大家都知道要入迪士尼樂園玩，都要遵守園規不得帶食物，飲料等違禁品入內，日前就有網民見到有遊客竟然想帶3個自熱火鍋入迪士尼，令一眾網民嘩然！
資料圖片
遊客背囊中搜出３個自熱火鍋
有網民在社交平台發文指，日前去迪士尼樂園玩，見到有一家三口遊客在大門過安檢時被攔着，原來他們帶了3個自熱火鍋入園，有可能是想在園內享用。由相片可見安檢從一名遊客的背囊中取出３個自熱火鍋。
樓主表示「我見到之後笑到勁大聲，啲職員都呆咗」。而最終該名遊客被拒帶自熱火鍋入園，全被沒收。
網上圖片
網友：難道以為係普通公園？
帖文隨即引起熱議，網民指對有遊客帶火鍋入園感到「難以理解」，「難道以為係普通公園，鍾意野餐就野餐」、「以前見拎杯麵入去食已經大開眼界，打邊邊係咩玩法」，有眼唔過眼的網民就覺得「肉X酸！窮唔好去啦」。
資料圖片
網民分享見過有人帶杯麵、啤酒等入園
亦有網民分享見過有遊客帶杯麵、啤酒等入園，但當然是被拒啦，「見過safety check（安檢）隔籬啲草叢有出前一丁杯麵」、「見過連杯麵乾哽都見過」、「之前見到有人帶青島啤酒入去，Ofc（當然）唔畀入，要佢揼咗罐啤先得，估唔到有更離譜嘅自熱火鍋」。有網民就提醒「凡需要加熱容易變壞食品，包括杯麵、自熱火鍋、魚生、榴連都唔畀進入樂園」。
設計圖片
一名自封「巴士喇叭剋星」的男網民，因對在公共交通上大聲播放音樂及影片的人感到不勝其煩，決定「主動出擊」，大批網民稱讚其英勇行為。
坐上層但聽到有人外放音樂
該名網民於社交平台Threads自稱「九巴喇叭X剋星」，並在近日發布影片，稱「面對睇片開喇叭既死X街正確做法」。從影片可見，當時他坐在九巴上層前座，但當時車內有人大聲播放音樂，所以他馬上走落下層。
「九巴喇叭X剋星」聽聲即落樓。threads圖片
男子指斥播片男「樓上都聽到你把聲呀」
他斥責一名坐在車門附近的年輕男子，「喂，睇片細聲啲得唔得呀？樓上都聽到你把聲呀」，此時亦聽見司機說「電話可唔可似細聲啲呀」，該男子表示「哦，唔好意思」。當時下層有多位乘客停止用手機關注事件。
threads圖片
threads圖片
向鄰座女乘客問「駛唔駛借耳機比妳」
「巴士喇叭剋星」亦有發布另一段影片。當時他同樣坐在上層前方位置，鄰座女子則大聲播放影片。此時他拿起自己的耳機，伸出予對方稱「駛唔駛借畀妳呀」，女子感錯愕後即表示「唔好意思」，男子及後稱「係囉，咁細聲啲唔該，一係戴耳機」，該女子回應「OK」。
threads圖片
threads圖片
遇到應正面衝擊
「巴士喇叭剋星」及後稱「其實唔需要假設佢真係拎走耳機呢啲假設性問題，我想講如果見到隔離開聲睇片，其實唔駛講咁多，應該一野XX佢，唔駛話影相，要正面衝擊先係。」
示意圖
網民讚好「終於有即刻開聲唔係影相事後公審」
帖文獲大批網民回應讚好，稱「師兄好X勇敢，好多次想X人都唔夠膽X」、「我一直以為係佢隔離開盡喇叭播六字大明咒先係正確做法，You win」、「終於有即刻開聲X唔係影相事後公審，樓主好波」、「做得好！不過我覺得你都係太有禮貌了，應該可以再惡啲」、「咁後生都咁，以為係阿伯」、「錯重點，後面果阿姐部手機收都收唔切，可能以為你話佢」。
