《創作者的派對》MV再次揚威海外 陳健安成首位香港歌手奪美國泰利獎

恭喜安仔！

陳健安（安仔）繼上月憑《創作者的派對》MV，贏得布拉格音樂錄像頒獎禮 （Prague Music Video Awards 2022/23 Spring Edition），贏得 「Best Asian Music Video」（亞洲最佳MV）後，MV製作團隊再傳來好消息，剛在美國泰利獎（The Telly Awards）勇奪三個獎項。

觀看相關影片按連結：https://youtu.be/otarhfweLUY

有美國「電視奧斯卡」之稱的泰利獎，於1979年成立，今年是第44屆，旨在表揚優秀的電視、廣告、新聞及紀錄片等影片製作，全球各地的新聞機構、電視台、影視製作公司每年都會參與這行盛事，今年主辦單位一共收到一萬三千份參賽作品，而安仔的《創作者的派對》MV，一共奪得一銀、兩銅獎項，包括與Marvel及NASA，一同獲得TELEVISION-Craft Visual Effects的銀獎，以及在TELEVISION- General Music Video，以及Online-General Music Video中各奪得銅獎。

TELEVISION-Craft Visual Effects銀獎

Online-General Music Video銅獎

TELEVISION- General Music Video銅獎

安仔表示：「真係受寵若驚，因為今次有一萬三千個作品參賽，但我哋《創作者的派對》MV可以攞到三個獎，一共攞到一個銀獎，兩個銅獎，真係冇諗過可以攞到呢個咁犀利嘅美國獎項，我睇番啲資料，香港嘅MV係第一次攞呢個獎，好戥我哋成個創作團隊『叁沾百各』開心，最開心嘅係，我哋有啲嘅獎項，可以同Marvel、迪士尼、Netflix、NASA，並列攞同一個獎項，真係冇諗過，係一個好大嘅鼓勵同肯定。」

《創作者的派對》

《創作者的派對》

《創作者的派對》

過往能夠得到泰利獎的亞洲區歌手並不多，台灣代表有蔡依林、吳青峰，還有來自大馬的黃明志，安仔更是首位得到此殊榮的香港歌手，「當初做《創作者的派對》呢個MV，我哋真係好鍾意，但唔係好多人去留意呢個MV，所以得到呢個泰利獎係一個好大嘅鼓勵。其實如果大家都有一個好嘅作品，試吓去參加唔同嘅比賽，可能你嘅作品會得到外國人嘅喜歡同肯定，所以都想鼓勵大家去參加唔同嘅比賽，可能會有意外收穫。」

安仔是首位得到泰利獎的香港歌手。

安仔鼓勵大家去參加唔同嘅比賽，可能會有意外收穫。

當日安仔為了這個MV，在開拍前用上三、四個月時間做gym操六嚿腹肌赤膊上陣，辛苦換來一個又一個肯定，安仔說希望舉行慶功宴，與所有幕後團隊一同分享喜悅，「已經約緊導演，仲有妝、頭，每一個幕後團隊一齊出嚟食飯，因為個獎嚟緊會喺美國寄來香港，收到嘅時候，希望同每一個人一齊分享呢個喜悅，一齊慶功食餐好。」

安仔為了這個MV，在開拍前用上三、四個月時間做gym操六嚿腹肌赤膊上陣。

辛苦換來一個又一個肯定！

操得好靚！

操得好靚！

操得好靚！

安仔希望舉行慶功宴，與所有幕後團隊一同分享喜悅。

唱作歌手陳健安第5張個人專輯《時間感【遲】》今日（12月19日）推出，他千叮萬囑Fans必須由第一首歌，跟住他精心設計的music flow去聽全碟六首作品。專輯顧名思義探討「時間」，而封面及碟內相集的靚相就以「水」做主題，以不同形態的流動比喻時間。

陳健安推出第5張個人專輯《時間感【遲】》。

封面及碟內相集的靚相就以「水」做主題。

以不同形態的流動比喻時間。

安仔說：「由年頭推出《不遲不早》就想探討『時間』，乜嘢係『遲』？乜嘢係『早』？我諗每個人經歷唔同嘅事，或者去到人生不同年齡、不同階段，對『時間』嘅感覺都會唔同。每個人都有自己嘅感受，係一個頗大嘅課題，衍生咗我想透過呢張專輯同大家探討。」「時間管理大師」非安仔莫屬，他同一天拍攝唱片封面和明年一月個唱海報，但兩邊需要不同髮色，他索性影完演唱會海報，即場在影樓洗手間染髮，還大曬廣告金句：「立即變黑晒，亦得！」

拍攝花絮

專輯相以「水」為主題，帶出碟內探討「時間」的作品，安仔非常欣賞美術總監Victor為他設計不同場景和道具，他說：「流動嘅水、似真亦假嘅水、真正嘅水，亦有由我身上噴出嚟嘅水，水嘅流動其實同時間嘅感覺呼應，你睇到啲水係流動？還是凝固？就由你自己解讀！」其中一個裝置有幾個放大鏡，鐘擺式在安仔身邊擦肩而過，他說：「放大鏡揈嚟揈去好好玩，啲同事玩得好開心。放塊面埋去面容扭曲，而呢個『扭曲』正正代表時間，每個人對時間嘅感覺都唔同，各人有各人嘅扭曲程度，而放大鏡鐘擺式咁喺我身邊擦過，光與影造出唔同扭曲效果。」

拍攝花絮

拍攝花絮

拍攝花絮

造型師Herman準備了一件特別質料的衣服呼應拍攝主題，安仔說：「呢個料可以隨便揸呀、扭呀，佢個質地會有啲停頓，扭曲過程有好多即興嘅嘢喺拍攝入面。」而攝影師HungMC就準備了一個不規則扭曲的透明頭罩，用鏡頭捕捉水從安仔頭頂流過面部的瞬間。安仔說：「因為淋水落我個頭，控制唔到影出嚟嘅效果，呢啲控制唔到就係拍攝時好玩之處。」

拍攝花絮

拍攝花絮

拍攝花絮

最後一個鏡頭，安仔自薦用口噴水，讓攝影師捕捉水花四濺的形態，結果有驚喜。他笑言：「我細個喺球場玩噴水柱，今日終於大派用場，我覺得自己噴得好出色，仲可以俾攝影師選擇細水長流，定係噴射式『隊穿牆』形態。」

拍攝花絮

拍攝花絮

今次專輯封面設計成「相簿」，封面任由歌迷擺布，安仔說：「設計師Sunny，我哋之前喺《PROJECT REJECT》和《Life afteR Life》兩張專輯都合作過，今次佢將專輯封面設計成相簿，入面嘅物件可以郁動，甚至換相，唔想有我個樣就換自己張相入去。至於點解叫《時間感【遲】》？大家聽歌嘅時候感受吓！要由第一首開始聽到尾，我好重視music flow，花咗好多心思去排。當中有一首作品《夜貓子》無派台，我作曲，係有一晚發夢時突然出現呢個旋律而作咗呢首歌，邀請到Jason蔡德才編曲和監製。」

拍攝花絮

拍攝花絮

拍攝花絮

安仔感謝歌迷多年支持他每個音樂企劃，接著他繼續密鑼緊鼓為3個星期後，1月10和11日在西九文化區竹翠公園，舉行首次個人戶外演唱會「陳健安時的狀態演唱會2026」練歌綵排，到時見。

陳健安