ViuTV節目《晚吹 - Chat KP》逢星期四晚上11時00分播放。生活總會遇上大小煩惱及奇怪遭遇，假如有事情讓觀眾困擾尷尬、不吐不快、或想尋求建議指引，也可來信本節目，見過風浪的女主持彭秀慧（KP），會聯同現場觀眾或與知名嘉賓互動，以開信或即場phone in為觀眾提供建議，一齊一笑解千愁！
KP邀請了舞台劇《消極之鬼二》的三位劇場主演，包括白只、楊偉倫（阿卵）、邱頌偉（阿雞）做嘉賓。
《消極之鬼二》白只、楊偉倫、邱頌偉拆解「男人的浪漫」。
白只嘗試解釋為何有些男人的活動不想伴侶參與。
今晚（9月18日）播出的第44集，KP邀請了舞台劇《消極之鬼二》的三位劇場主演，包括白只、楊偉倫（阿卵）、邱頌偉（阿雞）做嘉賓，討論有關「男人的浪漫」。
點擊看圖輯
KP邀請了舞台劇《消極之鬼二》的三位劇場主演，包括白只、楊偉倫（阿卵）、邱頌偉（阿雞）做嘉賓。
《消極之鬼二》白只、楊偉倫、邱頌偉拆解「男人的浪漫」。
阿卵分享：「我哋曾經有試過三個一齊去台灣踩單車！」
因三人兄弟情深，KP問到三位：「除咗排戲之外，你哋有無共同興趣，係劇場以外、音樂以外、三位好想一齊做，就算有女朋友都唔想摻佢玩，只係想屬於你地三位一齊做嘅事呢?」阿雞大膽回應：「食飯。」阿卵隨即反應過來：「喂！喂！」喝止阿雞不要亂講。阿卵分享：「我哋曾經有試過三個一齊去台灣踩單車！」KP讚嘆很浪漫，但追問為何不想伴侶參與，阿卵和白只異口同聲說：「我哋係做緊正經嘢！」
阿雞分享台灣踩單車環島的難忘經歷。
阿卵分享：「我哋曾經有試過三個一齊去台灣踩單車！」
阿雞分享台灣踩單車環島的難忘經歷，在他們仨旅程的最後一天，決定踩單車上台灣最高的山，不幸地阿雞的單車在途中突然壞了，需要等待支援車幫忙，同時亦因日照時間短，所以討論出下午4時半必須放棄的規矩，阿雞分享：「真係去到4點半嘅時候，我哋就係山路嗰度嗌『停啊！停啊！』跟住就抌低啲單車，然後我哋三個就攬埋咗一齊，我feel到身邊嘅朋友有眼淚，我自己都有。」KP再次感嘆三人互相扶持的情誼：「好Bromance啊呢件事，好浪漫，係你地三個一齊完成唔到，但要一齊放手，我依家都起雞皮啊聽到！」
阿卵和白只異口同聲說：「我哋係做緊正經嘢！」
KP感嘆三人互相扶持的情誼。
風車草劇團最新劇作《回憶的味道》，於8月16日假西灣河文娛中心舉行尾場，梁祖堯、湯駿業、邵美君及彭秀慧，與觀眾在劇場內一同回味來自香港的好味道外，其中一幕更會即席下廚，在台上烹調美食，更誠邀台下觀眾品嚐。
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
（Credit_ Carmen So @ Right Eyeball Studio）
四人都做了不同的菜式，而當中都包含自家回憶的味道。梁祖堯炮製名為甜酸苦辣蝦的菜式，是團年飯菜式茄汁煎蝦碌的變奏，他特別為今次《回憶的味道》而構思。阿祖感性地表示：「今次演出《回憶的味道》，發現自己好少提起以前嘅嘢，因為諗返起以前好甜、好開心嘅回憶，諗到公公婆婆已經唔喺度，甜嘅嘢都會變酸；仲記得嘅嘢，即係未過，如果係苦辣嘅回憶，諗返起又會唔開心，所以唔鍾意諗返以前嘅嘢，不過實情係我好鍾意當下，都係充滿甜酸苦辣，都係好重要嘅，所以我哋好好享受每一種味道。」
（Credit_ Carmen So @ Right Eyeball Studio）
（Credit_ snap_shot_sammy）
（Credit_ Benny Luey）
（Credit_ Carmen So @ Right Eyeball Studio）
彭秀慧則製作了牽起她的童年回憶的冬瓜粒湯，她邊煮邊在台上說起跟家人的故事，道：「因為《回憶的味道》講返起以前食啲乜嘢，先發現自己係一個好幸福嘅小朋友，因為媽媽廚藝好厲害，但大個發現原來唔係必然，佢擺咁多時間喺廚房度，但整得再靚嘅冬瓜盅都只有我一個食。回憶系列裡面，我哋講好多自己嘅故事，記性好之餘，但同時有好多空白，尤其是係對爸爸媽媽嘅空白，當佢哋離開後處理佢哋嘅後事遺物時，先發覺原來好多嘢都唔知，但又已經搵唔到答案，所以我非常喜歡呢個系列，亦好享受其中。」
已為人母的邵美君，則送上送飯一流的螞蟻上樹，她說起自己與仔仔的往事，說：「我懷孕嗰陣媽媽話唔會幫我湊仔，但到小朋友識行識走嘅時候，我工作開始好忙，媽媽就話可以幫我睇住個仔，後來我個仔仲成日都話想去婆婆屋企，最後發現原來婆婆成日帶佢去便利店食杯麵同撈麵。而家佢已經十幾歲，我哋偶爾都會去便利店食杯麵撈麵。有次食食下撈麵，阿仔話掛住阿婆，嗰一刻我好開心，因為阿仔笑住話好掛住阿婆，我估喺佢腦海中，有好多回憶都係好開心同美好，令到佢好感動。」一路煮一路說起往事，但阿君煮到尾段才發現自己未加調味料，但卻若無其事即時倒入鑊中，爆笑全場。
湯駿業在台上煮起姨媽教他煮的南乳蓮藕炆豬腩肉來，但因為媽媽在場，所以他特別分享了跟媽媽的往事。他說：「我阿媽係健康女王，我細個嘅時候，佢煮菜一定煮到黃色，蒸魚會喺條魚熟嘅時候再蒸多3分鐘，因為佢好怕食得唔健康，穩陣啲，所以我習慣食熟啲嘅嘢，但阿媽煮南乳齋，我會連添幾碗飯，因為味濃，仲要每年過年都要整，我大咗先發現，其實呢個最能令佢奉獻佢嘅愛，而呢個的確係我阿媽嘅名菜，所以我好幸福。」在席間的湯媽媽聽到AhDee的分享，也不禁露出溫柔的笑容。
在謝幕時，阿祖感謝各位觀眾由《回憶的香港》支持到今次《回憶的味道》，而且更要多謝康文署，他表示：「喺我哋冇咗葵青劇院呢個場地後，係康文署幫我哋搵到西灣河文娛中心，仲有呢度嘅職員嘅配合，因為要喺台上面煮嘢食，唔容易批俾我哋做，佢哋可以話唔得就冇㗎喇，因為咁大煙，仲要俾觀眾食，好多好複雜嘅問題，所以好多謝場地嘅每一位，令到大家有一個咁特別嘅體驗。」《回憶的味道》過後，四人將分道揚鑣，各自有全新的舞台演出，當中包括梁祖堯與王菀之、谷祖琳、盧鎮業、胡麗英、唐劍康（當奴）合演的全新魔幻喜劇《寫不得你》，邵美君與柯煒林、鄧濤、黎濟銘、梁仲恆一同演出的趣怪新劇《尼斯湖水怪》，湯駿業「《To My Beloved One》Live 2026」個人演唱會，以及彭秀慧將於8月20日公布詳情的全新原創舞台劇，想知更多詳情，請留意風車草劇團，以及四位演員的網上社交平台專頁。
