《溜走的真味》薛家燕為潮洲美食破戒獻身 林正峰徒手捉鵝顯身手

節目今晚首播！

一連六集的全新飲食節目《大航假期呈獻：溜走的真味》於今（14日）晚開始逢周四、五晚上10點半於翡翠台播映。《溜走的真味》由獲提名《萬千星輝頒獎典禮2023》「飛躍進步男藝員」及「最佳男主持」的林正峰、「粵菜名廚」蕭秀香（三姐）及「潮州菜名廚」許美德（德哥）擔任主持，並分別邀得母親是潮州人的薛家燕（家燕姐）、同屬潮州人的陳煒（煒哥）和楊潮凱擔任嘉賓。

潮州古城的新舊建築融為一體。

滷水豬腳賣相吸引。

家燕姐都話流晒口水。

雖然豬腳好肥膩。

但家燕姐都話好腍又好正。

《溜走的真味》帶觀眾嚐盡潮州菜原味道，除了找來「音樂情人」鄭子誠「真味導航」，介紹潮州各式地道美食的歷史及小故事外，製作組更出動航拍機、以獨特又唯美的角度拍攝城巿及鄉郊風貌。《溜走的真味》三位主持將與嘉賓走遍潮州古城、廣濟橋、老媽宮及南澳魚巿場等知名地標嚐遍地道美食；另邊廂三姐和德哥每集均會大獻身手，前者負責炮製簡單易做的特色潮洲家常菜，後者則偏向表演廚師刀法及功架。

正峰與家燕姐等試食潮州滷水火鍋，聽落都好特別。

鵝心做火鍋料夠正宗。

家燕姐示範「開花舞」手勢，唔通乘機消脂？

林正峰

三姐

今（14）晚播出的首集亮點有「全鵝宴」，當中兩味特色菜「翡翠鵝掌凍」及「陳年滷老鵝頭」令主持及嘉賓讚歎不已；另街邊小店的超Q彈「滷水豬腳」亦相當出色，家燕姐邊吃邊搞笑謂：「豬腳嗰啲呢，以我咁嘅體態唔敢點食嘅，但呢度好有名同傳統煮法好正，幾歹都要食！」破戒為美食「獻身」。至於之前憑晒肌相贏盡關注的林正峰，於潮州澄海區的獅頭鵝養殖場大顯身手，兩三下手勢已捉起重達十多公斤的獅頭鵝，力度與靈活度兼備。

許美德

正峰與三姐、德哥帶大家「尋鵝」。

正峰原來捉鵝都有一手。

正峰原來捉鵝都有一手。

德哥指獅頭鵝最緊要眼睛閃亮及背脊有肉。

明（15）晚播出的第二集，四人大歎「即劏即食」潮汕牛肉火鍋，嚐盡五花趾、匙仁、吊龍、胸口朥等美味部位。德哥席間搞笑大爆全靠家燕姐才獲店家送上矜貴靚部位款待，「大開食戒」的家燕姐則搞笑自嘲：「我今日變咗肥牛呀！」其後眾人「轉場」歎專人手打的牛肉丸及牛筋丸，品嚐牛大骨熬製的清湯，薛家燕姐喝下「頭啖湯」後，即《食神》「味公主」上身、一臉滿足兼滔滔不絕大講口感：「啖湯真係好清甜，好有牛骨嘅味道！」重現經典。

《溜走的真味》以航拍機帶大家感受潮州風貌。

林正峰曾在潮州讀書，識聽識講潮州話。

（左起）「名廚」德哥、三姐、家燕姐及正峰食潮汕牛食到舔舔脷。

每碟牛價格約20、30元人民幣，正峰豪言話要「請客」。

家燕姐享用牛骨湯。

睇表情都知幾鮮味。

湯底以牛大骨起湯，再配上彈牙牛筋丸，perfect match！

潮州馳名的手打牛丸爆汁又彈牙，背後功夫唔少架。

潮州牛雜睇見都流口水。

為節目一日食足七餐
年幼時曾在潮州讀學前班的林正峰，受訪時坦言難忘家鄉情懷：「細個經常去鄰居屋企同其他小朋友一齊玩，我哋所有嘢都一齊分享。」提到重遊舊地，正峰笑指自己變了「吃貨」：「一日要食六、七餐，同埋當地太多美食；不過自己想上鏡好睇啲所以都有忍口，拍攝完就盡量食番少啲，好在之後冇肥好多磅！」談到首度與家燕姐合作，正峰激讚這位前輩精力充沛：「因為行程都好chur，由清晨拍到夜晚、車程又次次都好長，但家燕姐好犀利，依然好有活力，玩得又講得，好專業！」

呢餐食牛丸同牛雜。

個個都讚好。

拍攝遇颱風預警急趕回港
談及在《溜走的真味》中晒廚藝擔任三姐助廚，正峰笑言是處男下廚：「平時喺屋企食就食得多，但好少自己煮，所以今次我主要係幫手，但都會搞搞震，原來我哋兩個啲火花都幾好笑！」談到徒手捉鵝，正峰說：「喺養殖場捉鵝其實好好玩，自己未見過咁大隻鵝，佢哋好可愛；不過嗰日潮州有颱風預警，拍完捉鵝就要趕返香港。之後再返潮汕拍過，所以《溜走的真味》前前後後都拍足一個月。」

正峰幫手煮「薑蔥糯米牛肉球」。

家燕姐都話正。

家燕姐到訪「燕臨庭」，想知正峰如何乘機賣口乖冧前輩？睇節目啦。

一共五集的《大航假期呈獻：玩轉桂林懶人包》，今晚10點半翡翠台播出最後一集，由薛家燕、何廣沛、林正峰擔任主持。

品嚐桂林Style螺螄粉。

家燕姐形容林正峰似螺螄粉，形容得貼唔貼切？

桂林行程精彩之餘，主持們之間的搞笑互動亦是節目焦點，尤以昨晚（18日）一集互動最有記憶點。三人品嚐當地著名美食螺螄粉期間，家燕姐突然表示螺螄粉似足林正峰：「鍾意佢就覺得佢幾Nice，唔鍾意佢就覺得佢...」，然後何廣沛竟加把嘴：「寒酸...總之係孤寒啦！」，林正峰亦七情上面扮介意：「我覺得比喻得幾好，只係我個心硬係覺得有啲唔舒服」，十分搞笑。另外何廣沛和林正峰亦體驗「竹筏遊」，近距離觀賞灕江兩岸景色。期間二人興奮地在竹筏上擺出各種甫士，林正峰更即興向岸上女子請求幫忙打卡拍照，被何廣沛笑指：「原來林正峰係咁樣溝女嘅！」

何廣沛+林正峰孖寶兄弟搭竹筏欣賞灕江兩岸景色

做甫士吸引岸上女士注意，呢個就係林正峰識女仔嘅秘技？

何廣沛+林正峰「成親」儀式笑料滿載
何廣沛和林正峰這對孖寶兄弟除了互寸外，二人亦相當賣力哄「皇太后」家燕姐開心。前晚（17日）一集，三人到訪有「天下第一長髮村」之稱的黃洛瑤寨，這對孖寶兄弟更親身上台和當地的紅瑤婦女舉行「成親」儀式，過程中二人和紅瑤婦女載歌載舞，更接連被摸屁股，逗得台下的家燕姐大笑兼拍爛手掌。

孖寶兄弟在尋找美食方面亦是相當落力。主持們上天下海，體驗在隱世雲端Cafe浸住腳歎咖啡欣賞美景外，亦品嚐路邊攤檔滋味竹筒飯，而林正峰落力尋找美食的舉動亦獲家燕姐垂青：「峰峰，你每次發現都係食啊食啊食啊...不過好啱我！」而二人亦乘機「嗲」家燕姐親自餵食竹筒飯，林正峰更賣口乖：「覺得家燕姐餵畀我嘅飯特別甜！」而轉數快的家燕姐笑言：「因為有我啲口水！」互動相當搞笑。

何廣沛+林正峰親身上陣，同當地嘅紅瑤婦女嚟一場「成親」儀式！

禮成！

家燕姐睇到好開心！

林正峰自我感覺「非常油膩」？
除了路邊滋味，三人亦享用各式各樣盛宴，包括昨晚一集，以金桔為主題的「金桔宴」。當何廣沛將充滿霧氣的「金桔餅桂花煲藕」形容成「仙氣」時，林正峰即時賣口乖：「好似家燕姐，仙氣飄飄啊！」哄得家燕姐笑逐顏開；除「金桔宴」，前晚的桂式「農家宴」亦令人胃口大開，當何廣沛即場將「待客肉」塞進口感似豬油撈飯的「鼎鍋飯」時，林正峰竟口快快形容自己「油膩」：「你嗰啲咁就叫邪惡？邊有得（同我）鬥呀？我油膩過你好多！」然後馬上意識自己用錯形容詞，但仍被何廣沛無情揶揄：「你係真係油膩過我哋好多嘅！」

三人在隱世雲端Cafe，體驗浸住腳歎咖啡欣賞美景。

家燕姐親自餵孖寶兄弟食竹筒飯

就算品嚐金桔宴，孖寶兄弟依然唔會錯過任何機會哄家燕姐開心。

仲有地道農家宴。

林正峰竟然話自己油膩！

家燕姐乘船觀賞灕江景色，家燕姐更憶起當年拍攝電影時的回憶。

至於今晚（19日）播出的最後一集，三人將體驗觀賞灕江兩岸美景的「興坪遊船」。家燕姐望見灕江，更想起其年輕時曾和修哥（胡楓）、吳君麗拍攝電影《灕江河畔血海仇》（1963年）的點滴，雖然時隔62年，但家燕姐對當年的拍攝細節印象深刻，十分厲害！想知道家燕姐會分享當年什麼精彩的拍攝點滴，而製作組又為三人預備了什麼行程，萬勿錯過今晚播出最後一集的《玩轉桂林懶人包》。