高薪「美容學徒」？少女尖沙咀見工被誘入房換「校服」嚇到報警

一名少女在Threads發文稱，本來到尖沙咀應徵美容院接待員，但到場後卻被誘轉做時薪$188的「美容學徒」。之後被帶入大房間，更被職員要求更換校服並稱是「吸客用」！

少女尖沙咀見工被誘入房換「校服」！Threads截圖

招聘接待員變「美容學徒」

事緣該少女被美容院接待員高達80至100的時薪吸引應徵。沒想到，到場後卻被利誘轉做時薪$188的「美容學徒」，更被帶入一間「勁大、走唔到」的房間，職員其後取出校服要求更換，聲稱是「吸客用」。事主借故逃離後驚魂未定，直言「Cls，Ｘ，我驚到仆街到，而家仲震緊」，事後已到警署備案。

該港女被帶入一間「勁大、走唔到」的房間。AI生成圖

職員取出校服要求港女更換。AI生成圖

網民揭為「邪骨」場所

事主描述該單位位於大廈4樓，內有巨大員工休息室及多間類似賓館的房間，燈光昏暗、窗戶被封。有網民留言指該地址4樓為「揼邪骨」場所，另一網民亦分享同日同地有相同經歷，形容環境「完全係賓館咁款」。事主透露所謂「美容學徒」實為幫客按摩、使用汗蒸機等，且以現金出糧「完全唔留底」。

有網民留言指該地址4樓為「揼邪骨」場所。《骨妹》劇照

招聘廣告急刪

相關招聘廣告連結已失效，頁面顯示「未能找到該職位」。根據女事主當時的求職廣告截圖，可以見到該兼職接待員工作，時薪高達$80至$100，只需中三程度、不限經驗，更有加班津貼和生日假等福利。

相關招聘廣告連結已失效，頁面顯示「未能找到該職位」。Threads截圖

網民：邊有咁大隻蛤乸隨街跳

由於事主見工時被影印了身份證，故網民都提醒她小心個人資料被盜用借貸。有網民原定翌日面試，看到帖文後取消預約。事件反映舊式招聘陷阱仍存，網民慨嘆「邊有咁大隻蛤乸隨街跳」，呼籲年輕人勿因貪圖高薪墮入圈套。

中國人的習俗，紅白事是相沖，所以家中有喪事的人不能參與別人的喜宴，而辦完喜事的人亦不能出席喪禮，以免影響對方的運氣。不過日前就有網民分享，指父親因意外離世，但公司同事堅持派喜帖給他，令他非常為難，更一度情緒失控，最終捥拒對方，不過事後又覺得自己是否有點過份，幸得網民安慰。

示意圖

父親在家中跌倒不幸離逝

此名網友在threads專頁分享，指兩星期前父親因在家中跌倒不幸離逝，由於他不能見到父親最後一面，深感愧疚，「成個人跌咗（落）谷底」，更不用說完全無心情過聖誕節。

父親因在家中跌倒不幸離逝，樓主無緣見到父親最後一面，深感愧疚。示意圖

同事明知卻派喜帖邀請出席

不過日前有一位將結婚的同事派帖給他，雖然對方稱「我知道你屋企啱啱出咗事，我都替你難過，希望你快啲振作！」但最後竟希望他可以出席婚禮，「希望你下個月出席到！」樓主不知如何回應是好，「我成個人好似斷咗片咁，無聽入耳」，其他同事見況即刻幫忙「打圓場」，勸喻同事「唔好即刻要人答」，給樓主一些時間考慮。

示意圖。設計圖片

樓主淚奔力拒但卻後悔

怎料那位同事沒有就此罷休，竟然話「唔得呀，個位我預咗佢㗎，同埋下個月就到，你會嚟祝福我㗎呵？」樓主聽到後突然聲淚俱下，失控大哭起來，並回應「你結得開心啲，唔好預我，呢個moment我講唔出任何祝福說話」並將喜帖交還給對方，然後獨自離開公司，行開一陣冷靜下，不過現在他回想起，卻質疑自己當時「會唔會做得過份咗？」

網友都力指紅白兩事本來就不宜相沖，斥責同事自私又「無腦」。示意圖

網批「唔識做人」及別有用心

帖文一出後，不少網民都即安慰樓主，除批評同事「唔識做人」更是別有用心，「結婚大晒咩」、「擺酒唔係你expect，人哋就一定要來」、「應該confirm（賓客）去唔去先派帖，咁樣俾人都唔大方」、「識得逆地而處嘅人，唔會喺屋企有白事嘅人嘅傷口上灑鹽」，直指對方並非單純想分享喜悅，「根本唔想嘥咗個位」、「想人哋俾人情先真」、「你照去話白事不宜封禮，睇吓佢點」、「一位咪幾百蚊，為咗幾百情勒（情緒勒索）一個啱啱走咗親人嘅人」、「結婚都要𢯎著數，無錢學咩人結婚？」。

網斥責同事自私又「無腦」

網友都力指紅白兩事本來就不宜相沖，斥責同事自私又「無腦」，「身為有白事嘅人，100日唔可以去紅白二事地方」、「紅事白事距離咁短時間，正常都唔好要人出席啦，真係情勒加cheap爆」、「一陣佢屋企有咩事可能又會賴你有白事都仲要去」、「就算新人無所謂，雙方長輩都肯定唔鍾意」，再安慰樓主毋須自責，「明知你屋企有事都要俾帖，無真正諗你感受」、「你已經做得好好，換轉係我一定X爆佢」。