一連18場的年度大型溫情舞台喜劇《關於那隻龜回魂的故事》，日前於香港演藝學院歌劇院圓滿落幕。主演阮小儀、楊樂文（Lokman）、梁仲恆、王耀祖、胡麗英、阮韻珊及倪秉郎齊齊登台謝幕，全場觀眾掌聲如雷，歡呼不斷，為演出劃下完美句號。
梁仲恆、楊樂文
胡麗英、倪秉郎
一連18場的《關於那隻龜回魂的故事》圓滿落幕
一連18場的《關於那隻龜回魂的故事》圓滿落幕
阮小儀、王耀祖、阮韻珊
胡麗英
監製兼演員王耀祖（阿祖）於謝幕時率先向觀眾致謝，感性表示：「我哋一直都相信，冇觀眾就冇劇場。作為一個表演者，可以企喺台上聽到大家嘅笑聲、喊聲，其實我哋真係好High，High到爆！」
點擊看圖輯
梁仲恆、楊樂文
胡麗英、倪秉郎
一連18場的《關於那隻龜回魂的故事》圓滿落幕
一連18場的《關於那隻龜回魂的故事》圓滿落幕
阮小儀、王耀祖、阮韻珊
胡麗英
愛犬病重仍堅持排練演出 小儀專業態度感動全場
阿祖亦特別點名答謝女主角小儀，坦言當初邀請對方出演時，已感受到她既期待又忐忑的心情：「我肯定自己冇睇錯人，佢真係一個好好嘅演員。」台下觀眾即時大叫「揀得好！」全場拍手附和。
阿祖回憶排練期間，由於今次故事涉及生離死別的情節，當時小儀亦正面對愛犬「細佬佬」病重的難關：「排緊戲嗰陣，我哋都以為細佬佬可能會離開，所以大家都有研究一啲特別安排。」不過，小儀除了感謝劇組體諒外，更堅定表示：「我應承咗做，就要做到最好，我會繼續排戲，大家唔使擔心。」阿祖續指，小儀每天完成排練後都會立即趕回家陪伴愛犬，但無論於舞台前後，她始終保持高度專業：「佢每一日都係最專業嘅。」這番說話令小儀當場感動落淚。
Lokman排戲從不喊累 阿祖激讚他「一定會發光」
談到首次與楊樂文（Lokman）合作，阿祖亦大讚對方敬業又可靠：「排練期間，Lokman其實仲有好多其他工作，我哋個個都話排戲好攰，但從來冇聽過佢講攰。」
他表示，Lokman不但每次都準備充足，更能迅速掌握角色要求：「導演或者其他演員同佢分享任何意見，佢永遠都唔會Say No。」阿祖更笑言，合作後發現Lokman原來非常有喜感：「認識咗佢之後，發現原來佢咁好笑又可靠，我覺得佢係一個會發到好光嘅演員。」
梁仲恆被指實力遭低估 Lokman笑揭超強背稿力
至於首次合作的梁仲恆，阿祖更毫不吝惜送上高度評價：「你比我心目中嘅好更加好，好到我開頭有少少驚，心諗：『點解可以咁勁？』」雖然梁仲恆近年已先後奪得最佳男配角及男主角獎項，但阿祖仍認為對方實力被低估：「我希望所有人嘅眼睛都可以望多啲呢個男仔，因為我覺得佢係一位underrated嘅演員，即使你已經攞咗獎，你真係⋯⋯」話未說完，梁仲恆即搶答：「優秀！」瞬間引爆全場笑聲與掌聲。
Lokman亦忍不住舉手爆料，指梁仲恆是劇組的「壓力來源」：「點解我哋啲對白可以咁熟、咁流暢？就係因為佢呀！」他笑指梁仲恆於排練首星期已經背熟整份劇本：「搞到大家都要追進度，逼自己快啲背好對白！」Lokman續笑言：「就係因為有呢個『衰人』，我哋先會有呢個壓力同原動力，不斷排練、不斷進步！」
團隊寄望用笑聲療癒離別情緒 感謝觀眾及「龜途」支持
阿祖最後表示，今次作品其實肩負著一個特別的「Mission」：「我哋講家庭、寵物、離別，即使係一個比較Heavy嘅題材，但希望大家都係開開心心、笑住咁離場。」
他亦分享，團隊收到一位來自宏福苑、同樣姓陸的觀眾送上的鮮花與字條，對方表示因為從劇中感受到很多溫暖，所以再次入場支持，令團隊相當感動。
最後，團隊亦特別感謝非牟利動物救援機構「龜途 The Turtle’s Inn」，表示創作過程中獲得對方不少啟發：「除咗畀咗好多inspiration，我哋亦非常感謝佢哋一直拯救咁多龜龜。」
