好盡，希望不會成為黑歷史。

在 Instagram 查看这篇帖子

龔嘉欣 Katy (@kungkaty) 分享的帖子

點擊看圖輯

龔嘉欣IG影片截圖

往下看更多文章

香港探秘地圖｜「呆萌問題少女」倪嘉雯VS「精明忟薑」龔嘉欣爆笑捉姦晒超強喜感＋默契

靈異輕喜劇《鼎植口腔呈獻：香港探秘地圖》昨晚（5月27日）一集最大爆點，是「戀愛腦」秀儀（倪嘉雯Carmen飾）意外發現深愛的國豪（阮政鋒飾）竟已另有BB（莫韻諰飾），傷心欲絕的秀儀遂失神地四處遊蕩，遊吓遊吓竟遊至墳場…意外得悉秀儀出事的畢鳴（孔德賢飾）即時趕往開解…

傻更更Carmen VS精明龔嘉欣勁有Chemistry

昨晚的「搞笑擔當」，繼續落在Carmen身上，不過多了視后龔嘉欣「神同步」。為了「打倒小三」，秀儀與畢萍（龔嘉欣Katy飾）Part住上緊貼跟蹤淑貞（莊思明飾）丈夫張志強（莫家淦飾），二人期間多次出現「神同步」，包括步伐、表情及驚訝位；不過由於二人的「疑心度」及「醒目度」有差距，故夾得來又有不少矛盾衝突位，例如商量實質捉姦大計時，秀儀因欠缺經驗驚變問題少女，令畢萍不勝其煩，更搞笑的是，由於秀儀實在太長氣，最終二人還未商量好對策，志強已以行動證明不是去曳曳。而當發現搞錯後，嘉欣的精明不忿樣、配以Carmen的疑惑呆萌樣相當有喜感。

龔：「你話喇，日光日白一個男人上嚟呢啲地方做咩？

倪：「唔會啩？日光日白喎！

龔：「呢啲嘢邊有分日頭夜晚㗎！

倪：「正渣男嚟㗎！好彩我國豪正人君子咋，萍姐你話係唔係呀？

龔（即扯開話題）：「我唔知！我哋依家要上去捉姦！

倪：「但係呢，我未試過捉姦㗎喎，要點做呀？

龔：「一陣間上到去，我踢開度門，揭開張被，佢哋應該反應唔切，然後你攞部手機影低佢。

倪：「影個樣？男定女呀？

龔：「梗係兩個啦！」因為「零捉姦」經驗，驚驚青青的Carmen全程下刪三千字狂問嘉欣各式各樣問題，期間不斷「等陣先，萍姐」、「等陣先，萍姐」，被叫到不耐煩的龔嘉欣，最後忍不住：「又點呀？」豈料原來在二人「爭拗期間」，目標人物已經離開，相當之Gag。

其實昨晚嘉欣與Carmen的「一唱一和」場口俯拾皆是，而且全程極有默契及喜劇節奏，有網民直指同樣作短打打扮的二人，齊齊大晒長腿畫面勁有青春活力，加上二人不少角度都勁似樣，難怪獲封「探秘短打Twins」！

倪嘉雯冒雨喪跳「狐仙舞」獲網民大讚專業

另外，談到墳場場口，Carmen接受tvb.com獨家訪問時透露，倪媽媽事前有專誠為她求平安符保平安，她亦揚言起初收到劇本時「有啲怯」，但到正式拍攝時卻「怯意全消」：「其實都係自己嚇自己多，因為現場打晒燈，又好多工作人員同埋大部分係男性，陽氣好重，所以一啲都唔驚。」至於孔德賢Danny，談到拍攝誤踢骨灰罈場口時，亦有啲怯怯地：「我係第一次去墳場拍嘢，現場好黑同好靜，乜都睇唔到，所以都驚驚地。拍攝前拜神有做足，同埋我拍嗰陣都有不斷講唔好意思、唔好意思。」