阿正@RB結他圖案致敬李小龍 MC仁想用手繪反光結他照靚女？

國際知名結他品牌Fender和通利琴行聯合舉辦的「DESIGN YOUR OWN LEGEND結他圖案創作比賽」頒獎典禮，日前於尖沙咀通利琴行Tom Lee Studio圓滿結束。除了四位參與藝術家暨評判——著名藝術家又一山人（黃炳培）、樂隊RubberBand（RB）隊長兼結他手阿正（馮庭正）、香港Hip Hop始祖兼亞洲塗鴉教父MC仁（陳廣仁），和漫畫家兼多媒體創作人林祥焜，到場向優勝者頒發獎項之外，四人女子獨立樂隊WHIZZ（主音王雨山、低音吉他手Bowie及鼓手，吉他手Moo因病缺席）亦有以表演嘉賓身份在典禮亮相。

（左起）通利琴行執行董事李正德先生、MC仁、林祥焜、阿正@RubberBand、Bowie@WHIZZ、王雨山@WHIZZ、Jess@WHIZZ、又一山人、通利琴行總裁李敬天先生

阿正@RubberBand、又一山人、通利琴行執行董事李正德先生、岑沛諺、葉鍵恒、雷門、MC仁、林祥焜

通利琴行一直致力培育新一代音樂與藝術人才，讓本地文化得到更好的傳承和發展，所以今次與Fender合作舉辦「DESIGN YOUR OWN LEGEND結他圖案創作比賽」，不但旨在讚揚香港本地音樂及藝術的創造力，亦是向世界展示香港獨特的文化底蘊。今次比賽吸引超過200位參賽者在傳奇的Fender Stratocaster電結他設計圖上發揮創意，經過多個階段遴選及討論，四位評判最終揀出以傳統遊戲「麻雀」為題材的張皓庭、以「霓虹燈」為題材葉鍵恒、以「香港物種」為題材的雷門，以及「詩文」為題材的岑沛諺為優勝者，並在頒獎典禮中向他們頒發獎項，而四款得獎設計結他亦將會與一眾評判的作品在之後舉行的展覽中向公眾展示。

評判們駐足觀賞作品。

岑沛諺作品

張皓庭作品

葉鍵恒作品

雷門作品

四位評判的精心傑作亦有在典禮亮相，其中又一山人的結他以「再唱。香港」為題，結他琴身印上14首廣東歌歌詞，「港味」十足，他在台上分享創作意念時便朗讀了包括Beyond《海闊天空》「背棄了理想誰人都可以那會怕有一天只你共我」和許冠傑《浪子心聲》「命裏有時終須有，命裏無時莫強求」等歌詞。

又一山人作品

又一山人介紹作品

而阿正的作品則以「Bruce Lee G.o.D Guitar」為題，他台上分享時坦言意念來自已故武打巨星李小龍在《死亡遊戲》中的黃色戰衣，而結他正面有李小龍的模樣，後面則有一個大腳印：「唔係因為佢叫『李三腳』，係因為佢喺套戲同Kareem（渣巴，Kareem Abdul-Jabbar）踢咗一腳喺心口，個心口就有個腳板印喇！其實個腳印我做錯咗少少，因為Kareem隻腳應該有30cm，我就做咗27cm，我驚佢太大，點知做出嚟仲有位。」

阿正@RubberBand作品

阿正@RubberBand介紹作品

阿正@RubberBand介紹作品

林祥焜的作品則以「虎豹地獄」為題，他用畫筆在結他上以漫畫形式重現已於2004年拆卸的萬金油花園，作品中以琴頸上的「虎塔」和正面的大老虎最搶眼，而除了這些集體回憶，原來他亦在角落畫了約翰連儂（John Lennon）父子作小彩蛋：「其實係因為佢當年嚟香港，係有帶小朋友去萬金油花園同虎豹別墅嘅，所以我將佢變成彩蛋，等大家可以懷舊之餘，仲可以睇到佢諗起音樂。」

林祥焜作品

林祥焜介紹作品

至於MC仁的作品也是以手繪形式呈現，運用了特殊反光油漆創作的他，便希望自己的結他可以配合到舞台燈光創作不同效果，更笑謂：「平時我哋見到台下有咩靚女，就可以用結他反光照落去！」而他又指是次比賽提供了新平台展現創意：「呢個比賽我好開心，就好似鍾意Pop art嘅人好鍾意行滑板舖，唔係愛嚟踩，而係塊板已經成為創作嘅平台。希望有朝一日後生仔去睇結他係睇出咗咩新Pattern，有個新嘅風氣，對音樂同音樂周邊嘅嘢更有認識。」

MC仁作品

MC仁介紹作品

MC仁介紹作品

另外，三缺一的WHIZZ在台上傾力演出多首歌曲後亦有接受訪問，她們坦言好榮幸成為表演嘉賓，更指Fender是結他界的代表，Bowie說：「無論係好貴，例如Custom Shop，定係好划算、好性價比高嘅款式都有，佢嘅結他係好啱我哋嘅音樂，啱聲得嚟就有特色，一聽就知係Fender。」王雨山更自爆是品牌的忠實Fans：「佢無論係外形定聲音都係深入民心，我真係冇乜點樣用其他Brand！」

WHIZZ鼓手Jess

（左起）WHIZZ低音結他手Bowie、主音王雨山

WHIZZ低音結他手Bowie

RubberBand聯同耀榮文化於12月14日舉行「RubberBand x 耀榮文化 同在音樂會」，以音樂凝聚社會力量，支援受影響的家庭，傳遞守望相助與同舟共濟的信念，為社區帶來實際援助與心靈安慰。

RubberBand聯同耀榮文化於12月14日舉行「RubberBand x 耀榮文化 同在音樂會」。

是次音樂會將於西九文化區安盛竹翠公園舉行，全場六千座位爆滿，RubberBand用《回家》為音樂會打響頭炮，「喺呢度見到大家係因為香港發生咗好唔開心嘅事。我哋一直都想做d嘢，咁所以寫呢首歌回家，亦都得知到我哋嘅好夥伴耀榮文化想邀請我哋一齊做一個咁樣嘅騷。我哋喺呢個城市好微不足道、好微小嘅，但係我覺得每一個人只要喺佢自己個崗位發揮最大，正所謂有錢出錢，有力出力。就將我哋嘅愛送出最大嘅能量，送去每一個人嗰度。」

RubberBand唱出二十幾首歌，觀眾以特別的心情入場，為受影響人士送上鼓勵。由於這晚氣溫急降，6號不時呼籲觀眾企起暖身，6號唱到跌暖包： 「有咁多朋友喺度，都暖晒喇，唔需要暖包。昨晚又落雨又凍，今晚都凍但好天氣，做善事個天係睇到！」整晚觀眾都好投入，6號話感覺到能量交換，不但來自台上， 台上亦以滿滿的愛和能量回應，希望將這份能量轉送給受影響市民。

及後，全場觀眾大合唱《阿波羅》，6號更講到眼濕濕，「今次呢個騷好多人幫手，為呢次音樂會推咗啲工作過嚟幫手！我哋只係識做音樂，咁多年嚟我哋啲歌都係關於呢個城市嘅故事，裡面有好多愛。今日我係要多謝大家，喺處於困難當中大家來到呢個公園，因為做呢個騷係好唔容易、經歷咗好多。因為要用呢個速度做好一件事，係需要好多有心人。除左我地幾個，其實台前落後佢哋都係一樣，都因為今晚騷將工作改期，好希望可以送到一份溫暖。」

12月14日晚所有門票均一售價港幣$388 、開設6,000個座位， 另設額外捐款讓善長人翁隨心支持 。今次音樂會門票不扣除任何成本與開支，收入將全數捐出， 善款總數為港幣：$2,903,713。善款將平均撥捐予五個單位：大埔宏福苑援助基金、東華三院「大埔宏福苑事故愛心捐款」、殉職消防員家屬、白恩逢之家（Bethune House Migrant Women’s Refuge Limited）及阿棍屋（House of Jay and Mercy）。

今次音樂會門票不扣除任何成本與開支，收入將全數捐出。

善款將平均撥捐予五個單位

RubberBand與同耀榮文化向每一位善長人翁深深致敬！