RubberBand《A Night In World Tour 2026》美加站 6號怕病倒影響聲帶備大褸抵冷

今次是RubberBand相隔3年二度到訪美加舉行音樂會，今次更新增三藩市及紐約兩站，4位成員都十分期待。主音6號表示：「今次就如我哋嘅主題『A Night In』，就係邀請大家嚟到我哋嘅音樂會，歡聚一晚，聽我哋嘅音樂，到時就會好似我哋嘅海報用色一樣，咁繽紛、歡快，相信我哋同樂迷一樣，都會歡度一個愉快嘅晚上。」6號更透露，既然是「A Night In」，每晚當然會送上獨家獻禮，擁有該場的專屬歌曲，至於是甚麼歌曲，就要等到演出當晚才會揭盅了。

RubberBand舉行巡迴演唱會

RubberBand舉行巡迴演唱會

RubberBand舉行巡迴演唱會

RubberBand相隔3年二度到訪美加舉行音樂會

RubberBand相隔3年二度到訪美加舉行音樂會

RubberBand相隔3年二度到訪美加舉行音樂會

這次在寒冬於美加開唱， 6號最擔心的是自己的聲帶表現，他說：「3年前喺荷蘭阿姆斯特丹曾經因為太凍而病倒，結果未能夠發揮到最佳水準，呢樣嘢係我一直耿耿於懷。今次我會帶備足夠嘅禦寒衣物，大褸自然少不免，唔會再重蹈覆轍。」雖然音樂會還未舉行，但難得再次到訪美加，眾人均表示滿腦子已載滿想要去遊玩的地方和想去品嚐的美食，樂迷或者會在音樂會以外的地方，與四子在城市裡擦肩相遇，RB眾人都表示，屆時不必怕醜，可以上前打個招呼，因為實在機會難得呢！

RubberBand聯同耀榮文化於12月14日舉行「RubberBand x 耀榮文化 同在音樂會」，以音樂凝聚社會力量，支援受影響的家庭，傳遞守望相助與同舟共濟的信念，為社區帶來實際援助與心靈安慰。

RubberBand聯同耀榮文化於12月14日舉行「RubberBand x 耀榮文化 同在音樂會」。

是次音樂會將於西九文化區安盛竹翠公園舉行，全場六千座位爆滿，RubberBand用《回家》為音樂會打響頭炮，「喺呢度見到大家係因為香港發生咗好唔開心嘅事。我哋一直都想做d嘢，咁所以寫呢首歌回家，亦都得知到我哋嘅好夥伴耀榮文化想邀請我哋一齊做一個咁樣嘅騷。我哋喺呢個城市好微不足道、好微小嘅，但係我覺得每一個人只要喺佢自己個崗位發揮最大，正所謂有錢出錢，有力出力。就將我哋嘅愛送出最大嘅能量，送去每一個人嗰度。」

RubberBand唱出二十幾首歌，觀眾以特別的心情入場，為受影響人士送上鼓勵。由於這晚氣溫急降，6號不時呼籲觀眾企起暖身，6號唱到跌暖包： 「有咁多朋友喺度，都暖晒喇，唔需要暖包。昨晚又落雨又凍，今晚都凍但好天氣，做善事個天係睇到！」整晚觀眾都好投入，6號話感覺到能量交換，不但來自台上， 台上亦以滿滿的愛和能量回應，希望將這份能量轉送給受影響市民。

及後，全場觀眾大合唱《阿波羅》，6號更講到眼濕濕，「今次呢個騷好多人幫手，為呢次音樂會推咗啲工作過嚟幫手！我哋只係識做音樂，咁多年嚟我哋啲歌都係關於呢個城市嘅故事，裡面有好多愛。今日我係要多謝大家，喺處於困難當中大家來到呢個公園，因為做呢個騷係好唔容易、經歷咗好多。因為要用呢個速度做好一件事，係需要好多有心人。除左我地幾個，其實台前落後佢哋都係一樣，都因為今晚騷將工作改期，好希望可以送到一份溫暖。」

12月14日晚所有門票均一售價港幣$388 、開設6,000個座位， 另設額外捐款讓善長人翁隨心支持 。今次音樂會門票不扣除任何成本與開支，收入將全數捐出， 善款總數為港幣：$2,903,713。善款將平均撥捐予五個單位：大埔宏福苑援助基金、東華三院「大埔宏福苑事故愛心捐款」、殉職消防員家屬、白恩逢之家（Bethune House Migrant Women’s Refuge Limited）及阿棍屋（House of Jay and Mercy）。

今次音樂會門票不扣除任何成本與開支，收入將全數捐出。

善款將平均撥捐予五個單位

RubberBand與同耀榮文化向每一位善長人翁深深致敬！