香港探秘地圖｜倪嘉雯化身「探秘少女」大跳「狐仙舞」自揭有趁拍攝空檔摸姻緣石沾靈氣求姻緣

娛圈事

香港探秘地圖｜倪嘉雯化身「探秘少女」大跳「狐仙舞」自揭有趁拍攝空檔摸姻緣石沾靈氣求姻緣

2026年05月27日 13:00 最後更新：13:26

靈異輕喜劇《鼎植口腔呈獻：香港探秘地圖》昨晚（5月26日）劇情講述秀儀（倪嘉雯飾）為了鎖住心儀對象國豪（阮政峰飾）的心，聽從一臣（黎耀祥飾）指點到姻緣石大跳「狐仙求愛舞」還老願，因而爆紅成為「探秘女神」。身穿青春白色小背心＋粉紅短裙仔，戴上Cute爆狐狸頭飾及狐狸尾巴的秀儀，在姻緣石前起勢扭pat揈手係咁跳，配合嘟嘴、送飛吻、踢腿及出貓爪等絕妙甫士，可愛又搞笑。網民紛紛被Carmen的可愛臣服，留言大叫「被洗腦了」：「呢場戲真係睇得好開心，好鬼搞笑」、「勁可愛」。另外，Carmen昨晚還有按劇情跳了兩下芭蕾舞，搞作多多。

笑言跳狐仙舞最難克服心理關口

點擊看圖輯

焦點圖片

秀儀為咗國豪，搞到成日患得患失咁，睇吓佢喊得幾委屈。

呢隻舞真係好可愛。

個鏡頭重點移咗去祥哥嘉欣度後，Carmen都依然好落力係咁跳，好專業。

影片截圖

嘉欣都好襯呢個狐狸頭箍。

Carmen仲有拉咗一、兩吓筋。

黃子桐真係好拼搏架，其實可以封佢做「拼搏小背心」。

子桐IG圖片

更多相片

焦點圖片

秀儀為咗國豪，搞到成日患得患失咁，睇吓佢喊得幾委屈。

呢隻舞真係好可愛。

個鏡頭重點移咗去祥哥嘉欣度後，Carmen都依然好落力係咁跳，好專業。

影片截圖

嘉欣都好襯呢個狐狸頭箍。

Carmen仲有拉咗一、兩吓筋。

黃子桐真係好拼搏架，其實可以封佢做「拼搏小背心」。

子桐IG圖片

值得留意的是，「狐仙求愛舞」雖然只有40秒，但Carmen不但跳出滿Fun可愛感，當鏡頭主角變回祥哥及龔嘉欣時，Carmen在遠方仍落足力投入喪跳，相當敬業。根據 tvb.com 獨家報道，倪嘉雯Carmen為了跳好「狐仙求愛舞」，事前專誠花了兩個多小時練習，而為了拍出「靚人靚景」效果，劇組還安排航拍進行360度拍攝，將姻緣石的美景呈現觀眾眼前，相當有心。

談到拍攝，Carmen接受tvb.com訪問時，坦言整隻舞最難Carry是可愛表情，以及克服心理關口：「舞步唔難，最難嘅位係做可愛表情，掛住做動作就唔記得表情。」對自己要求甚高的Carmen，又謙稱自覺還有進步空間：「如果可以再可愛少少，就可以更加match到導演嘅要求。」

Carmen續指現實中雖然從來沒有去過姻緣石，但當媽媽得悉她要前往姻緣石開工時，竟搞笑地叮囑她要好好把握機會：「佢話難得上到去，記得趁有時間自己都求吓。」Carmen笑言當時亦真的有把握機會求事業、人緣和姻緣，並指有摸一摸姻緣石沾靈氣。

為向「探秘女神」秀儀致敬，Carmen日前率領「探秘小隊」老闆祥哥、隊員嘉欣及孔德賢，齊齊大跳「狐仙求愛舞」。之前憑「我撒嬌」展現可愛跳舞絕技的祥哥，在片段中再下一城，大晒「反眼舞功」之餘，還跟著Carmen指示邊嗌口訣邊做動作：「腳」、「射射射射射」，「拉耳」、「轉圈」、「膊頭」，個Tone比Carmen還嬌俏，驚喜又搞笑。

片段中，嘉欣的表現亦相當吸睛，全程笑容燦爛又有童真，甜美度不輸Carmen之餘，還予人孖妹感覺，難怪有網民留言期待嘉欣跳單人版，或拉著Carmen跳孖妹版。其實昨晚因應劇情，嘉欣亦有被套上狐狸頭套，雖然只是一秒，但網民亦大讚可愛，劇組的精心設計，果然甚得網民心。

另外，昨晚黃子桐亦再度突圍搶焦，劇中飾演愛以鮮艷低胸小背心搏出位網紅May May的她，昨晚為了與龔嘉欣搶新聞，穿著鮮黃色小背心在後樓梯瘋狂喪跑，結果跑至大汗壘細汗兼喘晒氣。出名靚女的子桐，亦有加入「狐仙舞」小隊，日前更於劇集宣傳活動時，與Carmen、鄧伊婷齊齊穿上純白狐仙裝跳「狐仙舞」，造型獲網民大讚靚女，而子桐則留言為劇集獻出很多第一次：「為咗 #香港探秘地圖我獻出咗好多第一次㗎啦，第一次打小人啦，第一次女團跳舞。」

昨晚一集亦開出新個案，中環某商廈後樓梯離奇浮現狐狸圖案，畢萍按一臣吩咐前往調查期間偶遇中學師姐方淑貞（莊思明飾），及後一臣到場視察，指出狐妖作崇並破壞淑貞辦公室同事姻緣，原來表面剛強的淑貞，私下正面對丈夫出軌問題…

往下看更多文章

玩轉澳門勁滿Fun｜何廣沛率MYNT玩轉澳門最終回！「文旅體驗」＋「高空索道」動靜兼備

TVB旅遊節目《玩轉澳門勁滿Fun》，由靚仔小生何廣沛（Matthew）率領魔音女團「MYNT」主持，發掘澳門「有創意、情懷、傳承、手藝、夠Chill」特色小店，帶觀眾玩盡澳門新舊面貌，今個星期日晚（10月4日）9點半翡翠台播出最後一集。

MYNT六位美少女宋宛穎（Sabrina）、莊子璇（Hilary）、倪樂琳（Ellyn）、喬美莎（Chelsea）、倪嘉雯（Carmen）、盧映彤（Skylar）繼續分成兩人一組，先後走訪澳門多間傳承老店及品嚐特色美食，包括「澳門傳奇蛋球仔」（雞蛋仔）、「雪糕『磚』家」、「中式點心」、「校園高cp美食」，大家均食得「舔舔脷」。除此之外，MYNT六位美少女還帶觀眾體驗澳門文旅行程，參觀「普濟禪院」、「冼星海紀念館」及「葉挺將軍故居」，從歷史大事、人民音樂家和歷史偉人重新認識澳門。

今集焦點位是MYNT六位美少女分成兩組，每三人一組，體驗傳統手藝。其中，Chelsea、Carmen及Ellyn齊齊體驗「金桃酥製作」最搶Fo。她們更即場在街頭進行比拼，讓路人試食評分，Ellyn、Carmen以「元寶造型金桃酥」及「金錢圖案金桃酥」出擊，更賣口乖：「食完之後會發達」、「希望大家可以發達」。至於Chelsea則出奇招，因為整了豬形狀金桃酥，即場扮豬叫吸分數，場面爆笑。另一邊廂，Skylar、Hilary、Sabrina則參與「DIY古法手工香製作」，感受香道文化。

今集另一必睇位，是Matthew與MYNT六位美少女玩盡刺激體驗，挑戰飛越338米「高空索道」及「高空跳躍」。面對離地幾十層樓高，Ellyn、Skylar、Sabrina嗌得最大聲兼爆喊，Sabrina及Skylar更未玩先喊：「我望住下面十層樓高，其實真係好驚」、「一上到去眼淚已經飆出嚟」、「個腦已經影響所有嘢，乜嘢都望唔到」、「感覺到自己左搖右擺」、「敢於認輸也是一種美德」。至於「高空跳躍」，Hilary則超勇敢挑戰，還霸氣表示：「我擘大隻手跳咗落去。」Chelsea玩完更興奮大叫，意猶未盡。至於其他人到底有冇膽量挑戰？敬請留意節目播出。