為TVB頒獎典禮做足工謂兼狂煲入圍劇集 陳懿德：請大家繼續發掘我嘅不足

德德的努力有目其睹！

26歲陳懿德（德德）於2021年參選港姐入行，入行短短三年多已在《東張西望》、《福祿壽訓練學院》及《全城起動迎奧運》等有令人印象深刻的表現，日前更獨自擔大旗擔任《萬千星輝頒獎典禮2024》司儀，更奪得「最佳女新人」，絕對實至名歸！德德之後亦在社交平台貼出當晚的靚相，並撰長文分享感受。

德德日前獨自擔大旗擔任《萬千星輝頒獎典禮2024》司儀，

更奪得「最佳女新人」。（本網記者攝）

德德在IG分享當晚擔任司儀的花絮照、片段，以及拿着獎座的照片，並留言：「第一次參加頒獎典禮係東張主持，今次可以做到大會司儀 真係好開心，呢個係我最大嘅獎！」她又直言初初知道自己要一個人做司儀都好懷疑自己是否值得、是否能夠勝任，「畢竟我都係2024的3、4月先開始做司儀，但我只可以用我最大嘅努力、最好嘅一面去答謝呢個機會。」

陳懿德IG圖片

德德出名認真又勤力，於去年主持奧運直播前已做足功課，並寫下的大堆筆記，今次為了頒獎典禮更狂煲所有劇集，「呢個月真係用盡所有時間閉關做功課，2倍速去睇哂所有入圍劇集，試過兩日睇哂25集，抄低大家講過咩深刻對白，同睇哂所有各大頒獎典禮做參考，包括以前萬千星輝、金像、金鐘、金馬、oscar，但最sad係做完show漏了陪伴我作戰嘅稿同notes…傷心到傻了。」

陳懿德IG圖片

陳懿德IG圖片

陳懿德IG圖片

而最令德德感動的是，她成功踢走懶音，「有同事之前同我講：嘩 你啲懶音好勁；琴晚佢話：嘩 你真係進步咗好多！真係忍唔住要喊。作為一個司儀真係想做到字正腔圓，但想講俾大家聽，其實改懶音就好似改唞氣方式咁，你咁樣唞氣咗20幾年，突然間大家話你咁唞氣係錯嘅要改，其實真係好難，仲要諗稿嘅同時 再諗埋點pronounce，係雙倍嘅workload，但我真係改緊，應承你地會更好的。」

陳懿德IG圖片

陳懿德IG圖片

德德又指無論大家對她的評語好與否，都多謝每一位，因為每一個留言都令她進步，「我好感激大家好嘅留言，每一個都係好大嘅鼓舞，好感恩你地睇到我嘅好，你地令我相信自己都有點good enough。不過成長就係要將本身嘅不足同唔擅長嘅變成comfort zone，所以多謝唔好嘅留言，我知道我真係未必係最靚最得人中意把聲最好聽，但我應承你地會努力逐樣令自己更值得，每次都比你地見到有進步，我知道自己把聲偏高，亦係我最大嘅concern，我事前綵排嘅時侯，係好刻意壓低自己嘅聲線，大家聽到覺得好似好平，所以我tune返high小小，但我睇返playback都覺得要tune返低，辛苦大家了，唔好意思！」

陳懿德IG圖片

陳懿德IG圖片

陳懿德IG圖片

德德還特別點名感謝周奕瑋、麥美恩及許文軒的教導和幫助，但卻對不起爸爸，「因為佢早幾日生日，我因為閉關，淨係同佢簡單係屋企食咗個飯，love u!」最後，德德希望大家繼續發掘她的不足，「大家每次見親我都好開心，但其實我今年比咗好大壓力自己，有絲毫不足都好對唔住個機會同比機會我嘅人，但我明白成長，就係要將本身嘅不足同唔擅長嘅納入comfort zone，但原來你改完上一樣，下次更大嘅挑戰都會再發現自己有咩不足，所以請大家繼續發掘我嘅不足，我準備好一一改善，多謝！」

麥美恩、周奕瑋

鄭衍峰

許文軒

關注一下過去24小時娛圈事Top 5熱話。

導演劉偉強冬至請食「鮑魚buffet」 李璨琛兩寶見女食得滋味送「名畫」作謝禮

冬至吃飯是家庭團聚的重要時刻，出名好客的導演劉偉強日前（12月21日）都趁冬至，宴請舒淇、李璨琛一家及其他親朋好友歎「鮑魚buffet」！

▼詳情點擊圖片查看或按連結

尋秦記電影︱郭羨妮凍顏重現驚艷全場 宣萱口快爆可拍第三集

電影版《尋秦記》定於今年12月31日壓軸上映，三位女主角宣萱、郭羨妮與滕麗名近日罕有同台宣傳，掀起劇迷回憶。久未公開露面的郭羨妮，狀態極佳，美貌依舊，受訪時難掩興奮：「我哋忍唔住相擁呀！」台上三人更相擁轉圈，場面溫馨。

▼詳情點擊圖片查看或按連結

吳業坤空手道賽事奪冠 演藝事業同步報捷 入圍最佳男配角十強

吳業坤近日雙喜臨門，不僅在一項空手道會慶十週年大賽中勇奪冠軍，演藝事業亦獲重要肯定。吳業坤憑藉在劇集《新聞女王2》中的家明一角，成功入圍《萬千星輝頒獎典禮2025》「最佳男配角」最後十強，與姜大衛、鄧志堅及羅子溢等實力派演員競逐殊榮。

▼詳情點擊圖片查看或按連結

緋聞情侶陳懿德羅天宇高調放閃 埃及旅遊又晒「深坑」

TVB上位女主持陳懿德（德德）近年備受力捧，接連擔任港姐及台慶等大型節目司儀，更曾獨挑大樑主持選秀節目《聲秀》。雖然決賽當晚出現少許小失誤惹來批評，但她高EQ回應、火速致歉並調整心態，連緋聞男友羅天宇公開力撐，讚她應對負評表現值「300分」，甜蜜互動令粉絲羨慕不已。

▼詳情點擊圖片查看或按連結

55歲小儀剖白單身心路 30歲被分手成一生最痛

現年55歲的小儀至今仍然單身，她近日在節目中罕有談及感情狀況，坦言年輕時曾與一名出版社CEO拍拖長達7年，關係已發展至談婚論嫁階段，卻在30歲那一年突然被分手。她直言那段感情屢次遭對方背叛，「每次戀情都係輸畀第三者」，即使多年後回想，仍然認為那是人生中傷她最深的一段關係。

▼詳情點擊圖片查看或按連結