林正峰客串急色男除衫玩震波　森美自爆被老婆裝追蹤App？

一連八集的資訊節目《LAW霸女神》，將於4月6日起、逢周四、五晚10點半翡翠台播出，節目由森美、戴祖儀（Joey）、賴彥妤（Vivienna）、魏韵芝（Joyce）和王嘉慧（Cathy）擔任主持，每集都會邀請一位星級嘉賓坐陣，嘉賓就着不同主題的情境短片發表意見，再由專業律師解說，為觀眾解開法律迷思與謬誤。

俊男配美女。

四大真‧LAW霸女神 位位有學歷

四位靚女主持皆是法律系高材生，分別是英國萊斯特大學法律系畢業的Joey、香港中文大學法律學院畢業的Cathy、英國倫敦政治經濟學院法律系畢業的Joyce，以及英國高雲地利大學法律系碩士畢業的Vivienna，名副其實「真．LAW霸女神」。四位女神除了以OL造型上陣晒無敵長腿外，亦會扮鬼扮馬演出情境短片，非常過癮。4位女神每集亦會參與解答問題，爭奪「終極LAW霸女神」寶座。

戴祖儀於英國萊斯特大學法律系畢業。

賴彥妤係英國高雲地利大學法律系碩士。

王嘉慧於香港中文大學法律學院畢業。

魏韵芝於英國倫敦政治經濟學院法律系畢業。

究竟邊個係終極LAW霸女神呢？

森美繼續Chok到爆。

6日晚播出的第一集，邀來視帝譚俊彥擔任嘉賓，主題是「家居法例」。其中一條問題「門外攝錄鏡頭拍攝到鄰居出入情況是否違法？」，Joey解答說：「如果係為Mark人哋嘅資料，可能會構成『不誠實意圖使用電腦罪』。」怎料Joey原來拋錯書包，李健志大律師更正說：「應該係『不誠實意圖取用電腦。』」後來李健志大律師講到香港法例第486章《個人資料（私隱）條例》時，Joey再度失誤將「第486章」講成「第488條」，引來全場大笑，森美見狀即戲言：「LAW霸女神要逐你出去喇！」香港人喜歡打麻將，其中一條問題「於私人地方以現金賭博，是否犯法？」，譚俊彥認為多過兩枱就犯法：「以前公公婆婆都鍾意打麻雀，成日話唔好開第二枱，話如果有兩枱喺同一間屋就會犯法。」至於真正答案是否如譚俊彥所講？周四晚便會揭曉。

第一集嘉賓有譚俊彥。

李健志大律師。

戴祖儀（右）多次拋錯書包，好有綜藝感呀吓！

齋睇相就知節目有幾咁歡樂。

至於7日晚播出的第二集，邀來方力申擔任嘉賓，主題是「婚姻」。是集最搞笑環節，是其中一條情境短片請來林正峰客串，片中化身急色男的他瞞着太太與靚女玩Cyber Sex，其間正峰脫去上衣晒肌肉，又搞鬼地表演震波。之後大家探討「對方不知情的情況下，安裝追蹤應用程式有否犯法？」時，Joey說：「如果呢個犯法，好多女仔都瀨嘢！」森美即說：「你終於知道喇！」Joey隨即耍手擰頭回應：「冇做過冇做過，但身邊好多朋友都做過，同埋有某個App係個男仔畀人check咗都唔知，每個人嘅電話都有呢個App！」森美大哥聞言竟口快快爆料說：「我知你講邊個喇，我老婆都係用呢個嘅！」場面搞笑。

第二集有方力申擔任嘉賓。

客串演出嘅林正峰剝衫玩震波，勁爆笑。

森美大哥自爆畀老婆裝追蹤App？

森美：「有用嘅嘢想用都冇得用」！

全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！

Mayanne同GM分別擔任主持及助理主持。

今集請嚟火火（左起）、森美同埋劉翁擔任嘉賓。

年屆50嘅森美笑言最開心係可以同BTS一齊入伍。

火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！

火火親述「抓龍筋」過程，啲表情包勁爆笑。

之後眾人大談中年危機6大徵兆，其中一項係性能力/性慾下降。

森美激動表示慘遭老婆無視，搞到「有用嘅嘢想用都冇得用」！

之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」

之後講到依家男士魅力不再，森美留意到依家好多男人操肌係為咗吸引異性。

再講到出軌問題，森美話成本太高唔敢嘗試。

已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。

劉翁自爆第一段婚姻出軌經歷。