獲讚真實性格搞笑兼就得人 陳展鵬與大奸角吳岱融激戰連場恍如做Gym

由王心慰（Amy姐）監製、翁善瑩編審的《隱門》，將接棒《川內相親》由5月29日起逢周一至五晚八點半翡翠台播映，主要演員包括陳展鵬、黃智雯、湯洛雯、劉佩玥、吳岱融、阮浩棕、黃子恆、魯振順、袁鎮業、盧苑茵等。《隱門》故事圍繞十惡不赦的賊王葉嘯天（吳岱融飾），如何影響女兒張心月（黃智雯飾）一生…除了心月，男主角莊子喬（陳展鵬飾）亦有著悲慘童年，童年親眼目擊生父（徐榮飾）作賊並死於亂槍之下的他，自小背負「賊王兒子」之名，在孤兒院飽受歧視及欺凌；及後獲鄧承謙（魯振順飾）收養走出困局，原以為一切重回正軌，豈料卻因葉嘯天出獄再度面臨翻天覆地危機，為了捍衛家人及得來不易的幸福，子喬陷入道德掙扎邊緣...

陳展鵬飾莊子喬

黃智雯飾張心月

湯洛雯飾楊忻曉

吳岱融飾葉嘯天

劉佩玥飾鄧希宜

阮浩棕飾張逸風

吳岱融摑到陳展鵬語無倫次？

早前憑《隱形戰隊》大奸角匡勝天贏盡好評的陳展鵬，是次畫風一轉飾演正直好人，除無私地向心月伸援手，凡事亦以保護養父及沒有血緣關係的妹妹Hailey（劉佩玥飾）為重，更不畏惡勢力經常與葉嘯天正面交鋒。與黃智雯不同的是，面對吳岱融，展鵬沒有甘願處於下風，更以不同手法全力「還拖」，二人惡鬥場面充斥全劇。早前無綫娛樂新聞台前往探班，便親眼目擊展鵬與岱融由街頭打至街尾，展鵬更被岱融扑至頭破血流。對於遭岱融窮追猛打，展鵬受訪時談到其中一幕連吃「十數個巴掌」場口時，即搞笑謂：「即刻成個人口齒伶俐，轉數快咗好多！」問到需否額外操練體能，展鵬笑言：「其實我日日開工都練緊，最緊要係練個意志。」

陳展鵬話佢今次飾演嘅角色，性格黑白分明。

陳展鵬話佢一直都好想同黃智雯合作，佢哋兩個喺劇入面嘅關係亦好微妙。

陳展鵬同吳岱融喺劇入面有大量衝突同打鬥場面，兩個望落都好搏命吓。

愈大愈佛系 湯洛雯努力改善缺點：嗌交我一定要贏

除了葉嘯天，子喬劇中還有另一壓力來源，就是女警楊忻曉（湯洛雯飾）。對於葉嘯天捲入的交通意外案有著莫名執著的忻曉，由於深感子喬有可疑，處處對子喬針鋒相對。不過私底下，首度合作的湯陳其實相處融洽，湯洛雯受訪時大讚展鵬謂：「展鵬好爽快、又係一個好好笑嘅對手，佢又好就得我，同佢拍劇係好開心一件事。」湯洛雯又笑言劇中角色某程度與真實的自己有點相像：「我某程度都係追根究底嘅人。（忍不住笑）衰啲講，嗌交嘅話我一定要贏，都係一個缺點嚟，依家都改緊。」再問真人是否像角色般疑心重，湯洛雯謂隨著年紀漸長已變得「佛系」：「依家佛系咗，覺得有時有啲嘢係就係、唔係就唔係，遲早會知道嘅嘢就會知道，唔使特登去搵。」

陳展鵬喺劇入面相當有壓力，唔係畀湯洛雯窮追不捨，就係要面對反叛又呷醋嘅哎吔阿妹劉佩玥。

靚湯喺劇入面係一個打爛沙盤問到篤嘅執著女警。

拍掌摑戲遭圍觀

湯洛雯續指劇中角色雖然沒有太多動作場面，但與智雯及展鵬一樣要捱摑，不過對象是飾演其父親的張國強KK：「我哋係真打，因為我覺得如果打唔到肉，就冇嗰種心痛感覺。原來代入咗喺街度畀阿爸打後，我嘅情緒真係大爆發，我覺得嗰種痛同委屈真係入心。當時條街仲要好多人望住，KK就係咁打、係咁打，打到我頭髮都亂晒。」另同樣與子喬關係複雜的，還有Hailey；一直有感父親偏心「哥哥」的Hailey，經常與子喬唱反調，令子喬相當困擾。

魯振順劇中角色引發不少漣漪。

劉佩玥

陳展鵬今次搣甩暗黑風，在《香港人在北京》中大晒喜劇細胞，同吳若希首度合作，擦出不少火花！

由鍾澍佳總監製、黃國輝監製、陳翹英編審的《馬百良安宮牛黃丸呈獻：香港人在北京》，將接棒外購劇《長風渡》由10月9日起逢周一至五晚9點半翡翠台播映，主要演員包括陳展鵬、洪永城、吳若希、蔡潔、戴祖儀、傅嘉莉、吳業坤和陳星妤等。

《香港人在北京》10月9日起、逢周一至五晚9點半翡翠台播映。

展鵬同Jinny首度合作，擦出唔少火花！

《香港人在北京》（下文簡稱《香港人》）主要講述一班香港人在北京生活遇到的趣事，Lucky Man徐港仁（陳展鵬飾）原本事業一帆風順，卻因與太太鄺海倫（吳若希Jinny飾）投資失敗損失慘重。此時，港仁獲公司委派到北京公司出任CEO，以為翻身有望的港仁帶同太太北上發展，但實情是被昔日宿敵明升暗降，為了面子只好被逼留在北京。另邊廂港仁弟弟徐港文（洪永城Tony飾）及妹妹徐寶怡（戴祖儀Joey飾）各因不同原因去到北京投靠哥哥，最終一家人集思廣益、發揮「唔得都要得」的香港人精神，將廢棄工廠打造成文創園。

鬥氣一家鬧出連串笑話
《香港人》劇情主打輕鬆、溫馨路線，展鵬、Jinny、Tony和Joey組成鬥氣一家人，在劇中鬧出連串笑話！視帝展鵬今年先後在《隱形戰隊》及《隱門》飾演大奸角匡勝天及亦正亦邪的莊子喬，經歷完兩個比較沉重的角色後，展鵬今次搣甩暗黑風大晒喜劇細胞，除了會爆笑演繹港人在內地遇上的文化差異笑話外，還會大晒惹笑港普。Jinny飾演的鄺海倫是一位事務律師，除了做跟得老婆跟老公北上發展默默支持老公，必要時又會為老公出頭，非常有情有義。雖然二人恩愛非常，但卻因港仁在北京重遇失婚舊朋友蘇菲（蔡潔飾），迎來一場中年婚姻危機！

飾演蘇菲嘅蔡潔係一名失婚女強人。

展鵬：好多對手完全未合作過
展鵬受訪時坦言《香港人》是他一直期待的喜劇，他說：「今次好多對手係完全未合作過，大家喺現場有好多火花。」講到劇中的爆笑港普，展鵬笑言：「好多年前喺內地拍戲時真係講港普，以前講同聽都有問題，依家識多咗好多普通話，所以今次講番港普都冇以前咁淋漓盡致。」談到與Jinny首度合作便要飾演夫妻，展鵬大讚Jinny有天分：「佢係一個好有天分嘅歌手同演員，佢有幾樣嘢做得比我好，有一場戲佢要喺屋企好性感咁去勾引我，我從未見過咁嘅佢，佢拿捏得好好，反而我係有啲怕醜！」

展鵬今次搣甩暗黑風，喺《香港人在北京》中大晒喜劇細胞。

展鵬大讚Jinny演得夠放，身為視帝嘅佢反而仲怕醜，認真估你唔到。

Jinny今次是其入行13年首度升呢女一，問到心情會否特別緊張？Jinny笑言：「唔會呀，因為我每次做配角嘅時候都當自己係主角咁樣去做，由於接到角色時已經知道係一套輕鬆小品，所以演戲之前長期提醒自己，千祈唔好有包袱，要去到盡，唔得都要得！」談到與展鵬均是星爸星媽，私底下有否交流湊B經？Jinny說：「有呀，因為展鵬帶埋囡囡一齊返內地開工，所以成日見到小豬比（展鵬女兒）同爸爸媽媽嘅相處，令到我好掛住自己嘅小朋友，所以我都成日攬住佢個女一解我思女之愁！」

展鵬、Jinny、戴祖儀同埋洪永城大放笑彈。