張馳豪《新城。樂動區區Busking》自彈自唱全場High爆 黎展峯雨中送傘暖透歌迷心

歌手張馳豪（Aska）、黎展峯（Andy）及林芊瑩（Irene）日前傍晚在黃埔海濱長廊出席《新城。樂動區區Busking》活動，雖然現場海風凜冽，但仍吸引不少熱情歌迷手持應援燈牌及戴上聖誕飾物到場支持偶像，當歌手們輪流上台演唱，現場觀眾隨即報以熱烈歡呼聲，並一同高聲合唱，將海濱長廊化作一個充滿節日歡樂的露天音樂廳。

黎展峯、林芊瑩、張馳豪

張馳豪、林芊瑩、黎展峯望著海景Busking。

黎展峯、林芊瑩、張馳豪與fans大合照

Andy打頭陣出場，一口氣唱了《在山洞外等你》、《最後晚餐》及《宇宙煙火》，他特別預祝歌迷聖誕快樂，最後以應節歌曲《伯利恆的主角》作結。然而演出期間天空忽然下雨，Andy未有急於避雨，反而親自將雨傘遞給台前的歌迷，成為寒夜中最溫暖的一幕。

黎展峯

抵禦冷風的Irene穿著短裙亮相，演唱了《深層消毒》、《孤獨的質感》及《凡星》，並與Aska合唱《Last Christmas》，現場歌迷亦一起大合唱，熱鬧氣氛不斷急升；壓軸的Aska則以結他自彈自唱《山系戀人》，並獻唱《Talking to the Moon》、《我們都是第一次做人》及《Cardigan》，最後他邀請Irene和Andy再度上台，三人合唱《青春頌》，掀起高漲氣氛。

林芊瑩

表演完後，Aska對於能再次參與Busking感到興奮，笑言已忘記上次街頭演出是何時；但特別提到演出心得：「設備一定要好，如果聽唔到自己唱歌，就唔能夠享受成個演出；不過我諗氣氛比較重要，有時室外嘅氣氛會好啲，但室內就近啲，各有特色。」

張馳豪

張馳豪

Andy則透露今年聖誕節終於有時間返教堂，他說：「過往因為工作太忙而去唔到教堂，今年希望藉住呢個機會尋求平安同正能量，亦都祝福大家一樣平安。」對於即將到來的頒獎禮，Andy以「平常心」看待，並認為今年特別適合這心態。他解釋：「因為今年已經好開心，又覺得自己贏咗，因為出咗第四年第一首冠軍歌，我覺得好感恩大家嘅支持。」他強調，能讓大家看到自己的進步，已是2025年最大的成就，並期待在頒獎禮上與眾人分享喜悅時刻。

黎展峯與fans合照

張馳豪與fans合照

Irene則透露：「聖誕節係我爸爸生日，所以我哋應該會喺屋企一齊吃飯，每年聖誕節都會同爸爸慶祝生日。」至於可有準備生日禮物？Irene搞笑表示：「就算我寫一張卡畀他，佢都會好開心。」她表示對父母而言，子女安好便是最好的回報：「我覺得最好嘅禮物就係做好自己應該做嘅事，開心、健康就係最大嘅禮物；頒獎禮就到，若果以獎項作為禮物送畀爸爸，就真係別具意義。」

黎展峯、林芊瑩、張馳豪

黎展峯、林芊瑩、張馳豪

Aska張馳豪推出全新單曲《樂活道》，作為他第三首跳舞歌今次一於「變曳」去突破自己。MV有600萬粉絲的網紅貓爺客串，而Aska與女主有火辣貼身舞，更有近距離親密鏡頭，畫面挑逗得讓人看得心癢癢。

Aska推出全新單曲《樂活道》。

觀看相關影片按連結：https://youtu.be/KQFdFlwb3sQ

雖然Aska在MV中型仔兼表情殺食，但當時他原來抱病上陣，開拍前還要食退燒藥，他說：「連續幾日發燒，今次真係頂硬上！好耐未試過病到咁嚴重，平時我都唔睇醫生，之前小病都係食成藥休息下就好，但係今次真係太辛苦。」

Aska張馳豪

Aska張馳豪

雖然身體抱恙，但Aska沒有怠慢，為求有好表現前一日仍在加緊排舞，他說：「今次隻舞好多footwork，練咗2、3個禮拜，對我嚟講係個新挑戰。（你病住仲咁chur夠唔夠休息㗎？）休息都夠嘅，呢幾日盡量瞓多啲，同埋有戴Sleep Tracker（戴睡眠追蹤器） ，佢話我呢兩晚係特別差，雖然瞓嘅時間好多，但係壓力高又深度睡眠好少，佢都真係幾準，哈哈！」他續說：「今次MV仲要拍到凌晨，都係靠腎上線素頂住撐住，只要一唔roll機我就休息保留體力。」

Aska張馳豪

Aska張馳豪

今次新歌《樂活道》給聽眾一種夜晚的氛圍， MV特意到尖沙咀的酒吧取景，而且要與女主角親密互動，被問到會否會否尷尬或者事前要破冰熱身？Aska說：「冇特別點熱身，大家都好專業，一埋位就根據導演要求去演。」Aska又分享為甚麼新歌會選擇這個主題，他笑言：「因為公司話我唔夠曳，覺得平時個形象太死板！我就諗點樣可以突破自己，俾個新鮮感大家呢？所以主題上就直接啲，有一個對象喺入面，歌詞係向嗰個對象講嘅嘢，而對方又想同我發展，一齊去探索呢段關係。」

Aska張馳豪