林智樂（Felix）近月推出人生第一首派台歌《忘記趁早》，並透露正準備下一首新作，盼衝擊樂壇新人獎。
現年19歲的歌手林智樂（Felix）參加無綫歌唱選秀節目《聲夢傳奇》出道，入行近三年，近月終於推出人生第一首派台歌《忘記趁早》。在推出新歌的同時，Felix亦透露正準備下一首新作，盼衝擊今年樂壇新人獎。
點擊看圖輯
林智樂（Felix）於2021年參加《聲夢傳奇》為人認識，今年終於迎來首支個人單曲。（本網記者攝）
Felix今年推出新歌《忘記趁早》。
他最開心邀請Christopher Chak寫歌成功。
這首歌唱出年輕人的想法，卻非其寫照，事關Felix從未拍過拖。（本網記者攝）
今次MV找來《聲夢傳奇2》學員、師妹趙頌宜（Maggie）擔任女主角，Felix指好開心對方肯獻出「第一次」。
Felix曾因身邊的《聲夢》學員先後出歌而感到心灰。
Felix參加《聲夢傳奇》而由英國返香港，更為了發展歌唱事業停學兩年。
Felix為今年的樂壇新人。（本網記者攝）
他直認自己恨攞新人獎，想攞獎原因只為多謝身邊一直幫助自己的人。
Felix主持港台節目《港樂‧講樂》，令他獲益良多。
Felix愛嘗試，作多棲發展。
Felix第一首派台歌《忘記趁早》邀得Christopher Chak（澤日生）作曲、林若寧填詞，強勁班底助陣，令他驚喜十足！（本網記者攝）
林智樂（Felix）於2021年參加《聲夢傳奇》為人認識，今年終於迎來首支個人單曲。（本網記者攝）
Felix今年推出新歌《忘記趁早》。
他最開心邀請Christopher Chak寫歌成功。
Felix接受本網專訪時，透露新歌《忘記趁早》講述年輕人在處理感情上的不成熟，一段感情結束後，會像鬥氣般要快速忘記對方。不過未有拍拖經驗的他，全靠朋友幫手才能投入感情演繹：「因為我好鍾意聽身邊啲人講佢哋啲戀愛故事，你會發現有啲嘢唔係淨係得拍劇先有，同埋我自己都幾EMO嘅，睇電視劇都會喊，所以東拼西湊加埋自己啲想象，就完成今次嘅錄音。」
這首歌唱出年輕人的想法，卻非其寫照，事關Felix從未拍過拖。（本網記者攝）
今次MV找來《聲夢傳奇2》學員、師妹趙頌宜（Maggie）擔任女主角，Felix指好開心對方肯獻出「第一次」。
Felix表示最開心是可以邀請到作曲家Christopher Chak（澤日生）寫歌：「我好鍾意喺夜晚邊諗嘢邊聽歌，而佢嘅作品長期會喺我歌單入面，好似《富士山下》、《搜神記》同《鍾無艷》等等，當時情緒可能有啲EMO，就發咗一個訊息俾Christopher Chak，多謝佢寫咗咁多歌曲俾我哋聽。」較同是《聲夢》出身的學員遲出歌，Felix曾經陷入迷惘期，仲走去占卜排解煩惱 ：「占卜就話要我自信啲、主動啲，唔好再坐喺度等，咁我終於扚起心肝決定搵經理人傾，同時間經理人就聯繫我，話公司準備俾我出歌。得知未定作曲人，我就膽粗粗問Christopher Chak，佢好快覆我話都想合作，完全冇諗過一個喺我心目中係一個大師級嘅人物，竟然會肯幫我作曲，佢仲幫我搵埋林若寧填詞。」
Felix曾因身邊的《聲夢》學員先後出歌而感到心灰。
Felix參加《聲夢傳奇》而由英國返香港，更為了發展歌唱事業停學兩年。
Felix直言首次入錄音室超緊張：「其實之前我同Christopher Chak、林若寧一路都係網友關係，真係去到錄音嗰陣時先見到佢哋真身，一開始好驚，因為Christopher Chak做過咁多當紅作品，所以會諗錄音嘅時候冇發揮好，佢會唔會對我有唔好嘅印象，不過錄音前大家一齊傾咗一陣，自己好快就已經放低咗呢個顧慮。佢真係好隨和同好易親近，佢反而鼓勵我去試多啲，將自己想表達嘅話俾佢聽，佢話會搵一個佢覺得好好嘅版本出嚟，所以大家合作得好舒服，首歌前前後後錄咗差唔多6、7個鐘！」他指幸好有Christopher Chak一直在旁給予意見：「因為我本身覺得份歌詞，會不會要唱得慘少少，要有種睇化晒嘅Feel，佢就講唔好咁樣，因為咁樣反而會令成首歌嘅感覺老成咗，不如試下行雲流水啲，似係同自己讀緊一封信，好似自己同自己對話咁，感覺會好啲。」
Felix為今年的樂壇新人。（本網記者攝）
他直認自己恨攞新人獎，想攞獎原因只為多謝身邊一直幫助自己的人。
《聲夢傳奇》比賽完結後，15位學員都獲簽約星夢娛樂旗下廠牌「愛爆音樂」，並陸續獲得出歌機會。Felix是第13位學員出歌，他笑言等到頸都長埋：「其實我首歌上年9月已經錄完，加埋首歌好難得可以得到咁好嘅班底，真係發夢都冇諗過可以搵到佢哋做，身邊嘅人又全部都好幫我，所以首歌出街前我都好有壓力，好在反應都唔錯，大家都幾喜歡，而家個心都定番好多。」
Felix坦言的確好恨攞新人獎，亦視為今年的目標：「因為新人獎一生人得一次，唔單只係對我嘅肯定，而係我好想做到啲嘢俾身邊嘅人睇，大家付出咗努力係真係可以得到收穫，會好想成功，好想攞一樣嘢返嚟同佢哋一起分享，同埋我自己私心都好想囉！但我都明攞獎呢件事需要睇好多唔同因素，天時地利人和決一不可，所以順其自然啦！。」從小就愛看樂壇頒獎典禮和追不同的歌榜的Felix，盼望《忘記趁早》亦可以成為其中的一首，另外他又透露已準備下一首新作：「預計10月可以出街，都係比較慢少少風格嘅歌。」
Felix主持港台節目《港樂‧講樂》，令他獲益良多。
Felix愛嘗試，作多棲發展。
在兩年前，Felix已獲英國倫敦大學皇家賀洛唯學院錄取，不過他就因參加《聲夢傳奇》而由英國返香港，現在已停學了兩年。Felix表示慶幸參加了這個比賽，改變了自己對於未來的方向：「如果我冇參加呢個比賽，可能讀完大學就出嚟搵嘢做，我都係鐘意呢個行業嘅嘢，可能會做廣告之類嘅嘢，反而而家真係有個途徑俾我入咗行。」
留港發展演藝事業，Felix向歌、視、綜藝、主持多方面發展：「因為呢個行業實在太多姿多彩，有太多嘢我未試過，就算拍戲都有好多角色未試過，因為拍戲係演繹緊一個角色，可以試唔同嘢，好多嘢自己唔會無端端去做，但拍戲可以俾你試，例如跳海等等啦，真係好特別嘅體驗嚟，但第一個鐘意一定係唱歌。我覺得歌手一上到嗰台就要俾人感覺到魅力同吸引力，同埋用把聲去吸引人哋嘅注意力，而主持通常要將個主角位俾人哋，因為你係訪問緊嘉賓。因為我哋可能成日喺公司，所以好難接觸到外面嘅音樂人，而家可以做到音樂類型嘅主持，有機會接觸多啲唔同歌手同唱片公司，了解多啲唱片業運作，係幾開心嘅！」
Felix第一首派台歌《忘記趁早》邀得Christopher Chak（澤日生）作曲、林若寧填詞，強勁班底助陣，令他驚喜十足！（本網記者攝）
