交往8年男友極度吝嗇 談婚論嫁仍不改本性 港女心碎分手 網民齊聲祝福

分手需要更大的勇氣，往往勝過繼續相戀。一名31歲港女在社交平台Threads吐露心聲，她與男友相戀長達8年，已進入談婚論嫁階段，卻因對方長期吝嗇態度而無法忍受。男友月薪約4萬元，卻從未為女方付出過，她僅期望生日能收到一份心意禮物，甚至「拎張紙畫幅畫」都足夠，但男友從未實現。

交往8年從未為她花過一分一毫

樓主指，男友月入約4萬元，卻堅持「永遠出街食飯都AA制，今餐你畀完，下餐一定要係我畀」，「1蚊都冇使過喺我身上」，讓女方感受到完全缺乏被珍惜的溫暖。

交往8年從未為她花過一分一毫。資料圖片

連簡單畫作都做不到

樓主並非追求奢華物質，只盼男友在生日時「拎張紙畫幅畫」送她，已足以令她開心，「我講到出口，你都冇做到」，卻始終落空。

求婚靜靜在家一問都唔肯

求婚靜靜在家一問都唔肯

她多次表明只需「2個人靜靜地坐喺屋企問我願唔願意嫁畀你」，無需公開儀式或戒指，男友卻以「唔需要」、「大家有共識結婚，求婚嘥氣」為由拒絕。

父母心痛女兒被欺負

男友對禮金態度強硬，「1蚊都唔需要畀，𠵱家唔係拎咗你阿爸阿媽啲咩」，樓主轉告父母後，父母憤慨「自己個女點解要被呢啲人蝦」，認為對方不值得託付終身。

父母心痛女兒被欺負。資料圖片

網友力撐分手：31歲重新開始並不晚

樓主「喊咗無數次」、「曾經都呃自己，呢啲嘢根本都唔重要」，但目睹友人幸福婚禮後自問是否值得如此待遇，她直言「冇信心同勇氣再繼續行落去」，痛下決心分手，「真係好痛，好驚自己行唔到出嚟」。網友紛紛安慰，視此為擺脫不值得之人，迎向更好未來的轉機。

網友力撐分手，31歲重新開始並不晚。資料圖片

有福之女不入無福之門

大量網友迅速回應支持，「有福之女不入無福之門」、「結婚前諗清楚一律當喜事啦，結咗婚只會仲差，到時要離婚仲煩」、「分得好，支持你，佢根本唔係愛你，只係習慣你存在」、「我覺得對方是真的不愛你，已經宣之於口」、「任何要AA嘅男人都要即飛」、「31歲好年輕之嘛」、「真心恭喜你」、「男人搵4萬蚊，連生日畫張紙都話唔需要，呢種唔係慳，係情感殘疾」。

近日有外賣員接到薄餅外賣訂單，顧客要求將食物掛在門把上，但餐廳未提供足夠大的膠袋。外賣員急中生智，在路邊撿到一條繩子，成功將薄餅盒綁在顧客鐵閘門把上，事件引發熱議。

近日有外賣員接到薄餅外賣訂單。FB截圖

薄餅外賣缺膠袋

該名外賣員於Facebook群組「KeeTa外賣關注組」發文，提醒顧客「叫咗pizza外賣，千萬唔好以為一定可以幫你掛到門口」，因餐廳未必有能裝下整盒薄餅的大膠袋。他表示，該次送餐時顧客「唔肯應門開門，又唔肯聽電話」，加上餐廳未有提供膠袋，令他一度束手無策。

餐廳未有提供膠袋，令外賣員一度束手無策。FB圖片

執繩綁實鐵閘門把

幸好外賣員在路邊撿到一條繩子，成功將薄餅盒綁在顧客的鐵閘門把上。他上傳照片顯示，原本只以紙盒盛載的薄餅，最終用麻繩牢牢繫在門把。他解釋：「如果我執唔到呢條繩，就可能要擺地下了，但今日落雨門口成地水，點擺地下？」其急智解決方法獲不少網民稱讚。

外賣員在路邊撿到一條繩子，成功將薄餅盒綁在顧客的鐵閘門把上。FB圖片

網民反應兩極

事件引來網民熱烈討論，有人讚賞外賣員盡責，「真係服咗你，做勞作咩」，亦有人笑言「條嘢係咪垃圾桶執番嚟」。不過亦有網民批評不應門的顧客是「西客」，認為「袋餐好重或袋好薄和紙袋，掛不到會穿！又不可以放地下，叫人點做？」。

不少顧客會要求「只放門口」或「掛門把上，勿按門鈴」。FB圖片

不少顧客會要求「只放門口」或「掛門把上，勿按門鈴」。FB圖片

有網民則為顧客解釋，指不開門或不接電話不一定是不合作，「人哋work from home，有時開緊會議，唔一定應到你門鐘電話」，又或「屋企有BB或者寵物，唔通抱緊BB瞓，仲要放低BB任佢喊，就為咗抽隻手聽你電話？」。他們呼籲雙方互相體諒，明白送餐與點餐均各有不便之處。

外賣掛門把、勿按鈴成常態

該外賣員亦分享多張訂單截圖，顯示不少顧客會要求「只放門口」或「掛門把上，勿按門鈴」，反映無接觸送餐已成常態。