冼靖峰晒靚聲型格跳唱EXO《節奏》獲Rain點名大讚 丁子朗參加《亞洲超星團》望證明自己

Rain點名大讚Archie冼靖峰：「你的聲音特別好聽！」

全新偶像選秀節目《亞洲超星團》將於11月25日周六晚上8點翡翠台隆重首播，優酷國際版同步上線。《亞洲超星團》搜羅全亞洲別具潛力超新星，旨在打造一隊在世界流行文化領域別具影響力的男子組合，分別從內地、香港、澳門、台灣、日本及韓國等精選出65位超星練習生進行蛻變及改造。導師陣容非常強勁，節目召集人曾志偉邀得韓國殿堂級偶像Rain擔任超星總製作人外，還邀請了蘇志威、程瀟、朱正廷及農夫（C君、陸永）擔任超星導師。

Archie大晒唱功。

Rain讚Archie把聲特別好聽。

C君就話Archie可以做唱歌擔當。

《亞洲超星團》即將播出，官方連日陸續釋出宣傳片曝光比賽精彩畫面，其中一條宣傳片中，香港代表冼靖峰（Archie）全白Look化身白馬王子，大晒靚聲型格跳唱韓團EXO的《節奏》，Archie一舉手一投足都自信十足，魅力爆錶！Rain點名大讚：「冼靖峰，你的聲音特別好聽！」超星導師C君＠農夫則說：「佢主力是唱歌擔當，可能走到一條出路出嚟。」

其他超星練習生精彩演出片段。

阿Rain睇到七情上面。

丁丁話今次最大得着。

係識到六十幾位好兄弟。

Archie就話參加比賽前壓力好大。

丁丁希望大家睇到佢嘅轉變。

另外Archie又與同為香港代表的丁子朗、文佐匡及「雙Hugo」黃奕斌和黃星綽合體分享參與《亞洲超星團》感受。講到今次最大得着，丁丁坦言：「我覺得一定係認識咗六十幾個兄弟，舞台上我哋雖然係競爭對手，但係台下佢哋會毫無保留地教我唱歌跳舞。」Archie直言初時壓力很大：「世界各地嚟嘅選手其實好多已經係出咗道嘅藝人。」並分享了大家如何互相幫助：「有次我哋揀咗首普通話歌，隊中有兩位日本選手，我記得我係標記晒所有拼音畀佢哋，同佢哋一齊練，大家互相幫助之下，表演最終好順利完成！」丁丁續指參與《亞洲超星團》是希望證明自己：「我只係希望觀眾見到丁子朗唔同咗！」Archie則說：「我好想去證明畀大家睇，只要肯努力，乜嘢都可以做到！」

Archie就希望向大家證明，只要肯努力，咩都可以做到。

黃奕斌大讚Rain嘅評語好中Point。

「雙Hugo」爆Rain暖男面 文佐匡為Keep Fit捱麵包
對於《亞洲超星團》雲集星級導師，更有韓國殿堂級偶像Rain擔任超星總製作人，丁丁說：「今次前輩陣容非常強勁，對我哋嚟講好似粉絲偶像見面會咁，尤其係Rain老師，佢舞台表現力非常強勁，好震撼！」黃奕斌說：「Rain老師每次評語都非常之中Point，令到每位選手都有好大得着。」黃星綽說：「佢（Rain）經常會鼓勵選手，包括我，每次聽到佢嘅鼓勵之後，我就會更有Energy去做得更好。」文佐匡則指為了比賽捱麵包：「嗰時為咗keep fit，我上舞台前三日只係食咗2塊麵包！」

黃星綽就好感激Rain嘅鼓勵。

文佐匡為咗keep fit，喺上台表演前只係食咗2塊麵包，認真辛苦。

《神耆小子》於5月6日首播！

由王偉仁監製、林麗媚擔任編審的TVB懸疑輕鬆小品《神耆小子》，由5月6日起逢周一至五晚九點半翡翠台播映，主要演員包括鄭則士、冼靖峰、蕭正楠、樊亦敏、曹永廉、傅嘉莉、羅毓儀、魯振順、吳子冲及袁潔儀等。

Kent哥呢個錢大海角色唔單止有霸氣，仲好霸道。

Kent哥呢個錢大海角色唔單止有霸氣，仲好霸道。

但其實呢位老人家，仲有搞笑可愛嘅一面。

但其實呢位老人家，仲有搞笑可愛嘅一面。

Archie喺劇入面既精靈又乖巧。

Archie喺劇入面既精靈又乖巧。

以新人嚟講，演繹好自然，值得期待。

《神耆小子》由兩屆金像影帝得主鄭則士（Kent哥）夥拍劇集界新丁冼靖峰（Archie）攜手演出，故事講述白手興家的零食集團「勁威威」CEO錢大海（鄭則士飾），由於硬淨成性，無論在商場或屋企均是「有佢講冇人講」；面對大海的高壓手法，兒子繼來（曹永廉飾）、女兒有方（傅嘉莉飾），及情人知己洪玫瑰（樊亦敏飾）表面言聽計從，實則各有各陽奉陰違，大海對三人亦存有極大疑心，經常以遺囑作為威脅三人籌碼…一天大海上班途中突遭綁架，綁匪聲稱是其家人指示，自此「查找綁架叛徒」風波一觸即發，偶爾路過綁架現場的趙一鳴（冼靖峰飾）在「冇得揀」的情況下成了大海私人偵探，並遭威逼收留大海；豈料回到家竟發現父親子勇（蕭正楠飾）與大海有陳年血海深仇；主角們錯綜複雜的關係、配以出乎意料的劇情發展，及充斥抵死鬥氣金句的場口，輕鬆惹笑之餘不失懸疑。

Archie同Kent哥勁多對手戲。

Archie同Kent哥勁多對手戲。

Archie同Kent哥勁多對手戲。

大海上班途中遭突然綁架。

大海上班途中遭突然綁架。

仔仔曹永廉、女兒傅嘉莉，同情人知己樊亦敏都相當有可疑。

仔仔曹永廉、女兒傅嘉莉，同情人知己樊亦敏都相當有可疑。

仔仔曹永廉、女兒傅嘉莉，同情人知己樊亦敏都相當有可疑。

1974年已開始為無綫拍攝劇集的Kent哥，演出過無數經典影視作品，當中最為人津津樂道的角色絕對是肥貓，當年Kent哥亦是因《肥貓正傳》與《神耆小子》監製王偉仁（Simon）結緣。為了凸顯Kent哥錢大海一角的霸道，Simon專誠為其設計了「老虎狗」Image，並大讚認識了近三十年的Kent哥易話為，亦是整套劇集的靈魂人物，Simon說：「只要Kent哥喺度，所有演員同台前幕後都會寧舍開心同埋專注。Kent哥有一樣嘢真係幾十年都咁專業，就係佢永遠唔會遲到、仲例必比通告時間早半小時到做準備，好值得欣賞。」

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

Archie當然夾喺中間啦，但係就係因為咁，劇情先至咁爆笑。

Archie當然夾喺中間啦，但係就係因為咁，劇情先至咁爆笑。

Archie當然夾喺中間啦，但係就係因為咁，劇情先至咁爆笑。

Kent哥呢個「人形動物公仔」扮相好Cutie。

另一亮點是演戲演足50年的Kent哥，是次主要對手竟是劇壇新丁Archie，雖然二人演齡差距頗大，但演出卻一拍即合，在連場與Kent哥的互拋場口，Archie不但「戲勢」頂得住，就連涉及勁多IT專有名詞的對白亦應付自如，值得期待，Archie受訪時笑言全靠Kent哥貼身指點，並細數Kent 哥3大暖心行徑，首先是教講對白加揣摩角色，然後是近乎24小時貼身指導及慰問，第三點則是樂於與後輩分享人生經驗：「由Day 1去到最尾嗰日，Kent哥都係教緊我嘢，佢知我演戲經驗好少，佢唔單止教我講對白，仲教我點分析角色同揣摩角色對於故仔嘅功能。同Kent哥拍完每場戲，喺休息時間佢都會講解番場戲點解要咁做；每日拍完一齊食飯，佢又會講番我聽佢嘅相關經驗、同我點樣可以去更好咁裝備自己。」

曹永廉今次個角色到底忠定奸呢？

曹永廉今次個角色到底忠定奸呢？

陳榮峻喺劇入面，係Kent哥嘅老友兼忠心近身下屬。

蕭正楠個角色好正氣憨直，絕對係入屋之選。

Kent哥喺劇入面會忽然變「老虎狗」，好cute cute。

「佢連Off cam之後返到屋企，都會再Text我，教我邊場邊場可以注意啲乜，臨尾仲一定加句：『希望你拍攝順利啦』。Kent哥又會同我傾偈時教我好多人生道理，用佢嘅人生經驗教我點去看待自己嘅事業。拍完套劇我就去咗拍《亞洲超星團》，Kent哥差唔多每兩、三日就同我講加油，問我咩狀況、有冇咩困難？呢啲前輩邊度搵？」與鄭則士份外投緣的Archie，坦言對方與自己已過身的爺爺很相像：「都係佻皮得嚟又有威嚴，所以對住Kent哥，我係愈嚟愈唔怕佢，一開始都驚佢架。」Archie另外還感激樊亦敏（Amy）的提點：「我平時會睇多啲IT嘅嘢，呢個係Amy姐教我嘅，到我睇劇本時我就知個term講緊咩，就可以好有自信咁講到出嚟，咁角色嘅說服性會強好多。」除了Archie，Kent哥與蕭正楠亦有大量「廝殺」場口，在官方預告片，二人不但經常口角，其中一幕蕭正楠更會喪扯Kent哥底衫大玩對質互數，期待值爆燈。