吳大強同老婆拍拖睇戲 吳太罕有除罩現身同老公極有夫妻相

吳大強近日帶同甚少露面的的太太一同入場觀看葉童有份參演的新片《我愛你》，吳太更難得除下口罩以真面目示人。

吳大強一家六口。

71歲的吳大強憑TVB節目《中年好聲音》打開知名度，邀約不絕，不輸同為藝人的三仔吳偉豪，二人不時父子檔賺外快。眾所周知，吳大強育有四個高顏值的兒子，他們的媽媽亦好有氣質，但平日甚少露面，或現身時都會戴上口罩。

吳大強憑《中年好聲音》而為人熟悉。

吳大強年輕時都好有型！

不時同三仔吳偉豪父子檔上陣。

吳家一門四傑。

早前吳偉豪四兄弟參加《思家大戰》，父母也有現身。

日前，吳大強就帶同太太一同入場觀看電影《我愛你》，當日還是謝票場，主演之一的葉童專程和觀眾分享拍攝點滴，事後，資深傳媒汪曼玲貼出當日的照片，可見除了吳大強和太太，還有胡楓、龔慈恩、陳榮峻、黃文慧、佘詩曼媽媽等，當中染了一頭啡髮吳太罕有除下口罩以真面目示人，可見她戴著眼鏡，外表非常年輕，看上去只有40多歲，與吳大強的鼻形更非常相似，好有夫妻相！

葉童現身電影《我愛你》謝票場。

好多圈中人到場支持。

吳大強同太太都有到場，吳太還罕有除下口罩以真面目示人。

無綫電視慶祝58周年台慶，匯聚全台藝員及歌手傾力演出之大型特備節目《萬千星輝賀台慶》，將於今晚（11月19日）假電視廣播城隆重舉行，吳大強與吳偉豪再次父子檔現身紅地氈，但二人就透露今次只在開場是有同台演出。

本網記者攝

本網記者攝

問到會否希望抽到大獎，二人異口同聲表示想，吳大強希望可以同家人一齊分享，而吳偉豪則表示：「我覺得係咪大獎都唔緊要，總之有獎就得啦，因為我入咗行十年，我一個細獎都冇抽過，希望今年任何獎都好。」吳大強又透露在外面不時會抽中獎，但在台慶就未試過，吳偉豪聞言指是媽媽有抽獎運！

本網記者攝

吳偉豪正在拍攝《飛常日誌2》及《璀璨之城》，而《中年好聲音》出身的吳大強最近亦有劇拍，正在拍攝《風華背後》，在劇中飾演高層的他表示：「我學到好多嘢，學到好多演技嘅嘢，我雖然我年紀唔細，但係喺拍戲都係一個新人，跟咗咁多好好演技嘅演員一齊，我覺得好開心。」他又好開心能與汪明荃（Liza姐）有對手戲，「我都覺得我自己係好幸運，可以同佢地一齊拍，以前睇得多，而家有機會拍，個心情唔知點樣，好難形容，好似係咪真嘅呢定發緊夢呢，但係總之都係好開心，我都會好努力拍好佢。」

本網記者攝

提到早前大排筵席慶祝71歲生日，吳大強表示：「我平時都好少話生日擺酒，但係今年覺得，唔知點解突然有呢個興致，話真係搞一個比較大型啲嘅叫好多朋友，新嘅舊嘅都有，希望佢哋都可以聚首一堂，咁今次都好開心，好多謝各位朋友賞面！」問到會否催四個兒子早日成家立室？吳大強直言：「其實唔使催㗎啦，我都想！不過都係順其自然啦，呢啲決定權都喺佢哋嗰度，只要佢哋開心、幸福咁就得啦！」並指每個父母都希望仔女成家立室，但他兒子們目前都是在衝刺階段，以工作為先，「搞好自己個基礎事業先，拍拖嘅嘢隨時都可以！」

本網記者攝