歌手張馳豪（Aska）日前到新城廣播接受葉文輝（啤梨）主持的《梨事會》訪問，暢談新歌《燈亮時離場》中詮釋的「渣男」角色；這首在東京通宵拍攝的MV，引來關於「渣男」的熱議。
歌手張馳豪（Aska）到新城廣播接受葉文輝（啤梨）主持的《梨事會》訪問。
新歌《燈亮時離場》以晚上作為氛圍，Aska形容歌曲描寫的是一種各取所需的隨意關係，啤梨直接反問：「即係渣男？」，Aska搞笑稱：「我唔好意思講出來，但自己都覺得係。」但他強調MV情節相當「健康」，他跟女主角亦保持了社交距離。
Aska新歌《燈亮時離場》MV扮渣男。
性格內向的Aska自爆：「啲人見到我都覺得我似渣男。」可是他與新歌的形象形成強烈反差，Aska表示：「依家都有啲後悔，因為我喺美國邁阿密讀大學，啲人成日話邁阿密好正，咁性感嘅一個城市，有海灘，啲人好國際化，又開放，但我好專注讀書、打波，好少參加派對或者去旅行，所以我同首歌裡面嘅角色完全唔同。」Aska強調：「我係相反，依家超過夜晚10點都撐唔住，一早已經過咗瘋狂嘅年紀。」
訪問中，Aska坦言自己是需要Me time的人，習慣在車內獨處聽歌，甚至回家前會在停車場稍作停留，享受放空時刻。Aska還表示：「我好鍾意一個人睇電影，出街食飯會特登揀『面壁』嘅位置，享受個人空間。」
現實係乖乖仔！
詳細節目內容，請留意10月6日，下午6:00 – 7:00，新城知訊台《梨事會》節目，網址：
https://www.metroradio.com.hk/MetroInfo／
楊千嬅昨3月9日現身新城廣播，接受黎莉主持的《勁爆樂勢力》節目訪問，首度為全新作品《不知從何說起》及《回歸一塊小石頭》宣傳，同時分享即將舉行的《Live MY LIVE 1.0 世界巡迴演唱會》背後的故事。千嬅更自揭有「拖延症」，坦言現階段做音樂寧願忠於內心感受，多於追逐時間表。
訪問甫開始，黎莉有感《不知從何說起》與《回歸一塊小石頭》兩首歌曲似有連貫之意，不過千嬅強調純屬時間上的巧合，她透露這兩首作品早於一兩年前已完成錄音，卻延至現在才正式派台，全因自己的「拖延症」作祟。
楊千嬅接受黎莉《勁爆樂勢力》訪問。
千嬅解釋：「其實《回歸一塊小石頭》比《不知從何說起》更早完成，但中間因為編曲想再調整、演繹上又未夠滿意想重唱，加上當時忙住搞演唱會，來來回回就拖咗好長時間。」她直言這幾年做音樂的心態已有所轉變：「我真係好唔想因為Deadline，令到作品淪為一件產品。到咗依家呢個階段，我更想記錄當下嘅心情，主要係跟隨內心嘅節奏；搵到一首真正代表自己想表達嘅歌曲，比趕時間表重要得多。」
黎莉提到聆聽《回歸一塊小石頭》時，感受到一種重拾「昔日楊千嬅」的韻味，網上樂評亦有同感。千嬅對此表示自己也體會到這種變化：「喺做Mastering嘅時候，將呢啲歌曲放埋一齊，我自己都覺得同二十幾歲、三十幾歲時演唱嘅感覺好唔一樣。原來以前係咁唔快樂，依家呢個版本開心好多。」她笑言：「最近重聽以前嘅錄音，先發現嗰啲作品真係好有意思，唔單只對歌迷有意義，對自己都係一份好有價值嘅記錄。迷惘同倔強都係真實發生過嘅事，今日再用真實感受去演繹，覺得好有意思。」
首度宣傳新歌。
談及下月舉行的《Live MY LIVE 1.0 世界巡迴演唱會》，千嬅解釋命名為「1.0」的緣由。她表示完成上一輪巡演後，一直期待重返香港紅館開騷，轉眼間已相隔七、八年，這段「流浪」的日子讓她有機會從零開始。「當時感到好無助，但從零開始嘅過程入面，我發現原來可以咁樣重新訓練自己。嗰個零嘅起點，好多時候係觀眾畀我信心，冇觀眾，我做唔到呢個演唱會，搵唔到適合嘅音樂，亦搵唔到自己。係一場又一場嘅演出，唱番自己嘅心態同初衷，先令我重新搵番方向。」
她更分享早前在北京為演唱會宣傳時，現場演繹《回歸一塊小石頭》的難忘經歷。當時天氣驟變下起雪來，她在戶外唱著廣東歌，感觸良多：「能夠喺一個歷史文化悠久嘅地方，唱住一首全新廣東歌，我覺得好有意思。嗰一刻我真係好似經歷咗歌詞入面嘅秋冬，特別有感覺。」千嬅形容站在舞台上最快樂的不是自己有多厲害，而是團隊一起令事情變得美好。
楊千嬅從迷惘到快樂。
詳細節目內容，請重溫3月9日，中午12:00 – 1:00，新城知訊台《勁爆樂勢力》節目，網址：https://www.metroradio.com.hk/MetroInfo/
