一地花生……
「Omakase廚師發辦」近年大熱，食客可以在壽司吧枱前用餐，近距離欣賞師傅處理食材及握壽司的手藝。不過近日就一港女於社交平台發文投訴，指控一間餐廳日籍廚師在準備食物時不斷咳嗽，結果她在用餐後隔日確診COVID-19，她將責任歸咎於廚師並要求餐廳全額退款。不過餐廳拒絕賠償，港女則發爛並恐嚇餐廳「我有大把時間同你玩」。對於港女惡意威脅，餐廳最終不能容忍而選擇在社交平台公開回應。網民們都一面倒指罵港女「西客」、「無賴」，亦讚賞餐廳的處理手法。
點擊看圖輯
有港女於社交平台發文，指於某日式餐廳食完omakase後，感到不適及確診，要求餐廳賠償。
餐廳出信解釋及送上慰問卡，但拒絕賠償。
餐廳表示絕對不能夠認同和妥協這種「若果你哋唔退錢就上網寫衰你哋嘅做法」的惡意威脅，於是上載對話截圖。
對話截圖可以見，樓主語帶威脅，令網民非常反感。
有港女於社交平台發文，指於某日式餐廳食完omakase後，感到不適及確診，要求餐廳賠償。
該港女於Facebook群組「香港 Omakase おまかせ 關注組」發文，表示日前她與朋友到一家日式餐廳吃omakase慶祝生日，二人消費近6千元但無論環境、食物質素、份量都令樓主不太滿意，而家回家後她開始感到不適，並在幾天後確診新冠病毒。
樓主指當晚壽司師傅持續咳嗽「招呼我哋嘅係日本師傅，但佢成晚喺度咳，感覺唔多好」，更指責餐廳未能確保員工的健康狀況，並讓他們接觸食物「我只係覺得佢呢間餐廳嘅師傅好唔負責任病就唔應該繼續返工，因為佢哋係直接掂到食物，然之後俾我哋食，真係好影響人，完全都唔理客人健康嘅餐廳」。
樓主深信因為師傅染疫而令她中招，加上由於確診無法工作並需要支付醫療費用，於是她要求餐廳賠償她的損失。餐廳則回覆表示並未發現員工確診，而處理食材亦有嚴謹的衞生程序，拒絕全數退回款項。
餐廳出信解釋及送上慰問卡，但拒絕賠償。
不過樓主不接受餐廳的回覆，她堅信師傅是確診者「我都有同老人家住，我知道老人家嗰啲咳唔係咁㗎，個位日本師傅咳得嚟仲要係有痰咳，我唔係醫生，但係感覺唔似普通咳囉」。
其後該餐廳於同一群組發文，並貼出與港女的對話截圖，從截圖可見港女語帶威脅，一直逼餐廳退款「原來係慣犯，我會去食環署投訴你哋，你哋等收皮啦」、「你話你哋冇得開幾個星期呢條數金，定係我晚餐食飯嗰條數咁啲呢？」、「我而家病咗喺屋企好得閒，我有大把時間同你玩！」。
餐廳表示絕對不能夠認同和妥協這種「若果你哋唔退錢就上網寫衰你哋嘅做法」的惡意威脅，於是上載對話截圖。
餐廳亦在帖文表示絕對不能夠認同和妥協這種「若果你哋唔退錢就上網寫衰你哋嘅做法」的惡意威脅。並重申：
1.我們收到陳小姐是確診者後，已經立即全店消毒，要求所有同事做快速檢測，包括你所講嘅日本師傅，並未有發現有任何確診個案。
2.本店對於客戶正面嘅批評同建議，我們樂於接受，但對於是次事件，我們始終找不到理由全數退款給貴客的原因。
3.山口師傅有一定年紀，有時氣管敏感會出現幾聲咳嗽，因此一路以來他和全店員工都是帶着口罩去招呼客人，一直以來亦都冇收過任何這方面投訴。
對話截圖可以見，樓主語帶威脅，令網民非常反感。
此帖一出即引起網民熱議，網民都一面倒指責樓主「你唔好咁港女啦，R唔到退款就唱人」、「師傅帶住口罩，自己中咗都可以叫人賠錢，呢條港女都算極品」、「就一個極品港女食完飯肉痛想攞返錢嘅故事」、「唔退錢就寫衰你，仲唔係勒索恐嚇？周街都好多人中Covid， 有晒證據唔關店舖事都要賴，不如你食唔起omakase 唔好食啦」。
亦有人讚賞餐廳處理手法「無賴客人度度都會遇到，邊個有理最好就由法庭去裁決，當知道呢條索償橋唔多通時，呢類客人自然就唔會再用呢招搵食」。
