林日曦早前推出《林日曦2026乜都唔知優先訂飛》，反應熱烈，吸引大批癲喪劇迷盲撐搶飛！林日曦終於正式揭曉，今年年度癲喪舞台劇為《大死撐日》，並宣布邀得毛舜筠領銜主演，聯同白只、楊偉倫及胡麗英合力演出，一連37場，將於8月28日起假香港演藝學院歌劇院隆重上演。門票將於5月28日（星期四）上午10時起於 Cityline 公開發售，各位癲喪劇迷記得把握最後搶飛機會，萬勿錯過！
毛舜筠
楊偉倫
林日曦
林日曦、毛舜筠、楊偉倫
是次宣傳海報亦相當吸睛，一眾演員以粵劇花旦及小生造型驚喜亮相，令人眼前一亮。林日曦透露，今次作品將融入粵曲元素，但並非傳統大戲，更笑言屆時可能會「跳唱粵曲一兩隻」，請觀眾拭目以待。他表示：「一直想寫一齣喜劇，去重新宣揚一下呢個香港重要嘅文化。於是五年前去搵我哋嘅粵劇及粵曲顧問江駿傑先生，向佢學習當中嘅歷史、文化，為寫劇本做準備。當中經歷疫情，所以呢個project推遲到五年後嘅今日先發生。」
談到今次邀請毛舜筠參演，林日曦直言對方是自己心目中的唯一人選：「五年後當我攞返呢個劇本出嚟嘅時候，第一個諗起嘅就係毛姐。我好鍾意毛姐獨特嘅喜劇節奏，佢做喜劇，就好似經典嘅《家有囍事》，唔係首先引你笑，而係全心投入去角色嗰度，完全相信個角色，自然散發嗰種喜感出嚟。一路都想搵佢合作，所以好耐之前已經鋪排定，不斷邀請佢哋睇我嘅舞台劇，慢慢搵機會。」
首次參演林日曦作品的毛舜筠（毛姐）坦言，私底下其實並不認識對方，但早已是其忠實粉絲：「我係佢Fans嚟，我成日睇佢啲舞台劇㗎！佢嗰種舞台劇嘅演繹方法成日都令到我大笑，有時仲會無端端笑到好大聲，睇完演出又想搵佢影相！」
談到今次破天荒接演舞台劇，她坦言感覺非常奇妙：「其實以前有兩次演舞台劇嘅機會，但最後都因為一啲事取消咗，明明連約都簽埋……」她表示，當時曾以為自己與舞台劇無緣，直到收到林日曦的劇本後，卻有一種命中注定的感覺：「我直情覺得點解好似為我而寫咁，莫非佢好了解我？」不過林日曦原來是在完全不知道毛姐背景的情況下創作角色，令毛姐更相信這次合作是一種緣份：「所以今次一定要搏一搏！」
她亦透露，被劇本中的喜劇元素深深吸引，幾乎是一看完便決定接演：「我一直都好想做一個舞台喜劇，而家個氣氛好多嘢都令人笑唔出。如果可以透過一個戲令大家開心大笑，而個演出又畀到驚喜大家，我覺得作為演員已經好滿足。」
除了喜劇元素外，林日曦亦透露：「雖然呢齣係一齣喜劇，但真係會有幾首短嘅粵曲，全部原創，由我創作曲詞。」他苦笑指：「記得毛姐聽完後，佢一邊話好好，一邊問我係咪用AI。非常hurt。我同佢澄清，喺我最迷惘唔知點寫嘅時候，真係有試過去學人搵嗰啲AI試吓，點知原來嗰啲AI根本就冇粵曲呢個選項，完全幫唔到手。最後我係靠不斷重複聽一啲經典嘅粵曲，再向我哋嘅粵曲顧問問咗好多好多好多好多問題，了解咗粵曲嘅一啲規範同埋特性，終於勉強寫咗出嚟。」
林日曦年度癲喪舞台劇 ——《大死撐日》將於今年8月28日起，一連37場假香港演藝學院歌劇院盛大公演，門票將於5月28日（星期四）上午10 時起於 Cityline 公開發售！癲喪劇迷敬請準時搶飛，齊齊見證一班人查篤撐！
全新爆笑舞台劇《有料呻吟》，由方俊杰執導、阮韻珊編劇，陳淑儀霸氣化身「放蕩𝕭𝖆𝖗」女主人，親自帶領四位「牛郎」——白只、梁浩邦、梁天尺及梁仲恆，由明年1月15日起，假西九文化區戲曲中心大劇院期間限定營業，陪大家「有料呻吟」！早前優先預售一開賣旋即宣告爆滿，幾位牛郎承蒙各位厚愛，決定火速加碼，加開至合共 8場！無論你係想有人聽、想有人陪，定純粹想感受被寵愛嘅滋味，都可以喺 Goodshow.club 買飛入場，嚟「放蕩𝕭𝖆𝖗」坐下，同我哋放蕩地傾訴！
白只
梁天尺
梁仲恆
梁浩邦
靈感源自日本隨筆《無料呻吟》 阮韻珊將都市孤獨轉化為「發城市財」生意
編劇兼演員阮韻珊（Melody）表示，故事靈感源自多年前讀過的一本日本隨筆《無料呻吟》。該書作者是一位處於事業低潮的搞笑藝人，他跑上東京街頭豎起「我在聽你說，免費」的招牌聽陌生人傾訴，豈料大受歡迎，甚至吸引不少「回頭客」，故把故事輯錄成書。這啟發 Melody 思考：「如果香港都有呢種『聽人講嘢』嘅服務，會唔會係一門有趣嘅生意？」她遂將這種「發城市財」的概念寫進劇本，以此反映都市人的空虛與渴望。至於劇中酒吧「放蕩𝕭𝖆𝖗」的命名，則取材自她在日本留學時住處附近一間樸素卻令她印象深刻的「放蕩餐廳」，為劇作增添獨特而微妙的日本生活感。
《有料呻吟》
「女主人媽媽桑」陳淑儀率牛郎狂操 推出「操用影片」熱情招攬恩客
作為「放蕩𝕭𝖆𝖗」的靈魂人物，飾演媽媽桑「女主人」的陳淑儀更親自率領四位牛郎做Gym加操作宣傳，團隊更拍下他們賣力狂操，大汗淋漓的「操用影片」，實行「牛郎陪你操」，鼓勵每顆空虛寂寞的心，齊齊加入「操野團」——只要得閒心動，自然就唔得閒悶！恩客們如想索取「足本版 - 操用影片（番号 BIKE-777）」，歡迎到 goodshow.club IG 留言「Gym人我要」！淑儀更大賣關子，呼籲大家想感受最真實、最放蕩的傾訴體驗，一定要買飛入場親身領教！
陳淑儀「百貨應百客」點評四位牛郎 梁頌恆自嘲「鼻哥窿大」 最啱做「牛（郎）」
淑儀這個「女主人」，對旗下四位各有身世與傷痕的牛郎亦有著獨到的眼光。淑儀笑言「正所謂百貨應百客」，四位牛郎性格與魅力各異，但各有吸客絕招：阿尺（梁天尺）沉實穩重，最容易取得顧客的信任；阿炳（梁仲恆）憑著一雙憂鬱眼神，渾身散發著惹人憐愛的氣質；阿邦（梁浩邦）含蓄俊朗，骨子裡卻偶爾帶點狂野；而白只則風趣幽默，總能帶給客人其樂無窮的歡笑。淑儀哥大讚四位各有魅力，直言身為女主人「四個都咁鍾意！」
今次要在劇中挑戰飾演「牛郎」，四位演員將盡情展現個人魅力。白只苦笑指自己年紀與閱歷最多，相比其他牛郎更能深刻理解人生的苦澀；他更落力推銷自己的大肚腩，笑言：「我個肚腩好似糯米糍一樣煙煙韌韌，一定能吸引到鍾意食麻糬嘅客人！」阿炳笑稱自己最大的吸引力在於「鼻哥窿」：「我個鼻哥窿好大，好似一隻牛，所以天生就非常適合做『牛（郎）』！」阿邦則指自己內在擁有一股強大的女性特質：「雖然我外表係男性，但內心像女性一樣，猶如『一火一水』喺體內互相交融。呢種特質令我好適合去聆聽女性顧客嘅心聲。」
阿尺笑言自己最大優勢是「大耳仔」，天生就是個稱職的聆聽者。他更分享獨有的「吸客」秘密武器：「我有鼻敏感，成日擤鼻涕同眼紅紅，好多時客人會誤以為我對佢哋嘅故事產生強烈共鳴，反而更願意卸下心防分享秘密！加上我步入中年記性有時唔係幾好，聽完就唔記得，相信會吸引到一啲想分享秘密，但又唔想太多人知佢秘密嘅客人；如果客人想我記住，我亦會乖乖用紙筆抄低！」
面對日常壓力與感情困擾，幾位「牛郎」的抒發方式亦截然不同。阿炳坦言自己屬於「藏在心底型」，認為有時向人傾訴也是一件很累人的事；阿邦則表示自己偏向需要尋求陪伴；而阿尺則形容自己是「混合型」：「始終係男子漢，心事周圍講好似唔夠型，收收埋埋做『憂鬱小生』感覺型啲！但長期壓抑對身體唔好，我又注重養生，所以學識用唱歌去抒發困擾，不過代價係周不時會收到鄰居投訴！」
《有料呻吟》明年1月 爆笑放蕩上演
《有料呻吟》將於明年1月15日起，假西九文化區戲曲中心大劇院爆笑放蕩上演。加場後合共8場演出，門票現已於 Goodshow.club 公開發售，各位恩客，請多多支持，「放蕩𝕭𝖆𝖗」見！
