盲盒鐵路遊｜隔空回應摯愛親人離世前遺憾 馬貫東：我想話畀佢哋聽我攞咗獎我做咗主角

無綫旅遊節目《食玩假期呈獻：盲盒鐵路遊》，由丁子朗、馬貫東、陳懿德、林秀怡、鄭衍峰、王嘉慧輪流以組合形式主持，一共十集，逢周一至周五晚10點半翡翠台播映。

北極村

馬貫東感性分享，道出了對天上公公婆婆的思念

馬貫東感性分享，道出了對天上公公婆婆的思念

馬貫東感性分享，道出了對天上公公婆婆的思念

昨晚（9月19日）播出的《盲盒鐵路遊》，是丁子朗（丁丁）、馬貫東與陳懿德（德德）最後一集亮相，三人最後置身漠河風景如畫的北極村，雖然未能親眼一睹極光，但三人的真情分享卻煞是感動。

馬貫東：佢哋會擔心我係咪仲係路人甲乙丙
是次在節目中難得展現真性情的馬貫東，繼在之前集數感激媽媽及家姐的無限支持及關懷，來到最後一站，他在憑明信片寄意環節，道出了對天上公公婆婆的思念、並感性地「回應」了兩老離世前的遺憾，馬貫東忍淚哽咽道：「佢哋會擔心我係咪仲係路人甲乙丙…到我攞獎之前冇耐，我婆婆走之前仲好緊張我嗰一年攞唔攞到獎，所以我特登寫呢封信俾佢哋，我想話畀佢哋聽我攞咗獎我做咗主角，希望佢哋可以收到、開心。」

德德聽馬貫東分享都大受感動！

德德則選擇將明信片送給自己

德德感激自己鼓起勇氣「回歸」水上運動

丁丁透過明信片感激德德和馬貫東一路同行。

德德則選擇將明信片送給自己：「呢個節目令我感覺到旅行嘅意義、係透過唔同嘅環境同經歷去尋找一個可能未發現嘅自己，所以我想寫畀陳懿德。我諗番自己玩水上運動、其實平時嘅我連跑步都會有啲驚，因為我行路時膝頭哥成日都好似想甩出嚟咁樣，好驚因為咁樣會影響工作…今次我覺得自己係終於扚起到心肝去試番呢個運動、同埋用咗自己最赤裸軟弱嘅一面去面對你哋。」而丁丁感激的人，則是德德和馬貫東：「我覺得能夠同朋友一齊去旅行係一個好奢侈嘅禮物。」

三人亦前往室內滑雪場，丁丁和馬貫東負責滑雪，德德則負責拍下二人滑雪英姿！

三人根據盲盒指令前往中國最北端——漠河！

丁丁肩負駕車重任

丁丁、馬貫東將德德蒙眼帶到馴鹿樂園

另下周開始，林秀怡、鄭衍峰、王嘉慧將接棒繼續《盲盒鐵路遊》，鄭衍峰與王嘉慧更將會擦出不一樣的火花，想知係咩？同埋到底去到第二個星期，製作組又會預備啲咩「盲盒新驚喜」畀三位呢？密切留意下周餘下五集的《盲盒鐵路遊》。

三人還品嚐地道鐵鍋燉

下周開始，林秀怡、鄭衍峰、王嘉慧將接棒繼續《盲盒鐵路遊》

由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的輕鬆動作喜劇《X Wallet 呈獻：臥底嬌娃》，逢周一至周五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

李海銅尋晚一集只係出場咗兩分鐘左右已經勁搶戲。

李海銅嘅甜笑眼神同啲劇情係完美配合，齋睇相都感受到佢對馬貫東嘅愛意。

就算耍性子，都耍得溫婉過人。

最後因為發現咗阿東嘅臥底身份，李海銅唔再扭計兼回復善解人意之餘，仲承諾要守護阿東，勁感人。

最後因為發現咗阿東嘅臥底身份，李海銅唔再扭計兼回復善解人意之餘，仲承諾要守護阿東，勁感人。

昨晚（3月17日）劇情講述佳琪（張曦雯飾）發現劉彪（關禮傑飾）背著邦妮（邵美琪飾）搭上秘書Flora（姚嘉妮飾），遂向邦妮作出暗示，不過邦尼似乎早已知情，並婉轉地著令佳琪不要再提…另邊廂佳琪發現父親沈逸良（潘志文飾）與昔日小三仍有聯絡，與逸良關係再度惡化，直到逸良心臟病發，佳琪才得悉自己當年才是累死母親的真兇…

昨晚最大焦點，繼續是潘奕風（馬貫東）與蘇嘉盈（李海銅飾）嘅「虐心風盈CP」！自第16集《臥底嬌娃》播出後，李海銅人氣急升，昨晚第17集一開播，已有大量網民坐等「銅B」！昨晚「風盈CP」回憶部分劇情講述嘉盈因承受不到與潘奕風「見不得光的戀愛」、二人苦陷分手邊緣…直到嘉盈意外發現奕風「臥底」身份後，不但馬上變回「開心甜美少女」，還承諾要守護阿風，再度甜爆網民。

就算李海銅拍片扮發惡，網民都覺得佢溫柔。

就算李海銅拍片扮發惡，網民都覺得佢溫柔。

「風盈CP」大受歡迎呀！

「風盈CP」大受歡迎呀！

不少網民被「銅B」的善解人意融化，更有網民感動落淚：「睇到喊咗」、「呢個反轉好好睇」、「咁都冇發爛渣，真係好女仔」、「完美到癲」、「超明白事理，又善解人意」、「想分手嗰段真係畀佢感動到」、「隱藏女主角」、「又靚性格又好」、「有幾Sweet就有幾慘」。由於嘉盈太受歡迎，不少網民跪求其真正死因，並力推李海銅榮膺今年女飛躍！

被網民再度盛讚「靚到好似AI」、「有股解釋唔到嘅仙氣」的李海銅，IG Followers人數持續攀升。再由1.9萬勁升至2.54萬，短短一日半急升接近1萬Followers（原本是1.6萬），升幅高達62.5%，走勢驚人。未知是否回餽網民，李海銅昨日上載了與馬貫東的搞笑短片！片段所見，阿東因意外撳住咗部電話，令李海銅「大發雷霆」，拎紙巾怒掟阿東。搞笑的是，有網民留言：「發嬲都嬲得溫柔過人」，足證李海銅溫柔甜美形象何等深入民心。