機會，總是留給有準備的人。
楊偉倫（阿卵）與麥沛東（麥東），為電影《正義迴廊》的角色，分別準備了十三年及六年，才等到一鳴驚人的機會。電影叫好叫座，更榮獲本屆香港電影金像獎十六項提名，而兩位男主角，則同時角逐「影帝」。
楊偉倫 麥沛東
40歲的楊偉倫坦言：「我冇估到自己有份提名，因為今年好多戲，又好多勁嘅演員，我覺得麥東會有嘅（提名），但我就抆啲，因為我哋同一部戲⋯⋯但一齊提名，真係好神奇！」33歲的麥沛東就表示：「謝票嘅時候都有講，如果我哋可以一齊提名『男主角』，喺同一個格入面，其實真係好夢幻！」
二人一同提名，感覺依然夢幻，他們一唱一和，麥沛東一句：「我喺演藝學院讀書嘅時候，真係冇諗過自己可以同黃秋生、劉青雲，競逐同一個獎項，發夢都冇諗過可以行紅地氈。」楊偉倫即笑謔：「自己買就得，啲紅地氈，浴室前面嗰張。」麥沛東接話：「我屋企嗰張灰色嘅。」
撇除賽果，敗給劉青雲的二人，其實有提名已當贏咗，換上認真Mode，楊偉倫稱：「我做演員，唔係發明星夢，係純粹因為覺得好玩，好玩嘅地方係，我好似有一個空間，投入去另一個世界咁，好過癮。」
除了好玩，麥沛東稱：「好多人第一次睇我嘅演出，就係《正義迴廊》，所以多咗機會同知名度，對我嚟講，係一個起步。」他們解鎖的，不只是一同提名的成就，還有繼續追夢的空間。
楊偉倫《正義迴廊》
《正義迴廊》是楊偉倫和麥沛東第一次擔正的電影，二人憑演出，一同獲提名角逐今屆香港電影金像獎「最佳男主角」，雖然結果敗予《神探大戰》的劉青雲，但二人反而大談跟這位前輩的合作。楊偉倫笑言：「啱啱我仲同青雲哥做緊戲，真係冇諗過可以同佢競逐同一個獎，好神奇！」麥沛東則滿臉「葡萄」：「羨慕你囉！我都同佢（青雲）拍過，但係佢拍完先至到我，我淨係可以同佢影張相，冇得同佢拍⋯⋯之前好似話，佢訪問讚我呀，好開心！」
他們擔演的《正義迴廊》改編自真人真事，二人分別飾演弒父殺母的逆子，及看似智力稍低的幫兇，角色充滿挑戰性，令兩位科班出身的演員，投入以外，也被角色影響。
麥沛東《正義迴廊》
楊偉倫表示：「拍嘅時候，係有啲影響嘅，因為個角色諗嘢、做人嘅方向好Sad，令我喺嗰段時間 有一種低沉嘅心情。「但係我又冇諗點樣去抽離，因為我哋知道自己係工作緊，拍完又會做其他工作，投入另一個世界。而我同麥東本身都係比較Positive嘅，所以角色冇想像中影響咁大。」麥沛東回答前，冷不防阿卵一句：「佢智力真係降低咗。」他一笑接話：「o依家日子耐咗，提升番。」
為部戲，他特別增了四十磅，所以他坦言：「當時我對食物係冇乜慾望，一得閒我就食，瞓覺前又啪雪糕又飲可樂，基本上冇停過，仲辛苦過減肥。」
楊偉倫 麥沛東
潘紹聰的王牌節目「恐怖在線」，繼2023年推出舞台劇《死鬼老婆》，及去年的《一樓一會》叫好叫座，今年第三度推出哈囉喂劇場《請勿打擾》。由恐怖在線、HYREX ASIA 主辦，以及MakerVille、SKINKEY、Six Degrees、異人巷協辦，以疫情期間的隔離酒店為故事背景，推出舞台劇《請勿打擾》，並由Dee@ERROR（何啟華）、Candy@COLLAR（王家晴）主演，自公演以來叫好叫座，一票難求。
《請勿打擾》一眾演員。
昨晚（11月9日）完成了共21場演出，「恐怖在線」主腦潘紹聰（Edmond）坦言今年有別於前兩年的收獲，「今年用好多心機喺燈光效果，同埋情緒上鋪排，有些人可能覺得唔夠驚，但完晒咁多場，大家會發現睇個劇觸動到情緒，比起驚嚇更重要。」而早前Edmond公布明年繼續舉行哈囉喂舞台劇，Edmond表示現階段已着手籌備，他說︰「明年會以喜鬧劇為主，希望大家睇得開心，依家唔知邊個演員，又唔知個劇講咩情況下，預售情況都好理想，相信係這三年來儲落口碑。」
潘紹聰、導演朱栢謙和張志敏
首次演舞台劇的Candy，坦言有點依依不捨，她說︰「8月開始影相，眨下眼就完成21場，兩個月過得好快。尤其是跟台前幕後嘅合作，將來好難原班人馬再合作，所以更加唔捨得大家。有了今次舞台演出經驗，我唔敢講更有信心，但今次增加了我對演戲嘅熱誠，所以我好enjoy今次喺舞台上演出嘅感覺。」
Candy
至於阿Dee完成21場演出坦言會有後遺症，他說：「今次演出，真係好唔捨得呢個團隊，有好嘅導演、好嘅演員。舞台世界俾到我嘅，未必喺拍攝或者拍戲俾到我，今次令我有好多啟發，將我遺忘咗嘅嘢upgrade 咗，所以我應該有完騷後遺症，會空虛、漫無目的一段時間。好多謝《請勿打擾》台前幕後每一位，雖然呢個留鬚look keep唔到，但會留低有鬚嘅何啟華作品。」
阿Dee
此外，前日（11月8日）是麥沛東正日生日，完成下午場後，在後台Candy送上粉紅色啤啤立體蛋糕予麥東，蛋糕造型十分可愛。當日兩場完成後，在台上劇組亦送上蛋糕，與觀眾一齊唱生日歌，麥東收到不少祝福。麥東感謝團隊為他慶祝，他說：「好驚喜，冇諗到一日食咗四個蛋糕。今年感受特別深，做咁多年劇場工作氛圍開唔開心，觀眾係睇到，大家好似大家庭咁，玩得好開心。」至於生日願望，麥東希望未來不論舞台、電影或電視方面，有更多工作機會。
麥沛東生日
麥沛東生日
麥沛東生日
麥沛東生日
自開騷以來場場爆滿，反應熱烈，先後有多位圈中好友來擔任「恐怖在線」現場版嘉賓，繼有方力申、Jeffrey（魏浚笙）、Kathy仔（王頌茵）、岑樂怡、練美娟、吳保錡、謝雪心等，而每場均有不少圈中好友到來捧場。至於阿Dee和Candy的粉絲，亦包場觀賞，現場氣氛十分熱鬧。
嘉賓Jeffery
嘉賓方力申
嘉賓吳保錡
嘉賓練美娟
嘉賓謝雪心
Fans場
