泳兒享受簡單寧靜日子！
歌手泳兒接受新城廣播接受程凱欣和麥卓華主持的《原來生活好快樂》錄音訪問，分享其最新單曲《無糖可樂》的創作理念。泳兒透露新歌原定去年底推出，近日推出就撞正農曆新年及情人節，她表示：「新歌傳達咗一種淡然同平靜，適合喺節日期間聽。」
泳兒接受新城廣播《原來生活好快樂》訪問。
泳兒宣傳新歌《無糖可樂》。
泳兒坦言隨著年齡增長，心態逐漸轉變，不再追求熱鬧的社交活動，反而更珍惜與家人共度的時光，簡單而平靜的生活，她說：「社會生活節奏太快，能夠喺屋企放空、享受片刻寧靜，已經係一種幸福。」
節目中，麥卓華認為「無糖」不僅是對飲食的選擇，更是一種生活態度，代表著無慾無求卻依然快樂的境界，泳兒笑言：「我又覺得唔係無慾無求，其實係唔需要刻意添加任何嘢，令到你覺得咁樣先愛鍚大家，大家有種默契，知道你心入面有我，其實生活上有好多小確幸，係我哋忽略咗。」
新歌《無糖可樂》
泳兒不再追求熱鬧的社交活動。
詳細節目內容，請留意2月18日，早上9:30-10:00，新城知訊台《原來生活好快樂》節目，網址：https://www.metroradio.com.hk/MetroInfo/
歌手洪助昇（Aiden）和何佩（HOPUI）齊齊接受新城節目主持T.Max及JY《Z世代咪高峰會》錄音訪問，Aiden宣傳新歌《別想跟我再和好》，T.Max形容Aiden性格斯文又內歛，跟歌名大相逕庭，問他何以有如何大改變？Aiden笑言：「做個狠啲男人嘛，平時太軟弱。」訪問於昨日(3月19日)播出。
洪助昇、何佩接受新城《Z世代咪高峰會》主持T.MAX、JY訪問。
何佩與洪助昇
JY反問他：「你唔係憑實力單身咩？」Aiden搞笑謂：「平時面對啲惡毒嘅人，唔好嘅關係就唔好諗住同我好番呀，有時男人都要狠吓嘅，做個硬漢！」Aiden相隔差不多一年才再推出新歌，他透露這期間不斷拍片增值自己，早前亦為同公司的Locksmiths開鎖佬拍攝MV，就連自己的新歌MV亦一手包辦，他表示：「開鎖佬個MV我哋飛咗去台灣拍，我係一個好狠嘅導演，由中午開始拍到凌晨三點，冇畀佢哋停過。」
洪助昇升呢導演險客死異鄉。
何佩新歌描述人生像喜劇。
Aiden指做導演十分疲累，每天剪片剪到天昏地暗，只睡得一、兩小時，他自爆：「我托住頭剪片，感覺到身體喺到休息，但眼睛同手指都喺度郁，最誇張係有一晚臨瞓前飲咗啖水，當時我啲內臟正在休息，我嗰啖水爭啲濁死我，我爭啲死喺當地。」
而HOPUI則宣傳個人第9首廣東歌《喜劇開場了》，她透露新歌描述我們的人生就好像喜劇，「有時候我哋看透咗現實有好多悲傷或者苦況，但我哋可以當佢係一個喜劇，開始咗我哋就繼續演落去，但唔係話扮出嚟，而係我哋要接納佢，做好我哋人生呢一場戲。」
左起：JY、何佩、洪助昇、T.MAX海淦清
