Skip to Content Facebook Feature Image

喬寶寶大展歌喉勁唱張國榮葉振棠廣東金曲 啤梨設計搞笑「演唱會」海報

娛圈事

喬寶寶大展歌喉勁唱張國榮葉振棠廣東金曲  啤梨設計搞笑「演唱會」海報
娛圈事

娛圈事

喬寶寶大展歌喉勁唱張國榮葉振棠廣東金曲 啤梨設計搞笑「演唱會」海報

2024年05月10日 19:00 最後更新:21:24

喬寶寶在新城《卡啦O!BABE》節目唱K!

藝人喬寶寶早年移民蘇格蘭,鮮有在港露面的他,日前返港探望老友,並現身新城廣播創作總監葉文輝(啤梨)主持的節目《卡啦O!BABE》大展歌喉唱K,啤梨為迎合鬼馬喬寶寶,特別為喬寶寶設計了一張海報,搞笑地寫上「首個喬寶寶個人演唱會」,而旁邊有個QR Code,大家只要掃一掃個條碼便可以收聽喬寶寶的鬼馬歌聲。

喬寶寶接受新城《卡啦O!BABE》主持人監葉文輝(啤梨)訪問。

喬寶寶接受新城《卡啦O!BABE》主持人監葉文輝(啤梨)訪問。

印度裔的喬寶寶於香港出生,說得流利廣東話的他,就連唱K亦字正腔圓,他在節目上分別獻唱哥哥張國榮《不羈的風》及《Monica》、葉振棠的《勝利雙手創》及阿牛的《至冧情歌》,喬寶寶唱法生鬼,他將《Monica》其中一句歌詞改成「喬嫂嫂 誰能代替你地位」狂冧愛妻,又將《勝利雙手創》的一句改為「勝利 啤梨創」,令節目生色不少。

喬寶寶大展歌喉!

喬寶寶大展歌喉!

喬寶寶05年因參加《殘酷一叮》而加入無綫,憑住邊搞笑邊唱廣東歌成功出位的他,入行後更得到契姐李麗霞(黑妹)帶挈四出登台搵真銀。啤梨問他喜歡唱歌還是純粹搵食而唱?他稱:「其實我八成收入靠唱歌,但我唔識中文字,靠記歌詞,好彩《殘酷一叮》呢個節目,畀大家知道喬寶寶可以唱歌,同埋好多謝黑妹姐,我跟咗佢成個生肖,家姐帶住我周圍走埠。」啤梨表示:「你好好呀,好過好多歌手,其他歌手都未必有八成收入靠唱歌。」

啤梨為喬寶寶設計海報。

啤梨為喬寶寶設計海報。

喬寶寶指自己熱愛中國文化,讀書時期亦與一個本地女仔拍拖,可惜最後遭母親棒打鴛鴦,他說:「佢話阿仔,雖然我哋離鄉別井,但我哋一定要搵番自己人,我好聽阿媽話,接受唔到我老媽子每一滴眼淚。」後來喬寶寶母親介紹三位女孩給他,分別是加拿大印度西施、英國印度西施及印度西施,他娓娓道來:「加拿大嗰位係千萬富婆,打跛腳都唔使憂嗰啲,但有個小朋友,我話我咁細個,唔使Buy one get one啦,等我自己嚟;第二個英國人係百萬富婆,但同你(啤梨)體重差唔多,不過年齡大我十年,我話第時帶出街話係我老婆定阿媽?恐怕洞房時會壓親我。」

至於第三個印度女孩則成為了現任「喬太」,喬寶寶指:「因為我都想了解多啲印度文化,我第一次返印度係四歲,第二次返去就結婚,嗰時係18歲半。」怎料返家鄉籌備婚禮翌日,喬寶寶即遇上一次慘痛經歷,他說:「因為我哋都鍾意成個土地,就試吓飲印度水,點知第二日水土不服,我頭一星期屙得好淒厲,第十日要結婚,好彩第七日就開始好返。」這次變成「瀉寶寶」令喬寶寶畢生難忘,他呼籲:「所以大家去印度最好飲蒸餾水或礦泉水。」

喬寶寶自爆讀書時期錯與一個本地女仔拍拖,可惜最後遭母親棒打鴛鴦。

喬寶寶自爆讀書時期錯與一個本地女仔拍拖,可惜最後遭母親棒打鴛鴦。

詳細內容,請留意5月10日,下午6:00– 7:00,新城知訊台《卡啦O!BABE》節目 ,收聽網址:https://www.metroradio.com.hk/MetroInfo/

往下看更多文章

周卓盈靠利是錢增加收入 徐嘉蔚自嘲體能似42歲

2025年01月28日 17:00 最後更新:17:31

周卓盈笑言:「我一年嘅收入喺晒呢到。」

歌手周卓盈(Mic)和徐嘉蔚(Emiko)接受葉文輝(啤梨)主持的新城《卡拉O! BABE》節目錄音訪問,Mic和Emiko於中學參加歌唱比賽時認識,並一同加入樂壇,齊齊成長及吸引經驗,不過二人的性格南轅北轍,所以私下甚少互動。

周卓盈、徐嘉蔚接受新城《卡拉O! BABE》訪問。

周卓盈、徐嘉蔚接受新城《卡拉O! BABE》訪問。

周卓盈、徐嘉蔚接受新城《卡拉O! BABE》訪問。

周卓盈、徐嘉蔚接受新城《卡拉O! BABE》訪問。

農曆新年將至,啤梨問二人會否四出拜年?Mic笑言:「會呀,我一年嘅收入喺晒呢到,要儲起啲利是。」而性格文靜的Emiko則透露新年期間幾乎足不出戶,她稱:「我好少去親戚朋友屋企拜年,通常只係去爺爺嫲嫲屋企,成長過程中都慣咗冇乜利是,所以大家記得派利是畀我,我好窮呀!」

今個蛇年邁向24歲的Emiko正值犯太歲,她自嘲體能似42歲,Mic聞言表示:「你冇出街,又冇做運動嘛!」之後又補充說:「我今年27歲,但個樣似42歲。」

周卓盈(Mic)笑言靠利是錢增加收入!

周卓盈(Mic)笑言靠利是錢增加收入!

今個蛇年邁向24歲的徐嘉蔚(Emiko)自嘲體能似42歲。

今個蛇年邁向24歲的徐嘉蔚(Emiko)自嘲體能似42歲。

詳細節目內容,請留意1月31日,下午3-4時,新城知訊台《QK玉瑛室》節目,網址:https://www.metroradio.com.hk/MetroInfo/

你 或 有 興 趣 的 文 章