洪永城帶細女去沙灘玩 1歲8個月Beryl肚腩仔勁搶鏡cute到暈

娛圈事

洪永城帶細女去沙灘玩 1歲8個月Beryl肚腩仔勁搶鏡cute到暈

2025年11月24日 18:30 最後更新：19:19

洪永城（Tony）與梁諾妍（Inez）於2021年結婚，同年誕下大女「Sir Face」洪靖嵐（Amber），去年3月尾再添細女洪靖愉（Beryl），加上愛犬Molly，一家五口生活幸福美滿。轉眼間，Beryl已經一歲八個月大，越大越得意！

洪永城近日就在IG晒出帶Beryl去沙灘玩的近照，並留言：「老婆話呢啲相係真嘅，我話係AI。」相中，Beryl臉圓圓，頭上紮着三條辮仔，而且笑容cute爆，但都不及圓碌碌的肚腩仔搶鏡，睇到不少網民留下心心眼Emoji，又紛紛留言大讚：「好得意啊」、「妹妹個肚腩仔好迷人，BB就該如此可愛」、「好得意！第一張捕捉得好好」、「妹妹個大肚dum好得意可愛」、「佛妹真係超得意，個肚腩好正」，媽媽梁諾妍都表示：「好cutecute my佛妹豬」。

點擊看圖輯

洪永城與梁諾妍育有兩個囡囡。

一家五口。

洪永城IG圖片

更多相片

洪永城與梁諾妍育有兩個囡囡。

一家五口。

洪永城IG圖片

View this post on Instagram

A post shared by Tony Hung 洪永城 (@guruhung)

往下看更多文章

洪永城梁諾妍帶兩女遊日不停親親小動物 4歲Sirface職業體驗做model要媽媽氹？

藝人洪永城（Tony）與梁諾妍（Inez）於2021年結婚，婚後育有兩個囡囡，加上愛犬Molly，一家五口生活幸福美滿！兩公婆雖然平日工作繁忙，但一有時間就會陪囡囡四圍去玩，近日就趁暑假空檔，帶兩個寶貝女去日本展開親子之旅！

View this post on Instagram

A post shared by Inez Leong 梁諾妍🦉 (@inez_leong)

梁諾妍在IG晒出旅遊點滴，可見兩公婆帶囡囡去了水族館、豬豬Cafe、小動物Cafe、動物園親親不同的小動物，兩個小朋友一向膽大又有愛心，面對各種小動物完全沒有畏懼，表現得十分雀躍，一邊展露出天真燦爛的笑容，一邊溫柔地摸摸小動物們，畫面相當可愛！兩個小朋友又去了公共浴場初體驗，梁諾妍笑指兩個女都好鍾意，因為「浸完浴有雪條食」，認真搞笑！

當中4歲多的「Sirface」Amber更去了體驗不同的職業，梁諾妍爆囡囡想做迪士尼動畫《優獸大都會》（Zootopia ）中的「朱迪警長（Judy Hopps）」，所以她換上警察制服，之後又去做護士，「一個小朋友去照顧小朋友，好cute，Sirface都好細心咁照顧個bb㗎～」做完護士，「Sirface」化身fashion model，但梁諾妍就透露中間出現少少插曲，「其實一開始佢係好唔開心嘅，因為佢唔太鍾意呢條裙，最後阿媽我俾最高嘅情緒價值滿滿佢，去到最後開心地完成呢個catwalk」。