Skip to Content Facebook Feature Image

移英港男呻英文太差難搵工「見工都聽唔明」 網民嘲:唔好學人移民

社會事

移英港男呻英文太差難搵工「見工都聽唔明」 網民嘲:唔好學人移民
社會事

社會事

移英港男呻英文太差難搵工「見工都聽唔明」 網民嘲:唔好學人移民

2023年03月28日 12:00 最後更新:12:59

移民都要三思而後行

為自己的前途和理想,不少人也會選擇遠走他鄉,移居他國展開新生活。不過並非所有移民後的生活都是美好的,也有不少人因此迷失了方向。

最近,有移英港人於討論區大呻自己因英文太差,只有「小學生程度」,每當見工應徵時都「聽唔明人講乜」,所有對答都是「一句起兩句止」。他也表示明白移民「預咗做唔返本行」,但沒有想過連「唔係專科嘅工都唔請」,對此他感到自己「人生已完」。

《大叔的愛》劇照

《大叔的愛》劇照

帖文曝光後有人翻出樓主早於1年前發佈的帖文發現,他透露自己考IELTS(國際英語水平測試)「考唔掂」,而導致自己未必能夠前往外國讀書,而當時亦有網民向他表示「就算畀你過到去都難搞啦咁」,但樓主則指「過到去就馬死落地行」。

《大叔的愛》劇照

《大叔的愛》劇照

新近的帖文亦引起不少網民討論,大家對於樓主的苦呻表示「唔識英文咪揸車送貨」,「好心小學生程度英文就唔好學人移民」,「係香港讀咁多年書都唔識英文」。有網民亦指,「唔識咪去學囉」,「肯學唔會唔識,心態問題」,更稱若樓主連學都不去學「真係抵你搵唔到工」,因世上從沒有不勞而獲。

《男人唔可以窮》劇照

《男人唔可以窮》劇照

也有好心網友教他,可以上網搵 speaking club,有社區中心也有免費課程。「 如果好彩咪識番兩三個鄰居飲下茶傾下計囉。香港的口音好多時逐隻字櫈出嚟, 佢哋聽唔明架,要模仿下佢哋嘅講嘢節奏。」

《若是一個人》劇照

《若是一個人》劇照

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章