李君妍獲TVB關曜儁搭路考健身牌 自爆狂收男學員inbox要求一對一上堂

藝人李君妍（Aurora）日前到新城廣播接受由譚玉瑛（阿譚）、何基佑及黃筠兒主持的《QK玉瑛室》錄音訪問，分享她入行以來的經歷與轉變。Aurora回顧了參加《功夫新星》的過程、在兒童節目的青澀歲月，以及近年考取健身教練與香薰治療師牌照的緣由。

李君妍接受新城廣播《QK玉瑛室》錄音訪問。

於2009年參加藝員訓練班入行的Aurora，最初是從「歡樂小姐」這類崗位開始。當時有監製問她是否願意參加《功夫新星》節目，她坦言：「我係憑自己嘅勇氣，靠喺訓練班學過嘅一啲南拳，就話我識。」她憶述在節目海選時被師傅「勁彈」，指她功夫未夠成熟：「因為我真係啱啱學咗冇幾耐，所以覺得唔夠厲害，我就要再進步，錄影時就更加逼自己去練多啲。」

Aurora與阿譚曾一同主持兒童節目，阿譚形容她當年很少出聲，很害羞。Aurora表示：「因為啱啱入行，入到呢行咩都想試，增加多啲曝光率。但嗰時仲未搵到自己個方向，究竟要做咩、自己專長係咩，我都唔知道。」

李君妍與譚玉瑛

談到在楊盼盼師傅的訓練學校學武，Aurora表示要與一班男學員一同訓練：「佢哋體能咁好，又好厲害，對一個新手嚟講，我要追到佢哋嘅進度、佢哋嘅能力，就變得好吃力。」她自認個性硬朗，不太怕痛，更分享中學時被足球擊中的經歷：「當時鼻子酸咗，暈咗一暈，但我同自己講唔可以喊，返去畀阿爸睇到又會鬧我，佢實會話『你女仔之家咁唔矜貴，到處畀人打』。」

近年Aurora積極發展不同技能，考取了健身教練牌照。她解釋因為疫情期間想進修，加上TVB同事「大隻仔」關曜儁（Leo）是復康教練，於是向他查詢入行途徑，她於2021年完成考試，已執業數年。她坦言以藝人身份找學生有難度，而且她主力教女生：「其實有好多男仔inbox問我，因為要一對一，我又要避開……一定會有接觸的。」她現時與教練朋友一起授課，環境較安全，亦開辦小組班。

李君妍獲TVB關曜儁搭路考健身牌。

Aurora在疫情期間還修讀了香薰治療師證書課程，她表示香薰治療可混合底油透過按摩改善身體，如肌肉痠痛、濕疹、護膚等，與中醫理念相近。而且她提倡使用天然護膚品，認為坊間產品含化學成分，可能干擾荷爾蒙。

問到香港人壓力大，有何香薰建議？Aurora推介橙花：「日本做過一個研究，好多人聞完橙花後可以減低自殺率，令人冇晒抑鬱，所以我建議用橙花嘅種類。」她又指不同精油有不同功效，例如金盞花或洋甘菊可用於止癢、洗澡舒緩皮膚。

李君妍自爆狂收男學員inbox要求一對一上堂。

詳細節目內容，請留意4月24日，下午3-4時，新城知訊台《QK玉瑛室》，網址：https://www.metroradio.com.hk/MetroInfo/

歌手尹光到新城廣播接受李有毅與李國煒主持的《Ben同Benson「Chur」到行》訪問，分享由黃偉文（Wyman）為他度身訂造的新歌《你阿爸的無常宇宙》。現年81歲的尹光，在新歌中從出生唱到往生，說的是放下執著，接受上天的安排。然而在拍攝MV時，導演張子丰不讓尹光「死去」。

尹光接受新城《Ben同Benson「Chur」到行》訪問。

尹光談及新歌《你阿爸的無常宇宙》時難掩興奮，他表示歌曲由Wyman操刀：「自從《Dear Myself》之後，佢覺得佢想寫一首歌畀尹光唱。我聽到佢想寫畀我，嘩！開心到。我求都未必求到佢寫畀我，難得佢肯寫畀我，我開心到不得了。」

尹光介紹歌曲內容時滔滔不絕：「呢首歌係講一個人由出世到往生，以前人生幾十年，依家人生可以過百年，我都識幾個九十幾歲，現代人壽命長咗。佢講嘅往生同出生，叫人唔好太執著，每件事上天都安排好。你想健康就運動；你想開心就唔好諗太多，咁你個人就冇問題喇！」

左起：李有毅、尹光、李國煒

新歌MV由張子丰（Fred）執導，拍攝過程甚為有趣，他分享MV中的特別安排：「原本首歌係講我往生，講我死，但Fred話唔好畀尹光死住，我哋仲有排玩。」尹光續說：「MV入面我死咗經過奈何橋，佢話我冇手帶唔走得住。我問佢點解我唔走得？佢話『你未係時候，依家你鍾意去邊就去邊，鍾意做乜就做乜，玩夠再返嚟』。」

談及與兒子的關係，尹光提到自己歌曲《老豆》正正是講述父子關係，他坦承：「年輕時同個仔冇咁密切，長大之後就比較密切。」他解釋：「因為佢細個嘅時候要搵食，個個年輕時都會去拼搏去賺錢，賺錢時就好少顧個仔，多數請工人或者太太照顧，到依家想接觸個仔，佢又識諗嘢，覺得老豆以前冇照顧我咁好，依家想補救，同個仔都OK。」

新城CEO馬浚偉歡迎尹光到訪。

81歲尹光推出新歌《你阿爸的無常宇宙》。

尹光特別感謝影帝張家輝為《老豆》拍攝MV：「我喺呢到借個機會多謝張家輝，佢拍《老豆》個MV真係拍得好好。雖然三兩分鐘，佢個表情真係絕頂，頭髮雖然梳咗兩個鐘，但拍咗兩三秒，轉咗個頭，但嗰吓好有感覺，所以真係影帝。」尹光又透露與兒子的日常溝通：「我個仔冇咁多嘢講，佢同我老婆就講好多嘢，由我老婆講畀我聽。」

另外，尹光將於5月19日舉行《爆笑勁歌晒冷演唱會2026》，他笑言：「曬冷就唔敢講話曬冷，曬冷唱多啲歌畀大家聽，即係有啲歌冇唱過都曬畀你聽。」同時介紹兩位演出嘉賓：「第一個是蝦頭（楊詩敏），佢會同我唱一首好搞笑嘅歌，另一係鄭雅琪，佢喺粵曲界好出名，佢同我會唱幾首廣東小曲。」

唱盡出生到往生。

詳細節目內容，請留意4月25日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/