家有白事同事竟堅持派帖逼出席婚禮 網民怒轟自私兼無腦：結婚大晒咩！

中國人的習俗，紅白事是相沖，所以家中有喪事的人不能參與別人的喜宴，而辦完喜事的人亦不能出席喪禮，以免影響對方的運氣。不過日前就有網民分享，指父親因意外離世，但公司同事堅持派喜帖給他，令他非常為難，更一度情緒失控，最終捥拒對方，不過事後又覺得自己是否有點過份，幸得網民安慰。

示意圖

父親在家中跌倒不幸離逝

此名網友在threads專頁分享，指兩星期前父親因在家中跌倒不幸離逝，由於他不能見到父親最後一面，深感愧疚，「成個人跌咗（落）谷底」，更不用說完全無心情過聖誕節。

父親因在家中跌倒不幸離逝，樓主無緣見到父親最後一面，深感愧疚。示意圖

同事明知卻派喜帖邀請出席

不過日前有一位將結婚的同事派帖給他，雖然對方稱「我知道你屋企啱啱出咗事，我都替你難過，希望你快啲振作！」但最後竟希望他可以出席婚禮，「希望你下個月出席到！」樓主不知如何回應是好，「我成個人好似斷咗片咁，無聽入耳」，其他同事見況即刻幫忙「打圓場」，勸喻同事「唔好即刻要人答」，給樓主一些時間考慮。

示意圖。設計圖片

樓主淚奔力拒但卻後悔

怎料那位同事沒有就此罷休，竟然話「唔得呀，個位我預咗佢㗎，同埋下個月就到，你會嚟祝福我㗎呵？」樓主聽到後突然聲淚俱下，失控大哭起來，並回應「你結得開心啲，唔好預我，呢個moment我講唔出任何祝福說話」並將喜帖交還給對方，然後獨自離開公司，行開一陣冷靜下，不過現在他回想起，卻質疑自己當時「會唔會做得過份咗？」

網友都力指紅白兩事本來就不宜相沖，斥責同事自私又「無腦」。示意圖

網批「唔識做人」及別有用心

帖文一出後，不少網民都即安慰樓主，除批評同事「唔識做人」更是別有用心，「結婚大晒咩」、「擺酒唔係你expect，人哋就一定要來」、「應該confirm（賓客）去唔去先派帖，咁樣俾人都唔大方」、「識得逆地而處嘅人，唔會喺屋企有白事嘅人嘅傷口上灑鹽」，直指對方並非單純想分享喜悅，「根本唔想嘥咗個位」、「想人哋俾人情先真」、「你照去話白事不宜封禮，睇吓佢點」、「一位咪幾百蚊，為咗幾百情勒（情緒勒索）一個啱啱走咗親人嘅人」、「結婚都要𢯎著數，無錢學咩人結婚？」。

網斥責同事自私又「無腦」

網友都力指紅白兩事本來就不宜相沖，斥責同事自私又「無腦」，「身為有白事嘅人，100日唔可以去紅白二事地方」、「紅事白事距離咁短時間，正常都唔好要人出席啦，真係情勒加cheap爆」、「一陣佢屋企有咩事可能又會賴你有白事都仲要去」、「就算新人無所謂，雙方長輩都肯定唔鍾意」，再安慰樓主毋須自責，「明知你屋企有事都要俾帖，無真正諗你感受」、「你已經做得好好，換轉係我一定X爆佢」。

分手需要更大的勇氣，往往勝過繼續相戀。一名31歲港女在社交平台Threads吐露心聲，她與男友相戀長達8年，已進入談婚論嫁階段，卻因對方長期吝嗇態度而無法忍受。男友月薪約4萬元，卻從未為女方付出過，她僅期望生日能收到一份心意禮物，甚至「拎張紙畫幅畫」都足夠，但男友從未實現。

交往8年從未為她花過一分一毫

樓主指，男友月入約4萬元，卻堅持「永遠出街食飯都AA制，今餐你畀完，下餐一定要係我畀」，「1蚊都冇使過喺我身上」，讓女方感受到完全缺乏被珍惜的溫暖。

交往8年從未為她花過一分一毫。資料圖片

連簡單畫作都做不到

樓主並非追求奢華物質，只盼男友在生日時「拎張紙畫幅畫」送她，已足以令她開心，「我講到出口，你都冇做到」，卻始終落空。

求婚靜靜在家一問都唔肯

求婚靜靜在家一問都唔肯

她多次表明只需「2個人靜靜地坐喺屋企問我願唔願意嫁畀你」，無需公開儀式或戒指，男友卻以「唔需要」、「大家有共識結婚，求婚嘥氣」為由拒絕。

父母心痛女兒被欺負

男友對禮金態度強硬，「1蚊都唔需要畀，𠵱家唔係拎咗你阿爸阿媽啲咩」，樓主轉告父母後，父母憤慨「自己個女點解要被呢啲人蝦」，認為對方不值得託付終身。

父母心痛女兒被欺負。資料圖片

網友力撐分手：31歲重新開始並不晚

樓主「喊咗無數次」、「曾經都呃自己，呢啲嘢根本都唔重要」，但目睹友人幸福婚禮後自問是否值得如此待遇，她直言「冇信心同勇氣再繼續行落去」，痛下決心分手，「真係好痛，好驚自己行唔到出嚟」。網友紛紛安慰，視此為擺脫不值得之人，迎向更好未來的轉機。

網友力撐分手，31歲重新開始並不晚。資料圖片

有福之女不入無福之門

大量網友迅速回應支持，「有福之女不入無福之門」、「結婚前諗清楚一律當喜事啦，結咗婚只會仲差，到時要離婚仲煩」、「分得好，支持你，佢根本唔係愛你，只係習慣你存在」、「我覺得對方是真的不愛你，已經宣之於口」、「任何要AA嘅男人都要即飛」、「31歲好年輕之嘛」、「真心恭喜你」、「男人搵4萬蚊，連生日畫張紙都話唔需要，呢種唔係慳，係情感殘疾」。