Vincy表示將除衫重任交給三位師弟！
香港海洋公園水上樂園跟耀榮文化合作，於全新音樂會場地「Aqualand」舉行一年一度的「New Bomb音樂會」，繼去年找來樂隊Kolor及Revery，rock爆全場，今年由泳兒（Vincy）領軍，帶住同門師弟洪助昇（Aiden）、黃明德（Dark）及黎展峯（Andy）接棒。
泳兒（Vincy）領軍！
對於今次的表演場地是室外，向來皮膚白淨的Vincy表示不擔心熱及曬黑，「我出名怕凍，所以熱我係絕對唔驚，而且我曬極都唔黑，加上今次係傍晚開show，好似話場地一邊唱一邊可以睇到日落，應該好好feel。」她又謂，可以近距離同觀眾互動，「之前同阿Dark喺澳門都做咗個戶外show，氣氛好正。今次呢個場地，歌手同觀眾感覺更加close，更加感受到佢哋嘅熱情。」她笑言到時可能會帶定水槍上台跟觀眾「互動」一番，「水上樂園吖嘛，有支水槍喺身係好合理嘅。」提到戶外show必定被歌迷大嗌除衫，Vincy表示將重任交給三位師弟，「我冇本錢呀，呢啲梗係交俾啲小鮮肉啦，我都好期待。」
洪助昇（Aiden）
黃明德（Dark）
雖然師姐落order，不過三個師弟惜肉如金，Dark表示自己仍然是學生，「一睇就知我係『賣藝派』啦。」向來有做開gym的Andy笑說如果除衫，怕觀眾會分心，未能專心聽歌，「我唔想搶鏡，哈哈。」至於Aiden則醒目戴定頭盔「執雞」，「就算除都冇話唔打底㗎，哈哈。」
黎展峯（Andy）
「NewBomb 音樂會」
活動日期 ✧ 2024 年 8 月 3 日（星期六）6:30 PM
演出歌手 ✧泳兒ㅣ洪助昇ㅣ黃明德ㅣ黎展峯 ㅣ
活動地點 ✧ Aqualand @香港海洋公園水上樂園 （售票處側海邊空間）
活動票價 ✧ HKD 488 （全企位）
票務平台 ✧ Klook
公開發售 ✧ 7 月 12 日（五） 11 AM
歌手張馳豪（Aska）、黎展峯（Andy）及林芊瑩（Irene）日前傍晚在黃埔海濱長廊出席《新城。樂動區區Busking》活動，雖然現場海風凜冽，但仍吸引不少熱情歌迷手持應援燈牌及戴上聖誕飾物到場支持偶像，當歌手們輪流上台演唱，現場觀眾隨即報以熱烈歡呼聲，並一同高聲合唱，將海濱長廊化作一個充滿節日歡樂的露天音樂廳。
黎展峯、林芊瑩、張馳豪
張馳豪、林芊瑩、黎展峯望著海景Busking。
黎展峯、林芊瑩、張馳豪與fans大合照
Andy打頭陣出場，一口氣唱了《在山洞外等你》、《最後晚餐》及《宇宙煙火》，他特別預祝歌迷聖誕快樂，最後以應節歌曲《伯利恆的主角》作結。然而演出期間天空忽然下雨，Andy未有急於避雨，反而親自將雨傘遞給台前的歌迷，成為寒夜中最溫暖的一幕。
黎展峯
抵禦冷風的Irene穿著短裙亮相，演唱了《深層消毒》、《孤獨的質感》及《凡星》，並與Aska合唱《Last Christmas》，現場歌迷亦一起大合唱，熱鬧氣氛不斷急升；壓軸的Aska則以結他自彈自唱《山系戀人》，並獻唱《Talking to the Moon》、《我們都是第一次做人》及《Cardigan》，最後他邀請Irene和Andy再度上台，三人合唱《青春頌》，掀起高漲氣氛。
林芊瑩
表演完後，Aska對於能再次參與Busking感到興奮，笑言已忘記上次街頭演出是何時；但特別提到演出心得：「設備一定要好，如果聽唔到自己唱歌，就唔能夠享受成個演出；不過我諗氣氛比較重要，有時室外嘅氣氛會好啲，但室內就近啲，各有特色。」
張馳豪
張馳豪
Andy則透露今年聖誕節終於有時間返教堂，他說：「過往因為工作太忙而去唔到教堂，今年希望藉住呢個機會尋求平安同正能量，亦都祝福大家一樣平安。」對於即將到來的頒獎禮，Andy以「平常心」看待，並認為今年特別適合這心態。他解釋：「因為今年已經好開心，又覺得自己贏咗，因為出咗第四年第一首冠軍歌，我覺得好感恩大家嘅支持。」他強調，能讓大家看到自己的進步，已是2025年最大的成就，並期待在頒獎禮上與眾人分享喜悅時刻。
黎展峯與fans合照
張馳豪與fans合照
Irene則透露：「聖誕節係我爸爸生日，所以我哋應該會喺屋企一齊吃飯，每年聖誕節都會同爸爸慶祝生日。」至於可有準備生日禮物？Irene搞笑表示：「就算我寫一張卡畀他，佢都會好開心。」她表示對父母而言，子女安好便是最好的回報：「我覺得最好嘅禮物就係做好自己應該做嘅事，開心、健康就係最大嘅禮物；頒獎禮就到，若果以獎項作為禮物送畀爸爸，就真係別具意義。」
黎展峯、林芊瑩、張馳豪
黎展峯、林芊瑩、張馳豪
