港媽大呻移英生活比想像中落差大 感沮喪想回流：呢邊搵唔到我嘅life！

不少移英港人已在英國展開新生活，但至今有人歡喜有人愁。有移民英國4個幾月的港媽在社交平台發文，大呻自己覺得「無一日真正開心過。」直言英國的生活比她想像中的落差好大，更道出兩大慘況，更萌生回流的想法。

港媽直言英國的生活比她想像中的落差好大，更道出兩大慘況，更萌生回流的想法。AP資料圖片

港媽：發夢都會諗起返咗香港

港媽寫到「每一日都唔知自己係到做緊咩，每日淨係送（子女）返學放學去下超市，最近呢1個月送完返學好唔想留喺屋企1個人，周圍去送下外賣搵啲嘢畀自己做下，每一日都諗幾時可以返香港見到朋友，發夢都會諗起返咗香港」。

港媽坦言「完全係呢邊搵唔到我嘅life，根本就balance唔到」。示意圖。AI生成圖片

列兩慘況 嘆每日都唔知做啲咩

她更列出兩個慘況，指「一個E人（性格外向的人）嚟到呢1個朋友都無」又說「放假唔知可以同小朋友去邊玩」，大嘆「好似每日都唔知可以做啲咩」大家都話外國生活有Work-life balance，但她坦言「完全係呢邊搵唔到我嘅life，根本就balance唔到」她表示有人會覺得只是4個月的時間，可能只是未能適應到，但她認為「就算再過4個月，只係覺得只會習慣咗呢種生活，但唔係enjoy呢種生活」。

猶豫是否要返香港

樓主又提到自己的英語水平不高，只可做普通對答，但卻沒法和本地人談天說地，開始想回流香港「適應唔到其實係咪唔應該繼續落去？」又說在香港有很多交心的朋友，來到英國一個朋友也沒有「失落感好大」。

港媽表示每日淨係送子女返學放學去下超市，假日不知可以帶小朋友去哪玩。示意圖。AI生成圖片

移英港人鼓勵：畀多少少機會自己

有同是移英的港人分享自身經歷，希望樓主可以考慮給多點時間自己去適應「我嚟咗3年半，頭年半我都係勁唔開心，成日發夢都係喺香港，喺呢邊又識唔到交心嘅朋友，中間返過1次香港好似叉電咁，唔係應該都抑鬱。有需要就搵人傾下偈，有負能量係正常，大家都會有呢個過渡期」、「生活環境同埋食物質素英國真係好好，嚟咗5年幾，你會好快習慣，因為我初初都係咁㗎」、「唔係人人都啱呢個地方，種唔同花要用唔同泥，唔係你適應唔到嘅錯，畀多少少機會自己，去參加下社區活動、做義工，真係唔啱嘅再走，not your fault」、「最重要同屋企人商量，傾下情況。唔得嘅，睇下有冇解決辦法。或者要返去」、「4個月真係比較短，絕對需要時間適應同感受係咪適應到同適合自己」。

不少移英的港人分享自身經歷，希望樓主可以考慮給多點時間自己去適應。AP資料圖片

樓主之後回覆各網民「我會參考各位講嘅意見」。她表示出帖文只是找個地方發洩下情緒「好似所有嘢都唔知可以同邊個傾咁，收埋收埋令到自己成日屈住屈住」。

在港鐵迪士尼站以自創rap管制人流而爆紅的rapper職員Hinson，日前在社交平台投下震撼彈，突然宣布不再擔任港鐵車站助理，結束長達9年的港鐵「 臨時員工身份」，消息一出引發網民熱議與不捨。近日他終於在Threads上揭曉新動向，宣佈將告別長達九年的鐵路臨時員工身份，正式「轉車」加入港鐵新部門，成為「全職鐵路人」。

網上圖片

Hinson在帖文中首先感謝來自四方八面的讚賞與祝福，當中更包括外國朋友的留言。他坦言從未預期自己的日常工作會引起如此熱烈的迴響，並謙虛地表示，自己與大多數乘客僅有一面之緣，工作內容亦非特別具挑戰性，因此認為大家的關愛「好得太過分」，內心充滿感動。

threads截圖

網上圖片

對於網民猜測他「正式轉正職」，Hinson在帖文中給予了肯定的答案。他透露，自己將轉往港鐵的新部門接受新挑戰，繼續運用過去九年在前線累積的寶貴經驗貢獻所長。他形容自己的「鐵路軌道繼續往前伸延」，雖然未來未必能如以往般「日見夜見」各位乘客，但仍會不時於車站，或以其他意想不到的形式與大家「載遇」，希望繼續為乘客帶來正能量。

網上圖片

Hinson的爆紅，源於他在迪士尼站、太子站及啟德站以獨特的説唱形式進行乘客分流。在「全香港最快樂的鐵路線」迪士尼站，他面對彷彿「離開了現實世界」的歡樂遊客，發現傳統廣播完全無效。這份「唔忿氣」驅使他創作出充滿節奏感的歡樂短句，邊揮動手勢邊用粵語、英語及普通話Rap出：「微信支付寶走左邊」、「Octopus keep left please」、「Visa Master keep the right please」、「冇帶行李靠左入」。其幽默又醒神的風格被乘客拍下並在網絡瘋傳，令他瞬間成為港鐵網絡紅人。