電影版《尋秦記》定於今年12月31日壓軸上映，三位女主角宣萱、郭羨妮與滕麗名近日罕有同台宣傳，掀起劇迷回憶。久未公開露面的郭羨妮，狀態極佳，美貌依舊，受訪時難掩興奮：「我哋忍唔住相擁呀！」台上三人更相擁轉圈，場面溫馨。
電影《尋秦記》一眾主演齊集出席宣傳活動。
郭羨妮、宣萱與滕麗名美貌與當年拍劇一樣！
宣萱感慨重聚難得，透露古天樂已為謝票安排「落柯打」：「古仔叫咗我一月唔好放假！但我想去滑雪喎，佢話你望都望三月啦！」談及合作緣分，她表示：「今日第一日宣傳見返大家，啱啱先講仲有冇機會坐埋一齊？合作真係好隨緣。」
郭羨妮回憶25年前《尋秦記》是其首部劇集，當時心情緊張，如今則感覺親如老友。宣萱笑言：「好似識到依家仲好傾啲！」近年鮮有演出的郭羨妮稱戲癮不大，但若有機会希望多拍女性主導作品，又爆女兒對其作品興趣缺缺：「佢鍾意現實嘅媽媽多啲！」
凍齡不老。
郭羨妮激罕露面。
宣萱玩劇透？
談及凍齡秘訣，宣萱大讚滕麗名保養得宜，滕麗名笑稱因仍留在TVB工作，生活規律「早睡早起」，宣萱聞言大笑反駁：「咁辛苦喎！」電影未上映已備受關注，被問會否開拍第三集，滕麗名透露古天樂曾言若票房理想可再續，宣萱則不慎劇透：「喺戲裡面冇死到喎！可以拍第三套……唔可以講太多嘅！」意外預告劇情發展空間，令影迷更添期待。
郭羨妮、宣萱與滕麗名罕有重聚。
憑電影《尋秦記》再創人氣高峰的宣萱（Jessica）及以一身勁爆肌肉入圍角逐金像獎最佳男主角的「金童拳手」張繼聰（阿聰），繼《基建遊一萱》第一集播出後網民勁buy兩位擦出爆笑火花，短短幾日已經獲得200萬觀看次數。第二集兩位繼續於《基建飛一萱》拍住上，並以「第一人視覺」，宣萱與大家深入了解香港「世一」級基建大橋項目！
全港首條同時設有行車道、單車徑、行人路、觀景台的將軍澳跨灣大橋，二人欣賞其代表「無限活力」的無限符號外型設計
全港首條同時設有行車道、單車徑、行人路、觀景台的將軍澳跨灣大橋，二人欣賞其代表「無限活力」的無限符號外型設計
宣萱與大家深入了解香港「世一」級基建大橋項目
搞笑KOL Matthew Chung變身加大碼「烏廷芳」，邀請Jessica與阿聰登上青馬大橋橋塔頂
作為香港基建大型宣傳企劃「基建世一」的頭炮宣傳活動，《基建遊一萱》宣傳短片系列邀請到Jessica擔任主持，一連六集挑戰不同任務，親身體驗了解基建工程背後的技術與理念。第二集繼續由張繼聰擔任嘉賓，與宣萱一同飛越青馬大橋、將軍澳跨灣大橋、港珠澳大橋，沿途見證香港「世一」基建大橋震撼風光！
以航拍機「飛一萱」 第一人視覺飛越「香港世一」基建大橋：青馬大橋、將軍澳跨灣大橋、港珠澳大橋
第二集《基建飛一萱》一開場即有驚喜。阿聰見到青馬大橋橋塔頂出現《尋秦記》「烏廷芳」加大碼身影，暗笑Jessica新年派對後「幸福肥」，怎料「橋上美女」竟是搞笑KOL — Matthew Chung！Matthew於塔頂遠眺城市與大自然交織的景色，更邀請Jessica與阿聰登頂同賞，不過阿聰以「登頂太攰」為由婉拒，笑料十足。Jessica隨即出動建築界常用的無人航拍機，帶觀眾以「第一人視覺」飛越香港三大橋樑地標。首站青馬大橋，兩人驚嘆大橋高度高於滙豐總行，並可抵禦每小時306公里強風。阿聰以一身「Captain Louis」造型，透過航拍鏡頭飛越曾刷新「世界跨度最長行車鐵路兩用懸索吊橋」健力士世界紀錄的青馬大橋。
第二集《基建飛一萱》宣萱張繼聰以航拍機第一身視覺飛越三條世一大橋
第二集《基建飛一萱》宣萱張繼聰以航拍機第一身視覺飛越三條世一大橋
第二集繼續由張繼聰擔任嘉賓，與宣萱一同飛越青馬大橋、將軍澳跨灣大橋、港珠澳大橋，沿途見證香港「世一」基建大橋震撼風光
網民勁buy兩位爆笑火花
阿聰以一身「Captain Louis」造型，透過航拍鏡頭飛越曾刷新「世界跨度最長行車鐵路兩用懸索吊橋」健力士世界紀錄的青馬大橋
來到第二站，全港首條同時設有行車道、單車徑、行人路及觀景台的將軍澳跨灣大橋，二人欣賞其代表「無限活力」的無限符號外型設計。出發之前，Jessica以「冇獎有罰快問快答」向阿聰下戰書，考驗其對跨灣大橋的熟悉程度。三條問題答對兩題的阿聰最後難逃被「電到跳舞」。來到跨灣大橋前，二人被其宏偉程度震撼。Jessica更分享大橋以「浮托法」施工，配合潮汐變化，將過萬噸鋼組件於約五小時內精準定位，令阿聰大感驚訝。面對使用S690高強鋼建成圓拱的跨灣大橋，Jessica更透露鋼材使用「冰火大法」製作而成，將其加熱至逾1200°C後鍛打成形，然後急凍將鋼材內不規則排列的晶體互相鎖緊，再次加熱提升韌度，令阿聰突然感慨一番，以藝人「雪藏論」比喻煉鋼，笑言如果能夠經歷大公司雪藏、解凍再受捧，就會變得堅強、屹立不倒。阿聰更大玩電影《金童》金句形容大橋：「邊條橋鋼水夠厚，邊條就可以企到最後」。
壓軸登場的全球最長橋隧組合跨海通道港珠澳大橋，全長55公里，連接港珠澳三地。宣萱更以「奇異博士」式動作效果轉場，帶觀眾欣賞橋塔融入「中國結」元素的設計，為今集《基建飛一萱》畫上句號。
而較早前播出的首集《基建兜一萱》，阿聰與Jessica分別以乘客以及司機身份，成為首組駕車行駛中九龍繞道（油麻地段）隧道的「世一」使用者。一向風趣幽默、自帶水杯測試Jessica駕駛造詣並自稱「吹水師」的阿聰沿途從未停口，二人一邊駕駛一邊爆笑演繹中九龍繞道（油麻地段）的各種優越設計。首集結尾，Jessica與阿聰來到遊客打卡勝地兼獲得日本工程獎項的昂船洲大橋，開啟第二集以「橋」作為重心，一同發掘香港「世一」橋樑的內容。
Jessica笑言經過第一集的試煉，第二集終於找到應付阿聰的方法：「搵阿聰做嘉賓一定開開心心，絕無冷場，因為佢講唔停。但真係太開心喇，一個唔小心就會分心。今次拍片要講對白就預咗，但阿聰有好多爆肚，我又要接返住，個腦真係慢啲都搞唔掂。佢係個出色嘅演員同笑匠，好彩我都係資深演藝前輩，頂得住。只要問到佢口啞啞，就可以stop佢，佢間唔時又會有啲搞笑答案，好過癮，成隊crew都拍得好開心。我見大家睇完第一集都話好好笑，咁就記得share畀朋友一齊笑住學嘢，輕輕鬆鬆了解吓香港基建有幾厲害，仲可以見到阿聰超乎常人嘅吹水能力，同埋我嘅忍耐力。」
雖然Jessica接連取笑阿聰，但都認真恭喜對方入圍角逐今屆金像獎最佳男主角。Jessica：「唔容易呀，你見到佢拍《金童》時操到咁大隻，係好辛苦，要好自律。我祝阿聰好似今集航拍機咁愈飛愈高，做影帝、做『世一』！」
阿聰已經約定Jessica重遊首集到訪的「中九」慶祝：「講到『世一』梗係我老婆，但原來香港咁多基建項目都係『世一』，真係日日經過都唔知，要好好話畀大家知。我同Jessica係世界第一位司機同乘客自己揸車行中九龍繞道油麻地段，真係光宗耀祖呀！係估唔到Jessica手車咁定，我平時好鍾意ride車遊香港，已經約埋Jessica同《金童》團隊喺頒獎禮之後一齊ride當慶功。由將軍澳出發，經將藍隧道、將軍澳跨灣大橋、T2主幹道、中九龍繞道係咁去，行晒成條六號幹線再直去機場，冇燈位，爽呀！」
