TVB藝人林正峰近日完成其首部擔任男主角的內地電影《保鏢》拍攝工作。他在社交平台記錄殺青日點滴，從清晨起床梳洗、享用劇組準備的公仔麵與小籠包早餐，至深夜收工返酒店，全程展現幕後真實狀態。
林正峰首當男主角的內地電影《保鏢》日前正式殺青。
林正峰拍片分享最後一天開工的情況。
拍攝尾聲時，林正峰難掩激動情緒，與團隊切蛋糕慶祝作品順利完成。他坦言雖工作密集致身心疲憊，但對內地拍攝氛圍深感欣賞，特別提到全程以普通話演出屬突破嘗試，過程中不僅提升演技，更獲珍貴成長經歷。深夜獨處時，他流露不捨之情，指與劇組朝夕相處建立深厚默契，每日交流已成習慣，面對突然散組頓覺落寞。此番言論引來粉絲留言打氣，期待其銀幕男一之作早日面世。
依依不捨。
林正峰指與劇組已建立深厚默契。
（2025年12月04日）「廚壇魔術師」楊尚友（Christian）主持全新飲食資訊節目《東方表行 Take Your Time 呈獻︰老友記》，周四晚及周五晚九點半TVB Plus（82台）播映。今次Christian摒棄紅酒與香檳，走入香港大街小巷，尋覓終將逝去黎民美食，細味人間餘溫。
Christian笑言食打冷好似享受巴黎海鮮拼盤一樣。
潮州菜煮食方法保留食物原味。
Felix接手老店有三樣要求要遵守。
Felix跟一班伙計相處如一家人。
今晚（12月4日）楊尚友（Christian）介紹一間位於油麻地的潮州菜館，他形容每次食打冷仿如享受法國海鮮拼盤，他笑說︰「兩樣嘢都有同一精神，就係要食海鮮最原始嘅味道，連煮食方法都差不多，只係輕微煮熟，然後過冷河，可以食到最鮮甜嘅美味。潮州菜最好係款式多，成日食都唔悶。」單是店內一味冰鎮芥辣墨魚片，已吸引不少老饕回頭，生醃瀨尿蝦、白灼凍蝦、潮州凍蟹差不多是每枱必點，被喻為潮州菜靈魂的春菜，差不多每道菜都有它的身影。
大眼雞
生醃瀨尿蝦
潮州凍蟹
薄殼
滷水鵝掌翼
潮州春菜
今集介紹的打冷店曾停業一年，跟住覓地在油麻地營業至今，少東Felix說︰「爸爸嗰時都做咗20、30年，之後退休停業一年，之後我接手再開業。」Felix話見到不少熟客老饕在舊店摸門釘，因此決意重開，當時老父提出開新店的三樣要求，他說︰「首先要保留舊菜，對食物要有堅持。餸大家都咁煮，點解有啲好食、有啲無咁好食？問題就喺食材上。」他記得當年父親一早便到街市，花幾小時揀最新鮮、最靚的食材饗客。Felix接手後堅持不賣隔夜海鮮，餸菜不達標準要再煮，務求客人吃到最好的潮州菜。另一樣老父要求是新店要夠大，Felix爸爸說︰「舊舖細搞到啲人客要等成個幾兩個鐘，所以我同佢講要開就要搵間店夠大，唔好畀啲客人等咁耐。」現在幫襯的不少都是舊店的客人，Felix笑言不少都是看着自己長大的叔伯輩。
