白只楊偉倫拍廣告笑料百出 化身「裝修廚神」搶鏡

Pricerite實惠集團旗下品牌「Pricerite 實惠｜創造家」6月5日隆重推出全新電視廣告，特別邀請實力派演員白只與楊偉倫（阿卵）破格演出，以幽默手法帶出「裝修零鑊氣」主題，將香港人最怕遇上的裝修煩惱，化成一場令人會心微笑的廣告演出，帶出濃厚港版泰式廣告風格。

實力派演員白只與楊偉倫（阿卵）為Pricerite實惠拍攝全新廣告，以幽默手法帶出「裝修零鑊氣」主題，大玩港版泰式廣告風格。

拍攝期間，白只與阿卵亦大放笑彈，不時即興加兩句搞笑對白，令現場笑聲不斷。兩人一換上「裝修廚神」造型即刻入戲，無論神情定動作都相當到位，連工作人員都忍不住邊拍邊笑，氣氛輕鬆熱鬧。

兩人換上「裝修廚神」造型，戴上報紙廚師帽、穿上近似廚師服的裝修工作服，手持工具對住巨型鐵鑊，視覺效果玩味十足。

談到是次合作，白只與阿卵都表示拍攝過程相當有趣。白只表示：「能夠用幽默方式去演繹裝修題材，本身已經有反差感，令整個廣告更容易令人記得。」阿卵則笑言：「今次拍攝可以再度釋放我們的表演慾，廣告不單止有娛樂性，亦能夠將品牌訊息用更貼地的方法呈現出來！」

白只

楊偉倫（阿卵）

至於在裝修經驗方面，兩人私下亦有過不少艱辛的裝修經驗。白只回憶道：「曾經有師傅說一個月內完成，結果拖了半年，最糟糕的是訂造的櫃子送來後，完全不合尺寸，必須整個拆除重做，期間還不斷要追加預算。」阿卵也苦笑分享朋友經歷：「有熟人朋友試過，廁所沒做好防水，入住不久廁所就滲水到樓下，最後得鑿掉全部地板重做，那段時間每天都得去商場借廁所。」兩人異口同聲表示，裝修過程中有很多煩瑣細節需要跟進。正因為親身經歷過這些「鑊氣」，他們對品牌提出的服務保證才特別有共鳴。

拍攝期間二人即興加搞笑對白，令現場笑聲不斷。

今次廣告宣傳照一出已相當搶眼，白只與阿卵齊齊化身「裝修廚神」，戴上報紙廚師帽，穿著近似廚師服的裝修工作服，再手持工具對住一隻巨型鐵鑊，視覺效果玩味十足。廣告故事同樣走幽默路線，以一場「裝修惡夢」揭開序幕。屋主驚見由白只與阿卵飾演的「廚師」正在屋內手起刀落、猛火快炒，令現場烏煙瘴氣，彷彿變成「裝修災難現場」。當屋主崩潰大叫「我唔要『鑊氣』呀！」，畫面即時反轉，原來兩位所謂「廚師」真實身份，其實是專業裝修師傅，為業主打造理想Dream House。

林日曦早前推出《林日曦2026乜都唔知優先訂飛》，反應熱烈，吸引大批癲喪劇迷盲撐搶飛！林日曦終於正式揭曉，今年年度癲喪舞台劇為《大死撐日》，並宣布邀得毛舜筠領銜主演，聯同白只、楊偉倫及胡麗英合力演出，一連37場，將於8月28日起假香港演藝學院歌劇院隆重上演。門票將於5月28日（星期四）上午10時起於 Cityline 公開發售，各位癲喪劇迷記得把握最後搶飛機會，萬勿錯過！

毛舜筠

楊偉倫

林日曦

林日曦、毛舜筠、楊偉倫

是次宣傳海報亦相當吸睛，一眾演員以粵劇花旦及小生造型驚喜亮相，令人眼前一亮。林日曦透露，今次作品將融入粵曲元素，但並非傳統大戲，更笑言屆時可能會「跳唱粵曲一兩隻」，請觀眾拭目以待。他表示：「一直想寫一齣喜劇，去重新宣揚一下呢個香港重要嘅文化。於是五年前去搵我哋嘅粵劇及粵曲顧問江駿傑先生，向佢學習當中嘅歷史、文化，為寫劇本做準備。當中經歷疫情，所以呢個project推遲到五年後嘅今日先發生。」

談到今次邀請毛舜筠參演，林日曦直言對方是自己心目中的唯一人選：「五年後當我攞返呢個劇本出嚟嘅時候，第一個諗起嘅就係毛姐。我好鍾意毛姐獨特嘅喜劇節奏，佢做喜劇，就好似經典嘅《家有囍事》，唔係首先引你笑，而係全心投入去角色嗰度，完全相信個角色，自然散發嗰種喜感出嚟。一路都想搵佢合作，所以好耐之前已經鋪排定，不斷邀請佢哋睇我嘅舞台劇，慢慢搵機會。」

首次參演林日曦作品的毛舜筠（毛姐）坦言，私底下其實並不認識對方，但早已是其忠實粉絲：「我係佢Fans嚟，我成日睇佢啲舞台劇㗎！佢嗰種舞台劇嘅演繹方法成日都令到我大笑，有時仲會無端端笑到好大聲，睇完演出又想搵佢影相！」

談到今次破天荒接演舞台劇，她坦言感覺非常奇妙：「其實以前有兩次演舞台劇嘅機會，但最後都因為一啲事取消咗，明明連約都簽埋……」她表示，當時曾以為自己與舞台劇無緣，直到收到林日曦的劇本後，卻有一種命中注定的感覺：「我直情覺得點解好似為我而寫咁，莫非佢好了解我？」不過林日曦原來是在完全不知道毛姐背景的情況下創作角色，令毛姐更相信這次合作是一種緣份：「所以今次一定要搏一搏！」

她亦透露，被劇本中的喜劇元素深深吸引，幾乎是一看完便決定接演：「我一直都好想做一個舞台喜劇，而家個氣氛好多嘢都令人笑唔出。如果可以透過一個戲令大家開心大笑，而個演出又畀到驚喜大家，我覺得作為演員已經好滿足。」

除了喜劇元素外，林日曦亦透露：「雖然呢齣係一齣喜劇，但真係會有幾首短嘅粵曲，全部原創，由我創作曲詞。」他苦笑指：「記得毛姐聽完後，佢一邊話好好，一邊問我係咪用AI。非常hurt。我同佢澄清，喺我最迷惘唔知點寫嘅時候，真係有試過去學人搵嗰啲AI試吓，點知原來嗰啲AI根本就冇粵曲呢個選項，完全幫唔到手。最後我係靠不斷重複聽一啲經典嘅粵曲，再向我哋嘅粵曲顧問問咗好多好多好多好多問題，了解咗粵曲嘅一啲規範同埋特性，終於勉強寫咗出嚟。」

林日曦年度癲喪舞台劇 ——《大死撐日》將於今年8月28日起，一連37場假香港演藝學院歌劇院盛大公演，門票將於5月28日（星期四）上午10 時起於 Cityline 公開發售！癲喪劇迷敬請準時搶飛，齊齊見證一班人查篤撐！